Job 34:18-34

¹⁸God El ku in fahkak mwatan tokosra ac mwet leum uh Ke pacl elos oru ma koluk, ac fin wangin sripalos.

¹⁹El tia wi mwet leum uh lac, Ku oru in wo nu sin mwet kasrup liki mwet sukasrup, Mweyen El pa orala mwet nukewa.

²⁰Sie mwet el ku in misa in kitin pacl na ke fong. God El sringilya mwet uh na elos misa; El uniya mwet ku uh oana ma wangin.

²¹El taran ma mwet uh oru in pacl nukewa.

²²Wanginna acn ma lohsr matoltol Ku in okanla mwet koluk uh liki God.

²³God El tia enenu in pakiya pacl Lun sie mwet in som tuh Elan nununku.

²⁴El tia enenu in oasr sukok se orek Tuh Elan sisla mwet kol uh ac aolulosla.

²⁵Mweyen El etu ma elos oru uh. El ac siselosla ac itungulosi ke fong uh.

²⁶El akkeokye mwet koluk uh yen mwet nukewa ac ku in liye,

²⁷Mweyen elos tila fahsr tokol, Ac elos pilesrala ma sap lal nukewa.

²⁸Ke sripalos mwet sukasrup elos wowoyak ac pang nu sin God, Tuh Elan kasrelos, ac God El lohng pusren pang lalos.

²⁹“God El fin sulela Elan tiana oru kutu ma, Wangin mwet ac ku in fahk mu oasr ma sutuu sel. El fin okanla mutal, wangin ma mwet uh ac ku in oru.

³⁰Wangin ma mutanfahl uh ac ku in oru In ikolya mwet ma tia etu God uh in tia leum faclos.

³¹“Job, ku kom fahkak tari ma koluk lom an nu sin God, Ac wulela kom in tia sifil orekma koluk?

³²Kom nu siyuk God Elan akkalemye nu sum ma kom sufalla kac uh, Ac insese mu kom ac tia sifilpa orekma koluk?

³³Ke kom lain ma God El oru uh, Ya kom liye mu El ac ku in oru ma kom lungse uh? Sulela uh ac ma na lom, tia ma luk; Fahkma nu sesr ingena ma kom nunku an.

³⁴“Kutena mwet ma kalem in nunak uh, ac ku in insese nu sik; Ac kutena mwet lalmwetmet ma lohng kas luk uh, ac ku in fahk lah