1Daina ba, Yekop xaung Lea tang garading haingga, saing ina ila bagu haing taungamdi Sekem.
2Hamo, lipu tela mana bakbakka Hibi, ina wa lipu toxona mana longga hata titia Kenan. Garang lupka, Sekem, ina bagu Daina, saing ina xai mala saing libu kubolu diana mana.
3Ne Sekem muruna buk mana Daina, binabu ina libu haruanga hayaganganamdi na Daina, bu Daina bing muruna mana,
4saing kimuya Sekem baxanga na tibuna ba, “Tibugu, nga murugu ba oxop haingga baguli saing ina bagula ngayau.”
5Yekop lungu haruanga mana Sekem ba, libu kubolu diana mana Daina garang hainga. Ne ina garang lupdi dila masup ba duwasa mana sipsip axamandi binabu Yekop libu haruanga tela te, ma rangua mana garang lupdi ba dima muli to.
6Saing Hamo, Sekem tibuna ma ba hangixaya rangua Yekop.
7Tang dahangixayauyu baing Yekop garang lupdi dima muli ding dilungu masup ba Sekem libu kubolu diana mana hamungadinga. Saing ding gamoding disala saing digamia doa sibuna. Alali axamana Sekem ina libu mana Yekop garanoa alaba kubolu diang sibuna mana Isreldi maxadingia, mana Isreldi, hatumingadinga, bilinga sibuna mana kubolua na bila li.
8Tauna Hamo harua nadi ba, “Sekem, garagu luba, ina muruna buk mana garam hainga binabu nga ngaxusungang ba, sangaʼm tang diyau kimbo tegu?
9Nga murugu ba kira bing tarung xai xauna. Saing am bagula am gayau garaim haingdi ne ang bagula ayau am garamam haingdi.
10Saing ang bagula awa ranguam mana titia baguli. Baing ang bagula awa mana long baruamta ang murum mana, bagula ang bing awa mana baru liling hataingta ang murum mana, binabu ang bagula alibu siangim oxatanoa saing awasa mana ang sibuim xalingimdi.”
11Sekem ba, ma rangua tibuna, saing bala Daina tibuna xaung moxongondi ba, “Nabu ang gaharua xai mana xusungangagua, tauna bagula ngasina baraxinta ang muruim mana.
12Ang bing amogu giminak mana haingga li, saing abala nga mana baru xalinging xaita nga bagula ngasina nang. Heku giminak baru amogu nga bagula ngasina nang. Ne nga murugu ba asina haingga li nanga bu ngayau.”
13Yekop garang lupdi dahatum mana Sekem ina libu kubolu diana mana hamungadinga, Daina baing dahatum ba dilangua Sekem xaung tibuna Hamo,
14saing ding daharua ba, “Am sanga ba am gayunga hamungamama bu lipu sangga xuxungam teguam tela yau te. Nabu am galibu bila ba, bagula am memeyamam diang sibuna.
15Binabu ang bing alibu alali axamang tela muga to ang bing axuxu lup longga labiding sanggandi to, bagula ding disok bila am. Saing kimuya bagula am gaharua xai mana xusungangaima.
16Saing nabu ang alibu bila ba, bagula am sanga mana am gayungang bu ayau garamam haingdi saing am bagula am gayau garam haingdi saing am bagula am gawa ranguang saing bagula kira tasok bakbak lup haing taininau.
17Ne nabu ang gasu mana haruangamama bu axuxu sangga te, tauna am bagula am gaxap hamungamama saing am gayunga longga baguli.”
18Hamo xaung garanoa, Sekem, dingtang muruding mana haruanga baguli.
19Saing Sekem ina su mana sap haruangadingga baguli, mana baraxinta, ina murung sibuna mana Yekop garang hainga. Bakbakka rangua Sekem tibuna ding disina yaya sabanga sibuna na Sekem. Ina xai sibuna maxadingia.
20Tauna Hamo xaung garanoa ba, Sekem, tang dila long guguniangamia haxek mana long sabangga xaluxinoa. Tang daharua ba,
21“Lipu bakbakkadi bagudi li ding bakbak xaidi, saing ding muruding ba dirung xai rangua kira. Kira sanga titi sabanga. Kira tayunga ding duwa mana kira titiroa, binabu ding bagula dahaxa ding murungadingia. Binabu kira bagula tayau garading haingdi, saing ding bagula diyau garara haingdi.
22Ne ding daharing mana axamang tela. Kira bing taxuxu lup kiriadi labiding sanggadi bu disok maxang taininau bila ding. Nabu kira talibu bila ba, tauna ding bagula muruding ba duwa rangua kira saing disok bakbak taininau rangua kira.
23Saing ding sipsibidingdi saing ding bulmakaudingdi saing ding xalingiding teladi xauna bagula kiriadi xaunau. Ne kira bing talibu alali axaman tela ding duxusunga saing bagula ding muruding ba duwa rangua kira.”
24Lipu longga mana long sabangga ba daharua xai mana Hamo Sekem tang haruangadinga, saing duxuxu sanggadingdi.
25Xaidap luwa dila masup saing sangga mana lipuadi duxuxudi ba disalauyu saing mana titinga luwa hiliana, Simion xaung Libai, dingtang Daina moxongong sibundi dingtang daxap waxang sabangadi saing dingtang dahaxa maluxu mana long sabangga ba. Saing lipu tela sanga ma bili dingtang te. Binabu dingtang dung mati lipu longga mana long sabangga ba.
26Ding dung mati Hamo xaung garanoa ba, Sekem, saing dingtang daxap Daina Sekem numania saing ding dila.
27Bungina Simion xaung Libai dung masup Sekem lipuxindi long sabangia, Yekop garang teladi diluxu mana long sabangga ba saing dahanai xalinging xai longgalo saing daxapdi mala, bu dahaxuya kubolu diana bagu dilibu mana Daina ba.
28Saing daxap xaung sipsip saing bulmakau xaung donkidi. Ding daxap axalaxala longga duwa mana xaung sabasabia mana long sabangga ba.
29Ding daxap axalaxala longga daxi buk saing ding daxap haing longgalo xaung garadi, saing ding daxau axalaxala longga dua maluxu numia, saing ding daxap ding longga mala.
30Kimuya Yekop bala Simion xaung Libai ba, “Ang gasina mauxangang sabanga nanga. Lup haing longga mana longga baguli, alali bing Kenandi xaung ding Peresdi, ding bagula dibagu nga bila nga lipu olang sibuna nga lipu xumang te, saing nabu ding bakbak baguli digugunia saing dibo ba dima dahaunggana nga, bagula disahi nga xaung bakbagigudi.”
31Ne dingtang daharua ba, “Baruta? Bola am bagula am gayunga ding dilibu hamungamama sok bila haing daxangam?”
