Əyyub 34:18-34

¹⁸Padşahlara “yaramazsınız”, Əsilzadələrə “şərsiniz” deyən,

¹⁹Başçılar arasında tərəfkeşlik etməyən, Varlını yoxsuldan üstün saymayan O deyilmi? Çünki hamını Onun əlləri yaratdı,

²⁰Hamı bir an içində, bir gecə yarısı ölüb gedir, Xalq lərzəyə gəlib ölür. Güclülər belə, əl dəyməmiş aradan götürülür.

²¹Allah gözlərini insanların yolundan çəkmir, Atdıqları hər addımı görür.

²²Şər iş görənlərin gizlənəcəyi Nə qaranlıq, nə də zülmət yeri var.

²³Hökm üçün hüzuruna gəlsinlər deyə Allah insana nəzarət etmək üçün ehtiyac duymur.

²⁴İstintaq etmədən güclü insanları qırır, Onların yerinə başqalarını qoyur.

²⁵Çünki onların işlərini bilir, Bir gecə onları alt-üst edir, onlar əzilir.

²⁶Hamının gözü önündə Pislikləri üzündən onlara cəza verir.

²⁷Çünki Onun ardınca getmədilər, Yollarının heç birinə fikir vermədilər.

²⁸Ona görə yoxsulların fəryadı Onun hüzuruna yetdi, O, fəqirlərin fəryadını eşitdi.

²⁹Amma Allah səssiz dursa, kim Onu ittiham edə bilər? Üzünü gizlədərsə, kim Onu görə bilər? Hər millət, hər insan üçün O eynidir ki,

³⁰Allahsız insan hökmranlıq etməsin, Xalqa tələ qurmasın.

³¹Allaha deyən olubmu: “Günahkaram, bir də pis iş görməyəcəyəm?

³²Görmədiyimi mənə göstər, Haqsızlıq etmişəmsə, bir də etmərəm”.

³³Onu atdığın halda sənə Kefin istəyən əvəz verməlidirmi? Qərar verən sənsən, mən deyiləm, İndi bildiyini mənə söylə.

³⁴Dərrakəli insanlar, Məni dinləyən müdrik adamlar deyəcək: