ESEKIEL 19

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹Israel lohiadia irohe-ahudia ba ladaia ist,

²baoto: Sinamu na daka leona hahinena, leona bogaragidiai; leona natudia bogaragidiai e goru, natuna e ubudia.

³Natuna ta e reḡua, ia na e bada oho bada oho, damuna iabina daladia vada e diba, taunimanima na e anidia.

⁴Bese idau-idau ia dainai e ko, edia guri ai e abia, igau amo e hakaua lao, Aigupto tanona e laohaia.

⁵Leona hahinena e diba vada e baia, bona ena helaro vada e boio negana ai, ia ese natuna ta ma e abia, e reḡua; bena ia na e bada oho bada oho.

⁶Leona bogaragidiai e loa eva-eva; e bada oho bada oho, damuna iabina daladia vada e diba, taunimanima na e anidia.

⁷Edia gabu aukadia na e habuadia tari, edia hanua na e havahudia; gari ese tano na e butua tao, bona lalonai e nohova taudia iboudiai danu, ena ḡou reḡena dainai.

⁸Bena bese idau-idau ese ia iabina idoadia e oto hegeḡe; edia huo ai e abia, edia guri ai e abia.

⁹Mai igauna ida maua ai e udaia, Babulono pavapavana dekena e laohaia, e koua ahu; bena ia gadona na basie kamonai lou, Israel ororodia ai.

¹⁰Sinamu na vine auna na heto, vine imeana lalonai, ranu gabuna badibadinai vada e hadoa hanai; huahuana momo e dobi, rigina danu momo, badina be ranu momo dainai.

¹¹Ia badina auka-hereana na pavapava ena dagi auna ai ela; e tubu dae, rigi badadia bogaragidiai; ia sibona atai ai e noke tao, mai rigina momo ida.

¹²A hari vine auna na badu ai e raḡaia oho, tano ai e tahoa dobi, lai mairiveina ese e hakakoroa, huahuana vada e huhu; ia badina aukana e kakoro, lahi ese e araia ore.

¹³Harihari ia na tano ḡaḡaena ai vada e hehado hanai, tano kaukauna ai, ranu mase gabuna ai.

¹⁴Lahi na ia badina amo vada e dae, rigi bona huahua vada e aradia ore, bena ia lalonai asi badi aukana ta mia, asi dagi auna ta, pavapava ena. Rohe-ahu bunai, e ladaia isi louloumu ḡauna.