Esekiel 19

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹God i tokim mi long singim dispela singsing sori bilong sori long tupela king bilong Israel.

²Mama bilong yu i gutpela laion tru. Em i stap namel long ol laion man, na em i lukautim ol pikinini bilong en na ol i kamap bikpela.

³Wanpela pikinini man bilong en i kamap gutpela yangpela laion. Mama i lainim em long pasin bilong painim abus, na bihain em i kamap laion bilong kaikai man.

⁴Ol man bilong planti kantri i harim tok long pasin bilong dispela laion. Ol i kam wokim hul long graun na laion i pundaun long hul. Ol i putim huk long wasket bilong en na pulim em i go long kantri Isip.

⁵Mama i wetim em longpela taim tru tasol pikinini i no kam bek gen. Orait em i makim narapela pikinini man na em tu i kamap gutpela yangpela laion.

⁶Em i kamap bikpela pinis na em i raun wantaim ol arapela laion, na em i lainim pasin bilong painim abus. Em i kamap laion bilong kaikai man.

⁷Em i save long ol strongpela haus bilong ol na em i go bagarapim ol taun bilong ol birua. Em i save singaut strong moa yet na olgeta man i save pret.

⁸Ol man bilong olgeta kantri nabaut i kam bilong pait long dispela laion. Ol i opim umben bilong ol na ol i holimpas em.

⁹Ol i hukim em na pulim em i go. Ol i kalabusim em insait long wanpela bokis, na ol i bringim em i go long king bilong Babilon. Ol i putim em long strongpela kalabus na em i no inap ranawe i go bek long ol maunten bilong Israel. Na ol manmeri i no inap harim gen singaut bilong en.

¹⁰Mama bilong yutupela i wankain olsem yutupela. Em i olsem diwai wain ol i planim klostu long wara. Na diwai i kamap bikpela na i gat planti han na i karim planti pikinini.

¹¹Ol han bilong dispela diwai i strongpela na ol i kamap olsem ol stik ol king i save holim. Diwai i kamap longpela tru na klostu i holim skai. Olgeta manmeri i lukim em i longpela tru na i gat planti han na lip.

¹²Tasol ol man i kros na kamautim em na tromoi em i go daun long graun. Na hatpela win i kam long hap sankamap na i mekim olgeta pikinini bilong en i drai. Ol man i brukim olgeta han bilong diwai na ol han i drai na ol i kukim long paia.

¹³Nau ol i kisim dispela diwai i go long ples drai tru na ol i planim long graun i no gat wara.

¹⁴Paia i kamap long dispela diwai na i kukim olgeta han na pikinini bilong en. Na i no gat wanpela strongpela han i stap bilong kamap olsem ol stik ol king i save holim. Dispela em i singsing sori. Na ol i bin singim planti taim.