Ezekiel 19

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹Dimaadua ne helekai mai bolo au gi daahili i taahili haga manawa gee deenei ang gi nia dagi aamua dogolua o Israel:

²Do dinana la di laion maaloo dangihi! Mee nogo benebene ana dama i mehanga nia laion daane maaloo.

³Mee e madamada humalia i dana dama, e aago a mee gi iloo di halahala ana mee e gai; mee e daaligi ge gai nia daangada.

⁴Nia henua gu longono ginaadou a mee, gaa hele a mee i lodo di lua, ga hagalau a mee gi di maadau gaa dagi gi Egypt.

⁵Tinana tama laion deelaa gaa noho talitali gaa dae loo gi dono iloo bolo gu deai di hagadagadagagee ai. Gei tinana ga aago labelaa dana huai dama, gei di tama laion deenei guu tomo guu hai di laion maaloo dangihi.

⁶Di laion deenei ga madua gaa hana madalia nia laion ala i golo. Mee gu iloo labelaa dana halahala dana mee dela e gai, guu hai di laion gai dangada.

⁷Mee guu mee di oho nia abaaba mau dangihi, gu oho nia waahale. Digau tenua e mmaadagu i dono madagoaa ma ga ngoloolo.

⁸Nia henua ga dagabuli belee hai tauwa gi mee. Nia daangada ga lloomoi mai i nia gowaa huogodoo. Digaula gaa holo di nadau gubenge gaa kumi a mee i lodo di nadau hele.

⁹Digaula gaa haa a mee gi lodo di abaaba gaa lahi a mee gi di king Babylonia. Digaula e loloohi a mee, bolo nia daangada gi de longono di lee o maa ma ga ngoloolo i hongo nia dama gonduu Israel.

¹⁰Do dinana e hai gadoo be di laagau ‘grape’ dela ne dogi i taalinga tama monowai. Idimaa tama monowai deelaa le e honu wai, di laagau ‘grape’ deelaa la guu tomo hagadubuaagina gu doube haa.

¹¹Nia manga di maa koia e maaloo ga tomo aga gaa hai nia dogodogo king. Di laagau ‘grape’ deelaa guu tomo gu looloo gi nua guu tugi i nia gololangi. Nia daangada gu gidee ginaadou di looloo mo tomo hagadubuaagina di laagau deenei.

¹²Nia daangada hagawelewele ga lloomoi ga daagi di maa gi daha gaa hudu gi hongo di gelegele. Di madangi gono eia i dua ga hagamaangoo nia huwa o di maa. Nia manga hogi gu hadihadi, gu maangoo guu wwele.

¹³Gei dolomeenei gei di maa guu dogi i lodo di anga henua, i lodo tenua maangoo nia wai ai.

¹⁴Tuaidina di laagau deelaa la gu ulaula di ahi guu dudu nia manga mo ono golee. Nia manga la gu deemee di maaloo labelaa, gu deemee di hai nia dogodogo king labelaa. Deenei laa taahili haga manawa gee, dela koia e dadaahili ai nia daangada.