Yoobu 16

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Yoobu u Elifɑsi wisɑ u nɛɛ,

²nɑ ɡɑri yin bweseru nɔɔre nɔn dɑbinu. Bɛɛ, i sɑ̃ɑwɑ nuku yɛmiɑsio be bɑ nɛn wɑhɑlɑ sosimɔ.

³Dommɑ kɑɑ wunɛn ɡɑri sɑɑri kɑmɡii nini kpe. Mbɑn sɔ̃nɑ ɑ kɑ mɑn sikirinɑmɔ.

⁴Ì n dɑɑ wɑ̃ɑ nɛn ɑyerɔ, kpɑ nɑ n mɑɑ wɑ̃ɑ bɛɛɡirɔ, kon bɛɛ ɡɑri sɑɑrisi n wii ɡimɑnu koosi.

⁵Nɛn ɡɑri yi koo bɛɛ dɑm kɛ̃, kpɑ n bɛɛ nukuru yɛmiɑsiɑ kɑ nɛn ɡɑri yi.

⁶Nɑ̀ n ɡɑri mɔ̀, nɛn wɑhɑlɑ yɑ ǹ kpeemɔ. Nɑ̀ n mɑɑ mɑɑri, yɑ ǹ doonɔ.

⁷Wee tɛ̃, Gusunɔ u derɑ nɑ dɑm dwiiyɑ. Mɑ u nɛn yɛnun yɑ̃nu kpuro ɡurɑ.

⁸Nɑ woorɑ, nɛn ɡɔnɑ ɡɑwɑre. Yɑ sɔ̃ɔsimɔ mɑ nɑ torɑ.

⁹Gusunɔ u kuɑ nɛn yibɛrɛ, u mɑɑ mɑn ɡire kɑ mɔru u nɔɔ dɔnnɛ. Mɑ u mɑn nɔni ɡirɑri u kɑsu u nɛn wɑsi kɑsuku nɡe ɡbeeku yɑɑ.

¹⁰U derɑ tɔmbɑ mɑn yɑɑ kɑsikimɔ kɑ ben ɡɑri sɑɑrinu. Bɑ mɑn wɔmmɔ, bɑ mɑn bɑɑri soomɔ. Be kpurowɑ bɑ mɑn nɑɑ swĩi.

¹¹Gusunɔ u mɑn be bɑ ǹ win bɛɛrɛ yɛ̃ nɔmu sɔndiɑ. U mɑn tɔn kɔ̃sobu nɔmu bɛriɑ.

¹²Nɑ rɑɑ wɑ̃ɑ bɔri yɛndu sɔɔ mɑ u mɑn burisinɑ. U mɑn nɛnuɑ birun di, mɑ u mɑn kɔsukɑ. U mɑn kuɑ nɡe tũburu te u tweemɔ.

¹³Win sɛ̃ɛnu mɑn kooro bure. U nɛn ɡɑbu swii yɑburɑ kɑ wɔnwɔndu sɑriru. Mɑ u nɛn yɛ̃sɔ kɔrɑ u yɑri temɔ.

¹⁴U mɑn wɔrimɑ nɡe tɑbu durɔ. Mɑ u mɑn soomɔ u mɛɛrɑ mɔ̀.

¹⁵Nɑ sɑɑki deewɑ, mɑ nɑ nɛn wiru tuɑ wisi nuku sɑnkirɑnun sɔ̃.

¹⁶Nɑ wuri kuɑ sere nɛn nɔni swɛ̃rɑ, mɑ nɑ ɡɔɔ nɔnu terɑ.

¹⁷N ǹ mɔ nɑ kɔ̃sɑ ɡɑɑ kuɑ. Nɛn kɑnɑru tɑ rɑ n mɑɑ dɛɛrewɑ bɑɑdommɑ.

¹⁸Wunɛ tem, ɑ ku nɛn yɛm bere. A de nɛn kuuki yi nɔɔrɑ bɑɑmɑ kpuro.

¹⁹Domi nɑ yɛ̃ kɑm kɑm mɑ nɑ seedɑɡii mɔ wɔllɔ. U wɑ̃ɑ mi, u kɑ mɑn yinɑmɔ.

²⁰Nɛn kpɑɑsibu bɑ mɑn yɑɑkoru mɔ̀. Adɑmɑ Yinni Gusunɔwɑ nɑ kɑnɑmɔ kɑ swĩi.

²¹Nɛn seedɑɡii wi, u sun sirio nɛ kɑ Gusunɔ nɡe mɛ bɑ rɑ tɔnu kɑ win beruse sirie hɑnduniɑ sɔɔ.

²²Domi nɛn wɑ̃ɑrun tɔ̃nu nu kpeemɑ. Mɑ nɑ dɔɔ kɑ swɑɑ yèn min di bɑ ku rɑ mɑɑ wurɑmɛ.