Joba 24

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Balae tih Tlungthang taeng lamkah a tue te a khoem uh pawh. Amah aka ming, amah aka ming loh a khohnin te hmu uh pawh.

²Rhilung a rhawt uh, tuping a rhawth uh tih a luem sak uh.

³Cadah kah laak te a vai pah tih, nuhmai kah vaito te a laikoi pa uh.

⁴Khodaeng rhoek te longpuei lamloh a tulh tih, khohmuen kah mangdaeng rhoek khaw rhenten a thuh.

⁵Amamih kah bisai la khosoek ah kohong marhang bangla pawk uh coeng ke. Amah ham kolken maeh neh camoe ham buh khaw a toem uh.

⁶Lohma ah a kamvuelh te a ah, a ah uh tih halang misurdum kah a yoep uh.

⁷Pumtling rhoek te pueinak tling la a rhaehba sak uh tih, khosik vaengah himbai mueh uh.

⁸Tlang kah cingtui loh a het uh tih, hlipyingnah a om mueh la lungpang a kop uh.

⁹Cadah khaw rhangsuk lamloh a suh uh tih, mangdaeng rhoek te a laikoi.

¹⁰Pumtling loh pueinak tling la van tih, bungpong doela canghmoek a puen.

¹¹A pangbueng ah situi a kuelh tih va-am a cawt uh lalah tui hal uh.

¹²Khopuei lamkah hlang rhoek loh nguekcoi uh tih, duekrhok hinglu loh bomnah a bih. Tedae Pathen loh hohap te a dueh moenih.

¹³Amih te vangnah aka tloelh lakli ah om uh tih a longpuei hmat uh pawh. Te dongah a hawn ah khosa uh pawh.

¹⁴Hlang aka ngawn loh vangnah hnukah thoo tih, mangdaeng neh khodaeng te a rhaem. Khoyin ah hlanghuen bangla om.

¹⁵Samphaih mik loh hlaemhmah a lamtawn. Hlang mik loh kai m'mae mahpawh a ti dongah, a maelhmai te a huephael la a khueh.

¹⁶A hmuep vaengah im a muk. Khothaih ah amih te a tlaeng uh tih, vangnah te ming uh pawh.

¹⁷Dueknah hlipkhup mueirhih neh a hmat uh rhoi dongah dueknah hlipkhup te mincang neh amih taengah rhenten thoeng.

¹⁸Anih te tui hman ah hoeptuep. Amih kah hmakhuen te diklai ah a tap dongah, misurdum kah longpuei la mop voel pawh.

¹⁹Rhamrhae neh kholing ah, tui khaw rhaeng tih vuelsong khaw saelkhui ah tholh coeng.

²⁰A bung loh anih a hnilh hil ah a rhit te a poek voel pawt hil a tui sak. Tedae dumlai tah thing bangla tlawt.

²¹Ca aka cun mueh caya aka luem puei neh nuhmai khaw loha pawh.

²²Aka lueng pataeng a thadueng neh a kuel tih thoo mai dae hingnah dongah tangnah om pawh.

²³Anih te ngaikhuek la pae saeh lamtah hangdang saeh. Tedae Amih longpuei ah a mik a paelki.

²⁴Bet a pomsang uh vaengah amih te pahoi om uh pawt tih tlumhmawn uh. A pum la a buem uh tih cangmo vueilue bangla a baih uh.

²⁵Te pawt koinih unim kai aka laithae sak? Ka ol he a hong bangla a khueh mako,” a ti.