Esekiɛli 19

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹Yinni Gusunɔ u nɛɛ, ɑ gɔɔ swĩiyɔ Isirelibɑn sinɑ bibun sɔ̃, ɑ nɛɛ,

²ben mɛro u sɑ̃ɑwɑ nge gbee sunɔ niu geu ge bɑ yɛ̃ gbee sinɑnsun suunu sɔɔ. Gɑ rɑ n gen binu kpunɛwɑ gɑ n nu diisiɑmɔ.

³Mɑ gɑ gen buu teu seeyɑ gɑ kuɑ kpɛmbu. Gɑ gu yɑɑ mwɑɑbu sɔ̃ɔsi, mɑ gɑ tɔmbu sɛ̃sukum wɔri.

⁴Ye sɔbɑ gen gɑri nuɑ, mɑ bɑ gu yinɑ bɛriɑ. Yerɑ bɑ gu mwɑ kɑ kɔkɔru bɑ kɑ dɑ Egibitiɔ.

⁵Mɑ gen mɛro gɑ mɑrɑ gu wurɑmɑ. Adɑmɑ gɑ tɛmɑnɑbu kpɑnɑ, gɑ wɑ n ǹ koorɔ. Yen biruwɑ gɑ mɑɑ gen buu teu suɑ gɑ seeyɑ gɑ dɑm kuɑ, gɑ kuɑ gbee sunɔ kpɛmbu.

⁶Mɑ gɑ wɔri gbee sinɑnsun wuuru sɔɔ. Gɑ yɑɑ mwɑɑbu mɛɛrɑ. Mɑ gɑ tɔmbu sɛ̃sukum wɔri.

⁷Gɑ tem min sinɑ kpɑɑru wɔri gɑ surɑ. Mɑ mɛn wusu kuɑ bɑnsu. Mɑ tɔmbu kɑ ye yɑ wɑ̃ɑ tem mɛ sɔɔ kpuro yɑ bɛrum soorɑ gen kukiribun sɔ̃.

⁸Mɑ bwesenu nu mɛnnɑ nu kɑ gu tɑbu kuɑ. Bwese ni, nu nɑwɑ yɑm kpuron di. Bɑ gu suurɑ kuɑ gɑ wɔri.

⁹Mɑ bɑ gen wɛ̃ru yɑbɑ bɑ tɑɑbu doke bɑ gu sɔri diru gɑru sɔɔ. Yen biru bɑ kɑ gu dɑ Bɑbilonin sinɑ bokon mi. Mɑ bɑ gu kɛnusi sere bɑ ǹ mɑɑ gen kukiribu nɔɔmɔ Isirelibɑn guunɔ.

¹⁰Yinni Gusunɔ u mɑɑ nɛɛ, ben mɛro u sɑ̃ɑwɑ nge resɛm ye bɑ duurɑ dɑɑ torɑn bɔkuɔ. Resɛm ye, yɑ rɑ mɑ. Yɑ mɑɑ kɑ̃ɑsi yibɑ nim mɛ yɑ wɑɑmɔn sɔ̃.

¹¹Yɑ kɑ̃ɑsi dɑmgii mɔ yi bɑ koo kpĩ bu kɑ sinɑ dɛki ko. Yɑ wɑɑbu wɑ̃, yen gunum kɑ yen kɑ̃ɑsi dɑbinun sɔ̃.

¹²Adɑmɑ bɑ ye wukɑ kɑ mɔru bɑ surɑ temɔ. Woo ge gɑ wee sɔ̃ɔ yɑri yerun di, gɑ yen mɑrum gberɑsiɑ. Yen kɑ̃ɑsi dɑmgii yi, yi gberɑ yi dɔ̃ɔ mwɑɑrɑ.

¹³Tɛ̃ yɑ gire tem gbebum sɔɔ mi gɑ̃ɑnu ku rɑ kpi.

¹⁴Mɑ dɔ̃ɔ u yɑrɑ sɑɑ yen kɑ̃ɑsin di u yen mɑrum mwɑ. Yɑ ǹ mɑɑ kɑ̃ɑsɑ dɑmgiɑ mɔ ye yɑ koo ko sinɑ dɛkɑ. Womu geni gɑ sɑ̃ɑwɑ gɔɔ wuri. Geyɑ bɑ ko n dɑ ko bɑ̀ n gɔɔ wuri mɔ̀.