Unggutinga (Stat) 36

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Iso garandi yadingdi (Iso yan tela Idom).

²Iso ina yau haingdi Kenan. Ina yau Ada, Elon garang hainga, lup tela mana bakbakka Hit. Saing ina yau Oholibama, Ana garang hainga. Ana ina Sibion garang hainga, ina lipu tela mana bakbakka Hibi.

³Saing ina yau xaung Basemat, Ismail garang hainga. Basemat bing Nebaiot hamunganoa.

⁴Ada hayau Elipas, ne Basemat hayau Ruel.

⁵Saing Oholibama hayau Yeus, Yalam xaung Kora. Iso ina xap garadi baguli masok mana bungina wa mana titia Kenan.

⁶Kimuya Iso mesa yunga Yekop, kixinginoa. Saing ina ila wa mana long tela ina xap haing longgalo xaung ina garandi xaung luphaingdi duwa rangua sibindi, xaung asaxa bakbak longgalo xaung axalaxala longga ina xapdi mana titia Kenan, saing ding dila.

⁷Iso yunga Yekop, mana baraxinta, dingtang xalingidingdi dibaxagi mana titia duwa mana ba, binabu dingtang sanga ba duwa xauna te.

⁸Iso ila wa mana tela Seir. Idom, ina Iso yan tela, longa bimbia Seir.

⁹Iso ina tibuna mana bakbakkadi Idom duwa mana longga bimbia Seir.

¹⁰Ding gara lupdi mana Iso ing sibuna bing bila, Elipas, Ada garanoa, ne Ruel bing Basemat garanoa

¹¹Elipas garang lupdi bila, Teman, Omar, Sepo, Gatam xaung Kenas.

¹²Timna bing tela ding titinga luwa bakbakka mana Elipas haininoa, Iso Timna dingtang dahayau Amalek.

¹³Ruel garang lupdi bing bila, Nahat, Sera, Sama xaung Misa. Ding bakbakka bagudi li Basemat garang lupdi, Iso haininoa.

¹⁴Oholibama, Iso haininoa, ina hayau: Yeus, Yalam xaung Kora. Ding bakbakkadi bagudi li Oholibama garang lupdi. Oholibama Ana garang hainga, saing Ana bing Sibion garang hainga.

¹⁵Iso garang lupdi yadingdi, ding disok lipu toxona mana ding bakbagidingdi ba. Mana bakbak mana Elipas, ina Iso garang mugamugangama: Teman, Omar, Sepo, Kenas, Kora, Gatam xaung Amalek. Ding ba disok lipu toxona, bu duwasa mana bakbagidingdi duwa mana titia Idom. Ding ba, Ada garang bakbak mugangadi. Iso haininoa.

¹⁷Mana bakbakka rangua Ruel: Nahat, Sera, Sama xaung Misa. Ding ba disok lipu toxona bu duwasa mana bakbagindi duwa mana titia Idom. Ding ba, bakbakka Basemant, gagarang mugangadi Iso haininoa.

¹⁸Mana bakbakka rangua Oholibama, ina Iso haininoa: Yeus, Yalam xaung Kora. Ding bing disok lipu toxona. Oholibama, Ana garanoa, ina hayau lipu toxondi bagudi li.

¹⁹Ding lipuadi bagudi li, bing gara bakbakka rangua Iso, yan tela bing Idom. Ding ba bing disok lipu toxona mana ding bakbagidingdi.

²⁰Sera garang lupdi yadingdi bila. Seir ina tela mana bakbakka Ho, saing ina wa mana titia Idom Seir garang lupdi bing bila: Lotan, Sobol, Sibion, Ana,

²¹Dison, Eser xaung Disan. Ding lipuadi bagudi li bing Seir garandi saing ding duwa lipu toxona mana bakbakka Ho mana titia Idom.

²²Lotan garang lupdi yadingdi bing bila: Ho xaung Heman. Lotan hamunganoa bing Timna.

²³Sobal garang lupdi yadingdi bing bila: Alban, Manahat, Ebal, Sepo xaung Onam.

²⁴Sibion garang lupdi yadingdi bing bila: Aya xaung Ana. Ana baguli lipua naga wasa mana donkiadi rangua tibung Sibion, mana long lipu teguam saing ina bagu lang salianamdi disok mana ginanaggadi ba.

²⁵Ana garandi yadingdi bing bila: Dison xaung Oholibama. Oholibama bing Ana garang hainga.

²⁶Dison garang lupdi bing bila: Hemdan, Esban, Itran xaung Keran.

²⁷Eser garang lupdi bing bila: Bilhan, Saban xaung Akan.

²⁸Disan garang lupdi yadingdi bing bila: Us xaung Aran.

²⁹Lipuadi disok lipu toxona mana bakbakka Ho mana titia Idom yadingdi bing bila: Lotan, Sobal, Sibion, Ana, Dison, Ese xaung Disan.

³¹Bungina Isreldi doxola lipu sabangauyu, lipuadi bagudi li duwa lipu sabanga mana titia Idom.

³²Muga lipu sabanga tela, wasa mana Idom Beo garanoa ma wa lipu sabanga mana long sabangga Dinhaba.

³³Ne bungina Bela mati Yobap, Sera garanoa mana long sabangga Basra, ina sok lipu sabanga.

³⁴Ne bungina Yobap mati, Husam mana titia Teman ina sok lipu sabanga.

³⁵Ne bungina Husam mati, Hadat, Bedat garanoa, ina sok lipu sabanga. Hadat ila mana titia Moap saing haung rangua Midiandi saing dalidi. Hadat wa lipu sabanga mana long sabangga Abit.

³⁶Bungina Hadat mati, Salma mana long sabangga Masreka ina sok lipu sabanga.

³⁷Bungina Salma mati, Saul mana long sabangga Rehobot haxek mana langga Yupretis ma sok lipu sabanga.

³⁸Ne bungina Saul mati, Bal-Hanan, Akbo garanoa, sok lipu sabanga.

³⁹Ne bungina Bal-Hanan mati, Hadad sok lipu sabanga saing ina sok lipu sabanga mana long sabangga Pau. Haininoa ba, ma Mehetabel, Matret garanoa saing garang muganganoa Me-Sahap.

⁴⁰Iso lipuxing toxondi yadingdi bing bila: Timna, Alba, Yetet, Oholibama, Ela, Pinon, Kenas, Teman, Mipsar, Makdiel, xaung Iram. Ding bagudi li lipu toxona mana Idom. Idom ba Iso yan tela saing Iso ba muganga mana bakbakkadi Idom. Ding longga lipu toxong taining tainina yabadinggu, saing ding duwa lipu toxona mana bakbagidingdi. Ding longgalo disok mana Iso, Idom mugangadinga.