Yoube 16

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Yoube da amane sia:i,

²“Na da musa: sia: agoaiwane nabasu. Dilia na dogo denesima:ne sia:be amoga na da se fawane naba.

³Dilia da mae yolele, nama gebewane sia:nanoma:bela:? Dilia abuliba:le dilia sia: fawane da dagomusa: sia: dawa:sala:?

⁴Dilia da na sogebiga esala ganiaba amola na da dilia sogebiga esala ganiaba, na da dilia sia:be liligi go huluane sia:musa: dawa:la:loba. Na da na dialuma noga:le fofoga:ne amola sia: bagohame da amoga dili mogososonesimu.

⁵Na da dilima fada:i sia:be amoga dili mololesila:loba, amola dili denesima:ne, na da dilima gebewane fada:i sia:na:noba.

⁶Be na sia:be amoga nina: hame fidisa amola ouiya:le esalebe amoga na se nabasu da hame gumisa.

⁷Gode! Di da na nimi guminisi, amola Di da na sosogo fi fane lelegema:ne, logo doasi.

⁸Di da na gagulaligi dagoi. Di da na ha lai dunu. Na da geloga:i, amaiba:le eno dunu ilia da amo ba:lu, na da wadela:le hamoiba:le se naba, ilia da agoane dawa:digisa.

⁹Gode da nama ougiba:le, na da:i dadega:le fasisa. E da nama higale, sosodo aligisa.

¹⁰Dunu da nama mi gasesa. Ilia da na guba:le eale disili, na odagi ilia loboba:ga fasa.

¹¹Gode da na wadela:i hamosu dunugili i dagoi.

¹²Na da musa: olofole esalu. Be Gode da na galogoa gaguli, na bagadewane fananu, banenesi dagoi. Gode da nama bagadewane dadiga dimaga:su hamoi.

¹³E da la:idi la:idi nama dadiga gala:sa. Amo dadi da na da:i damana gala:le fifili sasalisa. Be amomane E da nama asigi hou hame olelesa.

¹⁴E da na gala:le sasanone fifili sasalisa. E da doulasi dadi gagui dunu ea higale doagala:su hou defele, nama doagala:lala.

¹⁵Na da dinana amola eboboi abula ga:sisa. Amola na da gulu da:iya da:i dioiwane fisa.

¹⁶Na da dinanawane, na odagi da maga:me gasa:sa. Na si da fofasa.

¹⁷Be na da hame gegei amola na da moloiwane Godema sia:ne gadosa.

¹⁸Osobo bagade! Wadela:i hou nama hamoi dia mae wamolegema! Na da Godema, E da na da moloidafa sia:ma:ne, wele guda:sa. Na wele guda:sea mae ouiya:ma:ma!

¹⁹Dunu afae Hebene ganodini esala da wa:legadole, e da namagale aligima:ne sia:mu.

²⁰Na na:iyado dunu da naba:le ba:sola:sa. Na da Godema dini iaha.

²¹Na da namagale na:iyado amo da na fidima:ne Godema edegemu, na da agoai dunu nama misa:ne hanai gala.

²²Na da da:i sasegabe wea. Amola na da sinidigimu hamedei logo amoga ahoa.