1Yekop bagu 150 ma rangua 400 lipuxindi, baing bala garang longgalo mana dila dili rangua bauding.
2Saing bala haing oxatam luwa xaung ding tang garadingdi ba, dahaxa mala muga. Saing Lea xaung garandi bing dahaxa disu mana dingtang binabu bala Retsel xaung Yosep bu dahaxa kimu sibuna.
3Tauna Yekop ing sibuna ila muga mana bakbagindi. Binabu gung king tuxundi saing ta ramramonoa mari titia. Saing ma libu bila ba bunging 7 sanga mana sok haxek mana sabanganoa.
4Ne Iso luki ma saing tuxu haringina kixinginoa saing sina halingua na binabu dingtang xaung tang ditang.
5Tauna Iso bagu mala saing bagu haingdi xaung garadi, saing ina xusunga Yekop ba, “Alaba baru bakbaginta duwa ranguaung?” Baing Yekop haxuya haruanga ba, “Urana ina libu kubolu xaiyua manga, lipuxing oxatam ma saing ina sina garadi bagudi li nanga.”
6Tauna haing oxatam luwa tang dima xaung ding tang garadingdi saing ding digung kiding tuxundi saing dita ramramodingdi mari titia mana Iso maxania.
7Saing Lea xauna ma rangua garandi saing dita ramramodi mari titia. Saing kimu sibuna Yosep xaung Retsel dingtang dima saing digung kiding tuxundi saing dita ramramodingdi mari titia.
8Saing Iso harua ba, “Ngasok mana masup bakbakkadi li dima xaung sipsipdi xalingiding. Baruta usinadi ma rangua nga?” Saing Yekop haxuya haruanga ba, “O lipu sabanga, alaba bing libung ba gamoma bing xai manga.”
9Binabu Iso harua ba, “Kixingigu, nga sanga axamang xumana masup. Ngabo tai ututu axadi bagudi li naung.”
10Ne Yekop harua ba, “Laku, nabu gamoma xai manga, tauna ung bing oxop axadi bagudi nga ngasinadi naung. Nga ngabagu ramramoma bila nga ngabagu Urana ramramonoa ba. Mana axata Ung gamoma xai manga.
11Hatata nga murugu ba oxop yahangadi ngasinadi naung, Urana ba libu kubolu xai sibuna manga saing ina sina nanga xamang xumana sing nga sangga sibuna?” Ma haring buk mana Iso ina bing xap yahangadi saing Iso ina xapdi.
12Saing kimuya Iso harua ba, “Tauna hatata kira tamesa tala. Nga bagula ngala ranguang.”
13Ne Yekop bala ba, “Lipu sabanga, uxabia garadi ding daharing buk te, saing ngahatumhatum xumana mana sipsibigudi xaung ding bakbak asaxadi xaung garading haundi dinam suyu. Nabu am galibu diluki mana xaidap tela, asaxa longgalo bagula dimati.
14Lipu sabanga, ula muga naga, binabu nga bagula ngahaxa ma mosiu kimuya xaung ding bakbak axadi xaung garagudi. Saing bagula ngasok maung mana titia Idom.”
15Saing Iso ina harua ba, “Bagula nga ngamogu teladi nga lipuxigu oxatam teladi bagula duwa ranguaung, saing daxapkang ma.” Ne Yekop haxuya haruangua ba, “Lipu sabanga ung xai sibuna manga. Ne heku nga lipuxigu oxatamdi ding sanga daxapkam mala.”
16Tauna mana xaidapka baguliyu Iso haxa goxoya mala muli Idom.
17Saing Yekop haxa mala muli Sakot. Saing ina tongtongia ing sibung numanoa xaung numa kaxukandi mana bulmakaudi. Baing ding duxu longga ba yanoa ba Sakot.
18Bungina Yekop yunga Mesopotemia, saing ma ma muli titia Kenan, tauna ila muli longga Sekem, saing tongtongia yabanoa haxek sibuna mana long sabangua.
19Binabu ina gim titi hataina li na bakbakka Hamo, Sekem tibuna. Giminak mana titi hataina baguli sanga mana 100 siang silba.
20Saing Yekop rang kabukabu mang longga baguba saing ina uxu kabukabua baguli ba, “El, Urana mana Isrel.”
