Yuba 16

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Yuba yi a yabi, a naxa,

²“N bata fala sifani ito mɛ dɔxɔ wuyaxi, ɛ birin findixi madɛndɛn ti ɲaxine nan na.

³Danna fuyanten falani itoe ma ba? Nanse ɛ tɔrɔma ɛ to n yabima na kiini?

⁴N fan yi nɔɛ falan tiyɛ nɛn alo ɛ tan, xa ɛ tan nan yi n tan na nun. Nayi, n yi falane tima nɛn ɛ xili ma nun, n yi n xunni maxa ɛ magele xinla ma,

⁵n yi ɛ sɛnbɛ soma nɛn n ma falane ra, n yi ɛ madɛndɛn ɛ tɔrɔni n ma fala faɲine xɔn.”

⁶“Koni, n ma falane mi nɔɛ n tan madɛndɛnɲɛ n ma tɔrɔni. Xa n na n dundu, na fan mi se bɛ n ma tɔrɔn na.

⁷Iki, Ala bata n sɛnbɛn ɲan yati! A bata n ma denbayaan birin halagi.

⁸A bata n fatin mafasa, na yi findi sereyaan na n xili ma. A to n naxɔsixi, na yi findi n magi xunna ra.

⁹Ala n yibɔma a xɔlɔni, a n yɛngɛ, a ɲinne raxinma n xili ma, n yɛngɛ faan yi a yɛɛ ɲaxin ti n na.

¹⁰Muxune e dɛni bima n xili ma, e n konbi, e n dɛɛn bɔnbɔ, e malan n xili ma.

¹¹Ala bata n so tinxintarene yii, a bata n so ɲaxudene yii.

¹²N yi bɔɲɛ xunbenla nin, Ala bata fa n kaladeni. A bata n suxu n xanbi ra, a n nabira bɔxɔni. A bata n lu alo xalimakunla sa sɔtima seen naxan yi,

¹³a xalimakuli wonle bata n nabilin. Ala n sɔxɔnma n gbingini, a mi kininkininma, a n bɔɲɛn sa bɔxɔni.

¹⁴A fama n xili ma alo sofana, a n ɲaxankata, a lu n maxɔlɛ.”

¹⁵“N bata kasa bɛnbɛli dugin nagodo n ma sununi, n mi naxan bama, n lu xun sinxi burunburunni.

¹⁶Wugan bata n yɛɛn gbeeli, sayaan singanxi n yɛtagi.

¹⁷Anu, n mi fe ɲaxi yo ligaxi, n ma Ala maxandin yi sariɲan.”

¹⁸“I tan Bɔxɔna, n faxamatɔɔn ni i ra, i nama n wunla yɛ maluxun. N wuga xuiin xa mɛ han habadan.

¹⁹Iki yɛtɛni, serena nde n xa kore, naxan seren bama n xa mɛnni.

²⁰N xɔyine n magelema, koni n yɛɛn tixi Ala nan na n ma wugani.

²¹Na kanna Ala solonama muxun xa, alo adamadina a xɔyin xun mafalama kii naxan yi.

²²Koni, n ma siimayaan bata a danna li, n sigama nɛn kiraan xɔn, xɛtɛ mi dɛnaxan yi.”