Hizqqeela 19

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹GODAI Hizqqeela, “Israa7eela halaqatuyyo hagaadan yaagada zilaala;

²‘Intte aayyiyaa gaammotu giddon a aiba gaammoo! Yelaga gaammotu giddon gisada, ba marata dichchaasu.

³A ba maratuppe issuwaa dichchin, wodala gaammo kiyiis. I shankkaa tamaaridi, asaa miis.

⁴Kawotettati ubbai abaa siyidi, ollan a gelissidi oiqqidosona. Eti a hinggittan goochchidi, Gibxxe biitti efiidosona.

⁵“‘A aayyiyaa naagoogee polettennan ixxin, hidootai xayidoogaa be7ada, ba maratuppe naa77anttuwaa dichchada, wodala gaammo kessaasu.

⁶I wodala gaammo gididi, hara gaammotu giddon yaanne haanne simerettiis. I shankkaa tamaaridi, asaa miis.

⁷I eta wolqqaama qatuwaa mentterettidi, katamaakka bashshiis. Biittainne biittan de7iya asai ubbai a gudettan shabbirettiis.

⁸Yuushuwan de7iya kawotettati ubbai a oiqqanau piriyaa yeggidosona. Bantta gitiyaakka miccidosona; bantta ollan a oiqqidosona.

⁹Eti bantta hinggittan a goochchidi, koottadan giigida guutta keettan yeggidi, Baabiloone kawuwaakko efiidosona. Naa77antto a gudettai Israa7eela deretun siyettennaadan, eti a qasho keettaa gelissidosona.

¹⁰“‘Ne aayyiyaa haattaa doonan tokettida woiniyaa turaa mala. Daro haattai de7iyo gishshau, he woiniyaa turai aifiyaa darxxaxxi uttiis; qassi daro maratuura de7ees.

¹¹A maratuppe minniyaagee haariyaageetu xam77aa gidiis. A marai gita maratuppe aduqqidi, bollau aadhdhiis. Ba maratu coratettaaninne xoqqatettan bollaara beettiis.

¹²SHin he turai hanqquwan shodettidi, biittan olettiis. Arshsho carkkoi a aifiyaa melissiis; a mino marai melin, tamai miis.

¹³Ha77i qassi i haatti bainna mela bazzuwan tokettiis.

¹⁴Tamai a maratuppe issuwaa oiqqidi, a aifiyaarakka dippi oottidi miis. Yaatin, kawotaa xam77a gidiya ai mino marikka a bollan attibeenna. “‘Hagee yeeho zilaassa; hagaa zilaassadan go7ettanau bessees’ yaaga” yaagiis.