Ayóoba 34:18-34

¹⁸Kii moo naan buur: «Yaa sew!» naa garmi: «Yaa bon!»

¹⁹Kii du far kàngam, du teg ku am ci kaw ku ñàkk, nde ñoom ñaar la boole sàkk.

²⁰Nes tuut, dee dikke xaaju guddi, mbooloo fippu, kàngam ya ne mes, boroom doole sànku, te loxo laalu ko.

²¹Yàlla déy a ngi ne jàkk ci jaar-jaari nit ki, di xool bépp jéegoom.

²²Du fenn fu lëndëm mbaa fu ne këruus, fu kuy def lu ñaaw mana làqoo.

²³Yàlla daal, soxlawula liñbat nit ki, bala mu koy woo cib àtte.

²⁴Mooy rajaxe boroom doole te du laajte, daldi fal keneen mu wuutu ko.

²⁵Moo ràññee moos jëfi boroom doole, ba jàllarbi ko genn guddi, mu rajaxoo.

²⁶Moo koy dóore fu ne fàŋŋ, ni ñuy dóore ku bon.

²⁷Li ko waral di boroom doolee dëddu Yàlla, sofental mboolem digley yoonam,

²⁸ba yuuxi baadoola yi àgg fa moom, mu dégg yuuxi néew-ji-doole ya.

²⁹Bu Yàlla nee cell, ana ku koy ŋàññ? Bu làqee kanamam, ana ku koy niir? Xeet yeek nit ñi la boole tiim,

³⁰ngir yéefar bi baña falu, bay tàbbal aw xeet ciy fiir.

³¹Su nit ki nee Yàlla: «Jot naa samab añ, dootuma bàkkaar.

³²Won ma sama tooñ yi ma gisul. Su ma defee lu ñaaw, dootuma ko def!»

³³Kooku, Yàlla dina ko mbugal a? Lu ciy sa xalaat, yaw miy diiŋat, gannaaw yaay seet te du maay seet? Waxal boog, loo ci xam!

³⁴Niti xel ñi dinañu wax, ñook ku rafet xel ku may déglu,