Ayup 36

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Élixu sözini dawamlashturup mundaq dédi: —

²«Méni birdem sözligili qoysang, Men yene Tengrige wakaliten qilidighan sözümning barliqini sanga ayan qilimen.

³Bilimni yiraqlardin élip keltürimen, Ademlerni Yaratquchimni heqqaniy dep hésablaydighan qilimen.

⁴Méning gépim heqiqeten yalghan emestur; Bilimi mukemmel birsi sen bilen bille bolidu.

⁵Mana, Tengri dégen ulughdur, Biraq U héchkimni kemsitmeydu; Uning chüshinishi chongqurdur, meqsitide ching turidu.  

⁶U yamanlarni hayat saqlimaydu; Biraq ézilgenler üchün adalet yürgüzidu.

⁷U heqqaniylardin közini élip ketmeydu, Belki ularni menggüge padishahlar bilen textte olturghuzidu, Shundaq qilip ularning mertiwisi üstün bolidu.

⁸We eger ular kishenlen'gen bolsa, Japaning asaritige tutulghan bolsa,

⁹Undaqta U ulargha qilghanlirini, Ularning itaetsizliklirini, Yeni ularning körenglep ketkenlikini özlirige körsetken bolidu.

¹⁰Shuning bilen U qulaqlirini terbiyige échip qoyidu, Ularni yamanliqtin qaytishqa buyruydu.

¹¹Ular qulaq sélip Uninggha boysunsila Ular qalghan künlirini awatchiliqta, Yillirini xushluqta ötküzidu.

¹²Biraq ular qulaq salmisa, qilichlinip dunyadin kétidu, Bilimsiz halda nepestin toxtap qalidu.

¹³Biraq könglige iplasliqni pükkenler yenila adawet saqlaydu; U ulargha asaret chüshürgendimu ular yenila tilawet qilmaydu.

¹⁴Ular yash turupla jan üzidu, Ularning hayati bechchiwazlar arisida tügeydu.  

¹⁵Biraq U azab tartquchilarni azablardin bolghan terbiye arqiliq qutquzidu, U ular xar bolghan waqtida ularning quliqini achidu.

¹⁶U shundaq qilip sénimu azarning aghzidin qistangchiliqi yoq keng bir yerge jelp qilghan bolatti; Undaqta dastixining maygha toldurulghan bolatti.  

¹⁷Biraq sen hazir yamanlargha qaritilghan tégishlik jazalargha toldurulghansen; Shunga Xudaning hökümi hem adaliti séni tutuwaldi.

¹⁸Ghezipingning qaynap kétishining séni mazaqqa bashap qoyushidin hushyar bol; Undaqta hetta zor kapaletmu séni qutquzalmaydu.

¹⁹Yaki bayliqliring, Yaki küchüngning zor tirishishliri, Özüngni azab-oqubettin néri qilalamdu?

²⁰Kéchige ümid baghlima, Chünki u chaghda xelq öz ornidin yoqilip kétidu.

²¹Hushyar bol, eskilikke burulup ketme; Chünki sen qebihlikni derdke sewr bolushning ornida tallighansen.

²²Mana, Tengri küch-qudriti tüpeylidin üstündur; Uningdek ögetküchi barmu?

²³Kim Uninggha mangidighan yolni békitip bergenidi? We yaki Uninggha: «Yaman qilding?» déyishke pétinalaydu?

²⁴Insanlar tebrikleydighan Xudaning emellirini ulughlashni untuma!

²⁵Hemme adem ularni körgendur; Insan baliliri yiraqtin ulargha qarap turidu».

²⁶« — Berheq, Tengri ulughdur, biz Uni chüshinilemeymiz, Uning yillirining sanini tekshürüp éniqlighili bolmaydu.

²⁷Chünki U suni tamchilardin shümürüp chiqiridu; Ular pargha aylinip andin yamghur bolup yaghidu.

²⁸Shundaq qilip asmanlar yamghurlarni quyup bérip, Insan baliliri üstige molchiliq yaghduridu.

²⁹Biraq kim bulutlarning toqulushini, Uning samawi chédirining gümbür-gümbür qilidighanliqini chüshinelisun?

³⁰Mana, U chaqmiqi bilen etrapini yoruq qilidu, Hetta déngiz tektinimu yoruq qilidu.

³¹U bular arqiliq xelqler üstidin höküm chiqiridu; Hem ular arqiliqmu mol ashliq béridu.

³²U qollirini chaqmaq bilen tolduridu, Uninggha uridighan nishanni buyruydu.

³³Xudaning güldürmamisi uning kélidighanliqini élan qilidu; Hetta kalilarmu sézip, uni élan qilidu.