Hizqqeela 42

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹Hegaappe guyyiyan, he bitanee tana huuphessa bagga penggiyaara kare dabaabaa kaalettiis; kaalettidi Beeta Maqidasiyaa giddo dabaabaa gimbbiyaara oiqettida keettaakko, tana ehiis.

²Ha keettai 100 wara adussanne 50 wara aaho.

³Ha keettaayyo issi issi maskkooteti Beeta Maqidasiyaa xeelloosona; harati qassi kare dabaabaa xeelloosona. He keettaa kifileti heezzu pooqe keexettidosona.

⁴He kifiletu penggeti huuphessi xeelloosona. Etappe sintta baggaara 10 wara aahonne 100 wara adussa gidida, hemettiyo ogee de7ees.

⁵He keettaayyo bolla heezzantto pooqee naa77anttuwaappe xuummees; naa77anttoi qassi koiruwaappe xuummees. Gaasotaikka eti issoi issuwaappe guyye shiiqi shiiqidi gimbbettido gishshaassa.

⁶Qassi eti heezzu pooqe gidiyo gishshaassanne kare dabaaban de7iya hara keettatudan, etayyo tuussai bainna gishshaassa.

⁷He kifiletuppe sintta baggaara, kare dabaabaa giddon 50 wara aduqqiya dirssaa gimbbeenne hara issi keettaa godai 50 wara aduqqiyaagee de7ees.

⁹Ha hara keettaa penggee arshsho baggaara de7ees.

¹⁰Hegaadankka, Beeta Maqidasiyaappe tohossa baggaara kare dabaaban hara keettai de7ees.

¹¹He keettaa kifiletu sinttan asai hemettiyo ogee de7ees. He keettai huuphessa baggan de7iya keettaara issi mala; adussatettai, aahotettai, kifiletinne penggeti ubbai issi mala.

¹²Ha keettaa sinttankka hara keettainne dirssaa gimbbee de7ees. He keettaa penggeekka arshsho baggaara de7ees.

¹³Hegaappe guyyiyan, he bitanee tana hagaadan yaagiis; “Hageeti kifileti, huuphessaaranne tohossaara Beeta Maqidasiyaa kare dabaabaakko xeelliyaageeti qeesetu kifileta. Eta giddon GODAASSI oottiya qeeseti ubbaappe aadhdhida geeshsha qumaa maana. He kifileti geeshsha gidido gishshau, ubbaappe aadhdhida geeshsha imota, hegeetinne kattaa yarshshuwaa, nagaraa yarshshuwaanne naaquwaa yarshshuwaa ubbaa, eti hegan wottana.

¹⁴Beeta Maqidasiyaa gelida qeeseti kare dabaabaa kiyiyo wode, GODAASSI oottiyo wode maayido geeshsha maayuwaa kessidi, he kifiletun wottennan kiyokkona. Aissi giikko, maayoti geeshsha. Eti kare asaakko kiyiiddi, kase maayiyo hara maayota maayidi kiyanau koshshees” yaagiis.

¹⁵He bitanee Beeta Maqidasiyaa kare dabaaban de7iya keettata likki wurssidi, arshsho baggi xeelliya dirssaa penggiyaara tana kare kessiis. Kessidi Beeta Maqidasiyaa heeraa yuushshi aattidi likkiis.

¹⁶Likkiyo gatimaa ekkidi, arshsho baggaa likkin, zananai 500 wara gidiis.

¹⁷Simmidi huuphessa baggaa he gatiman likkiis; likkin 500 wara gidiis.

¹⁸Simmidi tohossa baggaa likkiis; likkin 500 wara gidiis.

¹⁹Simmidikka arggo baggaa likkiis; ikka 500 wara gidiis.

²⁰Hegaadan oottidi, i oiddu baggatakka likkiis. A yuushuwan 500 wara aduqqidi, 500 wara aakkiya dirssaa gimbbee de7ees. He gimbbee geeshsha sohuwaa hankko coo sohuwaappe shaakkanaassa.