1Tauna Yekop xaung bakbagindi dahaxa mala, saing Urana uleginamdi disok manadi daxangia.
2Ina bagudi, saing ina harua ba, “Alali longga Urana yabanoa.” Binabu ina uxu longga ba yanoa Mahanaim.
3Saing Yekop soxi lipu tela dila muga titidingia Seir yan tela muli bing Idom, bu daxap haruanga mala na Iso.
4Saing ina baladi mana dilibu haruanga baguli, lipu sabanga Iso. “Yekop lipuxim oxatam ma, sina haruanga, ‘Nga ba ngawa bunging maxaxaya rangua Leban saing hatata nga murugu ba ngama muli.
5Nga sanga bakbak bulmakau xaung donki xaung sipsip xaung meme saing lipu oxatamdi xaung haing oxatamdi olang nga ngasina haruanga li mala naung, lipuxigu haringinoa saing nga murugu ba ung bing gamoma xai manga.’ ”
6Kimuya lipuadi bagudi li dima muli saing ding dibala Yekop ba, “Am ba am gaxap haruanga mala na sabangama Iso. Saing hatata ina ma bu sok maung daxangia saing 400 lipu dima rangua.”
7Yekop ina lungu haruanga baguli saing ina maxuwa buk binabu ma gamonoa mauxana saing hatum xumana tauna ina ta sinak mana bakbak lup haing iniadi, xaung ding bakbak sipsip xaung meme xaung bulmakau xaung kamel, mana bakbak luwa. Saing ding duwa mana long luwa.
8Ina hatumhatum ba, “Nabu Iso ma iti haungingua mana bakbak mugamugangama saing hanggalangiadi. Tauna bakbak luwa bagula sangaʼm diluki.”
9Binabu Yekop ma sabu ba, “Urana mana Ebraham, mugangagua ung Urana Aisak inia, nga tibugu, ulungu sabangagua. Urana, ung gubala nga ba, ‘Nga bing ngala muli. Yabagu sibunia.’ Binabu ulibu xai manga.
10Urana, ina lipuxim oxatama, nga lipu xai te. Ne ung gusingaga saing ung ba ulibu xai sibuna manga bungina nga ngakisi langga Yodan saing ngala ba ngawa rangua Leban, nga ngaxola mana axamang tela. Tegu. Nga ngatuxu tuki ing ganina mana haxangua ne hata nga muli xaung alali bakbak luwa.
11Ngasabu maung binabu uwasa manga, bu nga sabangagua Iso, ina sanga ba ma haunggana te nga maxuwa, labu ma haungganam bu sahi am longgalo, haingdi xaung garadi.
12Mugau ung ba uharua ba, bagula uwasa manga xai saing bagula usina garam rangging xumana naga saing bagula ding disok bakbak sabangga sibuna bila ulangulang tekkam siang lipu tela sanga ba titi te.”
13Yekop ina kinu yambong saing mana xaidap kimuam ina mogu asaxa teladi bu sina bila yahanga na Iso, sabanganoa.
14Ina mogu bila 200 sipsip haing saing 20 sipsip lup.
1530 kamel haing garandi, saing 40 bulmakau haing saing 10 bulmakau lup, saing donki lup bila 10.
16Ina mogu taining tainina lipu oxatam bu duwasa mana asaxa bakbak taining tainina saing ina baladi ba, “Ang gala muga manga saing ang labu ayunga asaxa bakbak taining tainina dahaxa haxek sibuna mana ding riadingdiu tai.”
17Binabu Yekop ina bala lipuxing oxatam mugamugangama ba, “Bola nga sabangagua, Iso, bagula sok maung daxangia saing xusungaung ba, ‘Ung lipu oxatam mana gaxarea? Saing ula bi? Ne asaxadi bagudi li gaxarea iniadi?’
18Tauna ung bing ugoxoya haruanga muli ba, ‘Asaxa bakbakka baguli bing lipuxim oxatama Yekop iniadi. Yekop ina sina hangguama na Iso, ung nga lipuxigu sabangua saing Yekop ing sibuna haxa ma kimuya.’ ”
19Saing Yekop sina haruanga taininau ing ganina na lipuxing oxatam luwa xaung mana lipuxing oxatam hiliana xaung mana lipuxing langga duwasa mana asaxa bakbakdi. Ina harua ba, “Bungina ang ngasok mana Iso, ang bing alibu haruanga baguli ing ganina na.
20Saing ang bing harua muli ba, ‘Wane lipuxim oxatama Yekop ina su mam saing mauyu kimuya.’ ” Yekop ina hatum ba, “Mana kubolua baguli bola bagula ngayahama ring sabangagua hatuminganoa bu halingalinga hatuminga mana gamiangua saing bungina ina sok manga, ina bagula gamonoa xai monga.”
21Tauna ina sina yahangadi mala muga na saing ing sibuna wauyu yabania mana yambongga baguli.
22Binabu mana yambonga baguliyu Yekop ina mesa xap haining luwadi xaung haing oxatam luwadi rangua ina xaung garang 11 saing ina kisi langga Yabok.
23Ina xapdi mala masup mana lang hataina. Tauna ina goxoya mala muli saing bala lipu oxatamdi bu daxap xalingindi mala.
24Binabu ing ganina bagula wa. Tauna mana yambong lipu tela sok saing haung rangua mala laing xaidap.
25Tang dahaungguyu, baing lipua ba xabia ba ina sanga ba dali te. Binabu ina taha Yekop mana longga tawang namu dahasigi xaung king tuandi, saing king tuan dahasia ding.
26Tang dahaung mua baing lipua a bala Yekop ba, “Haxek sibuna xaidaba bo ba sokkuba. Ung gusauya nga bu ngala.”
27Tauna lipua li xusunga Yekop ba, “Ung yama ga tela?” Baing Yekop haxuya haruanganoa ba, “Nga Yekop.”
28Tauna lipua li harua hatata bagula yama muli Yekop te. Ung ba uhaung rangua Urana xaung mana lipudi xauna saing udali masup, tauna yam hauna bing Isrel.
29Binabu harua ba, “Laku ubala nga mana yama.” Ne ina haxuya haruanga ba, “Baruta uxusunga nga mana yagua?” Saing ina sina guxama na Yekop.
30Binabu kimuya harua ba, “Nga ngabagu masup Urana ramramonoa. Saing nga sanga ba ngamati te.” Saing ina uxu longga ba yanoa ba Peniel.
31Xaidaba sok masup saing Yekop ina yunga Peniel. Ne ina haxa maring te, mana baraxinta tuana king tuxunia hasianauyu.
32Binabu waleu saing ma hatata, Isreldi sanga ba daxang asaxa mututungana mana tatua baguli te, mana baraxinta, waleu lipua ba taha Yekop mana toatua baguli.
