Yobu 34:18-34

¹⁸Luapi ì o kíaↄnɛ, pↄ́ giaↄ, ì o kíabuiↄnɛ, gbɛ̃vãiↄ.

¹⁹Ìli kíaↄ dilɛ ńdoao, ìli zɛ ń ↄdeↄ à bↄ̀ taasideↄ kpɛo, asa ampiiá aà pↄkɛaↄnɛ.

²⁰Aaì gaga kã́ndo wɛɛdo, aaì gbãsĩlɛ aa gɛ̃zɛa, zɛdeↄ ì ã́nuato gbɛ̃nazĩna ↄ sai.

²¹Lua ì wɛ́tɛ gbɛ̃nazĩnaↄ yãkɛai, lá aalɛ gbásɛ, ìↄ e píiɛ.

²²Gusia ge gusisie ku kɛ́ vãikɛna ulɛuɛ̀o.

²³Lua lí gbɛ̃́ lala yã́i à gbasa yãdaaàlao.

²⁴Ì zɛdeↄ wíwi yã́gↄ̃gↄ̃ańnↄ sai, ↄ̃ ì gbɛ̃pãleↄ dilɛ ń gbɛu.

²⁵Kɛ́ ìↄ ń yãkɛaↄ e yã́i, ì ń fuangba gwãasĩna à ń wíwi.

²⁶Ì ń wɛtã ń vãi yã́i gupuau,

²⁷kɛ́ aa bↄ̀ aà yã́ kpɛ, aai laaidↄ aà yã́wao yã́i.

²⁸Aa tò pↄesaideↄ wii Lua lè, ↄ̃ à wɛ̃nadepiↄ wii mà.

²⁹Lua nílɛa kpɛ̃́, démɛ a fↄ̃ aà tàae ei? À azĩa kpàgui, démɛ a bↄwài? A iko vĩ bui píiwa ń baadeo,

³⁰kɛ́ luayãdansai su kpalable, i kↄ̃nikɛ gbɛ̃́ↄnɛo yã́i.

³¹Tó gbɛ̃́ ò Luaɛ tàaeden a ũ, á yãdↄↄsai kɛ lↄo,

³²yã́ pↄ́ á dↄ̃o Lua dadaɛ, tó a duunakɛ̀ yãaɛ, á kɛ lↄo.

³³Lua a ĩadawà yã̀? N Lua tàae è, ń è kpelewa ni? Lá ńlɛ e, o, n yã́ɛ, i kɛ mámɛo.

³⁴Nↄ̀sɛdeↄ òmɛɛ, ↄ̃nↄna pↄ́ aa ma yãmàↄ mɛ̀,