1وٌ شَ كِنِكِنِ عِسِرَيِلَ مَنفّ سُوكِبَيٍ مَ يِ كِ؛
2«وٌ نفَ قِندِ يّتّ فِنّ قَنيِ نَن نَ يّتّيٍ تَفِ. عَ سَشِ عَ شَ دِيٍ تَفِ، عَ عٍ شُرُ.
3عَ نَشَ عَ شَ دِ ندٍ رَ مْ، عَ قِندِ سّنبّمَ رَ. نَ دِ نَشَ قَتَ عَ بَلٌي قٍندٍ، عَ مِشِيٍ يَتِ قَشَ.
4حَمَنّيٍ تٌ عَ شَ قٍ مّ، عٍ نَشَ عَ سُشُ عٍ شَ فَنتَنيِ رَ، عٍ عَ شَنِن مِسِرَ وُرٍ رَ عَ حْي كُي.»
5«نَ يّتّ فِنّ تٌ عَ تٌ، عَ شَ قٍ مُ سْونّيَشِ، عَ نَشَ عَ شَ دِ فبّتّ تٌنفٌ، عَ عَ قِندِ يّتّ سّنبّمَ رَ.
6نَ دِ نُ عَ حّرّ مَ يّتّيٍ تَفِ عَ سّنبّ مَ. عَ نَشَ قَتَ عَ بَلٌي قٍندٍ، عَ مِشِيٍ قَشَ.
7عَ نَشَ نٍيٍ شَ تّتّيٍ كَنَ، عَ تَاكَيٍ قَشَ. حَمَ بِرِن نُ بَرَ فَاشُ عَ شَ يِرِندِنيِ يَرَ.
8حَمَنّيٍ مَن نَشَ كٍلِ عَ رَبِلِنيِ، عٍ نَشَ عٍ شَ يّلّيٍ عِتَلَ، عٍ عَ سُشُ فَنتَنيِ رَ.
9عٍ نَشَ عَ رَ سٌ كُلّ كُي وُرٍيٍ رَ، عٍ عَ شَنِن بَبِلْن مَنفّ شْن مَ. مّننِ عٍ نَشَ عَ رَ سٌ فٍيلِ كُي. عَ يِرِندِن شُي مُ مّ عِسِرَيِلَ فٍيَيٍ قَرِ سْنْن.»
10«وٌ نفَ نُ لُشِ نّ عَلْ وّنِ بِلِ نَشَن سِشِ شُرٍ دّ رَ. عَ نُ بٌفِمَ، عَ سَلٌنيِيٍ نُ وُيَ، بَرِ مَ يٍ نُ فبٌ عَ يِرٍ.
11سَلٌن قَنيِيٍ نُ نَ عَ بّ، نَشٍيٍ قَن مَنفّ سَوُرِ رَ. عَ نُ تِشِ سَنسِيٍ بِرِن شُن مَ عَ شَ مَءِتٍ نُن عَ سَلٌن وُيَشِيٍ شَ قٍ رَ.
12كْنْ عَ بَرَ تَلَ شْنّ كُي، عَ رَبِرَ بْشِ مَ. سٌفٍتٍدٍ قٌيٍ نَشَ عَ شَرَ، عَ بٌفِيٍ كَنَ. عَ سَلٌن قَنيِيٍ نَشَ لِسِ، تّ نَشَ عٍ فَن.
13يَكْسِ عَ سِشِ فبٍنفبٍرٍنيِ نَن مَ، بْشِ شْرْشْي، يٍ مُ نَ دّننَشّ.
14تّ بَرَ مِنِ عَ سَلٌنيِ ندٍ كُي، عَ عَ بٌفِيٍ فَن. سَلٌن قَنيِ يٌ مُ نَ عَ بّ سْنْن، نَشَن قِندِ مَ مَنفّ سَوُرِ رَ.» كِنِكِنِ سُوكِ نَن نَ كِ نَشَن بَمَ نِمِسّ كُي.
