Yobu 22 - Bibeli Luayãtaalá

Yobu 22

Click on verse(s) to share them!

¹Ɔ̃ Temani gbɛ̃́ Ɛlifaza mɛ̀:

²Gbɛ̃nazĩna a fↄ̃ àↄ ài vĩ Luaɛe? Baa ↄ̃nↄde kã́fĩa vĩɛ̀e?

³Baa tó n yã́ na, ńyↄ̃ fↄ̃ ǹ Gbãapiide pↄ kɛ nae? Baa tó ń kú tàaesai, bↄ́ ài a vĩ Luaɛi?

⁴Ńlɛ e àlɛ zↄadↄma àlɛ bↄbↄnnↄ kɛ́ ń dɛ aà yãmana ũ yã́i nɛe?

⁵N vãikɛa zↄ̃ↄo lé? N duuna lɛ́ vĩo.

⁶N tↄ̀ↄmasì n gbɛ̃́ↄwa pã, n gbɛ̃́ↄ pↄkasaↄ wòlomá, aa gↄ̃̀ puizi.

⁷Ni í kpá yɛ̃̀ɛɛsaideↄwa aa mìo, n nↄandɛnaↄ tɛ̃̀ blɛ.

⁸Ḿmɛ ń gbãade ũ, ń tↄↄlɛ vĩ, ń dɛ n bùsu bɛɛɛde ũ.

⁹Ɔ̃ n gyaa gbɛ̃andoↄ yà ↄgii, n tonɛ pↄ́ gwana vĩoↄ gbãa mìdɛ.

¹⁰Bee yã́i músi dasi n le, ásoo kɛ̀ma kã́ndo.

¹¹A yã́i gu sìma, ńlɛ gu'eo, í kũ̀aama à dànla.

¹²Lua ku musu a bɛo lé? Saanaↄ pɛ́kĩi gwa, lá à zã̀!

¹³Ɔ̃ ńlɛ o: Bↄ́ Lua dↄ̃i? Kua luabɛpuana kpɛle a fↄ̃ yã́gↄ̃gↄ̃wɛ̃ɛe?

¹⁴Lousisia kpaaɛ̀, àlɛ wá eo, ìↄ bɛ musumusu weɛ.

¹⁵Zɛ́ pↄ́ gbɛ̃vãiↄ bɛu à gɛ̃̀gɛ̃ ↄ̃ ń ye ǹ sɛ sↄ̃a?

¹⁶Wà gɛ̃̀ńnↄ zɛ́a kpóo, í dàńla à tà ń ń zĩ́mpɛlɛo.

¹⁷Aa ò Luaɛ: Gowála! Bↄ́ Gbãapiide a kɛwɛ̃ɛi?

¹⁸Kási ↄ̃mɛ ń ká pↄmaawa ń ua. Mi gbɛ̃vãiↄ lɛdama bee sio.

¹⁹Tó gbɛ̃maaↄ yã́ pↄ́ ń lé è, an pↄ ì kɛ na, tàaesaideↄ ì ń láanikɛ aaì mɛ:

²⁰Wá ibɛɛↄ mìdɛ bɛ! Tɛ́ kũ̀ pↄ́ pↄ́ dińziↄwa.

²¹Misiilɛ Luaɛ, níↄ naaànↄ, ní gbasa nama e.

²²Yã́ pↄ́ àlɛ onɛ ma, ní da n sↄ̃u.

²³Tó n ɛa n su Gbãapiidewa, mɛ́ ń tò vãi kɛ̃̀ n uawa zã̀, a ń zɛdↄ.

²⁴Tó n n mↄ̀ bɛɛɛdeↄ kↄ̀lɛ bùsuu, mɛ́ n n vua maaↄ vũ̀aa swa'ɛ gbɛↄ guu,

²⁵Gbãapiide a gↄ̃ n mↄ̀ bɛɛɛde ũ, aↄ dɛnɛ n pↄeã ã́nusu ũ.

²⁶N pↄ i gbasa kɛ na Gbãapiidewa, n wɛ́ iↄ pɛ Luawa.

²⁷Ní wabikɛwà, i sinnↄ, ní lɛ́gbã pↄ́ ń dↄ̀wà fĩabo.

²⁸Yã́ pↄ́ n zɛò i zɛkɛɛ, n zɛ́ i pu.

²⁹Lua ì ĩ́andãnaↄ fu, ì gbɛ̃́ pↄ́ an mi gↄ̃̀ pɛ́lɛaↄ suaba.

³⁰Baa tàaede, Lua a aà misi. A n misi n ↄbↄlɛa vãi guu yã́i.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!

Yobu 22123456789101112131415161718192021222324252627282930313233343536373839404142