Ezekiel 19

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹Migkaǥi is Nengazen kayi te kediey te, “Kentaha nu heini is kanta para te kebpenhulùhulù mehitenged te menge pengulu te Israel:

²“Is iney nu neiring te sevaha he erimaung he mid-elimahan din is menge anak din he zuma zin is duma he menge erimaung.

³Mid-elimahan din is sevaha te menge anak din ne nehimu heini he mezesen he erimaung. Metau heini he ebpendawi, ne nengaan heini te etew.

⁴Ne hein netuenan heini te menge meǥinged diyà te zuma he menge nasyun midhingutel zan heini ne mid-uwit dan diyà te Ehipto he kinedinahan.

⁵“Ne hein netuenan duen te iney zin he erimaung he wazà metuman is pelanu zin duen te anak din, mid-elimahan din is sevaha pa te menge anak din ne nehimu heini he mezesen he erimaung. Nekiduma heini te zuma he menge erimaung ne mibmetau he ebpendawi, ne nengaan heini te etew.

⁷Midlempag din is menge melig-en he menge lugar te menge kuntada ne mibpemengkag din is menge inged dan. Nahandek is menge meǥinged te hiniǥeran din.

⁸“Midsevaha is menge meǥinged diyà te menge nasyun te kegpekidtebek kandin, ne midliǥuyan dan sikandin. Midteenan dan te veteng ne neutel zan.

⁹Migkew-itan dan ne intaǥù dan diyà te veleyanan, ne mid-uwit dan diyà te hadì te Babilonia. Midureng dan heini su wey kenè en mezineg diyà te menge vuvungan te Israel is kedhiniǥer zin.

¹⁰“Is iney nu neiring daan te paras he impemula ziyà te kilid te wahig. Mahabet is menge subpang kayi wey menge veǥas din su ebpekesupsup man te wahig.

¹¹Melig-en is menge subpang kayi ne egkehimu he ebeelan he tuked te hadì. Utew mibmetikang haazà is paras, ne midlavew te zuma he merapung he menge pinemula. Egkaahà heini tenged te ketikang din wey kerapung te menge subpang din.

¹²Piru mibazut heini te egkeepes duen, ne intimbag din diyà te tanà. Ne nengepis is menge veǥas din tenged te meinit he keramag he ebpuun diyà te edsilaan. Neǥangu is melig-en he menge subpang din ne segugunà heini mibinsuli.

¹³Ne zutun impasek heini iuman diyà te sibsivayan, diyà te lugar he memaza he wazà duen wahig.

¹⁴Netutung is sevaha he subpang kayi ne midelandap diyà te zuma he menge subpang ne netutung is menge veǥas din. Umbe wazè en nesamà he melig-en he subpang din he egkehimu he ebeelan he tuked te hadì. “Heini he kebpenhulùhulù ereg he egkentahan kayi he timpu.”