Əyyub 10

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Canım həyatımdan bezib. Şikayətimə məhdudiyyət qoymayacağam, Acı həyatımdan danışacağam.

²Qoy Allaha deyim: “Məni günahlandırma, Bir mənə söylə, niyə mənimlə çəkişirsən?

³Məni incitmək, Əllərinin işini xor görmək, Pislərin niyyətlərinə işıq vermək Sənə xoşdurmu?

⁴Səndə insan gözümü var? İnsan necə görürsə, Sən də elə görürsənmi?

⁵Günlərin insan ömrü kimidirmi? İllərin insanın yaşadığı illər kimidirmi?

⁶Çünki məndə təqsir axtarırsan, Günahlarımı araşdırırsan.

⁷Özün də bilirsən mən şər adam deyiləm, Məni Sənin əlindən qurtaran yoxdur.

⁸Əllərin mənə quruluş verdi, məni yaratdı. İndi dönüb məni yox edəcəksənmi?

⁹Məni palçıqdan düzəltdin, bunu xatırla. Yenidən məni torpağa çevirəcəksənmi?

¹⁰Məni süd kimi tökmədinmi, Pendir kimi bərkitmədinmi?

¹¹Ət və dərini əynimə geyindirdin, Məni sümük və vətərlərlə hördün,

¹²Mənə həyat verdin, sevgi göstərdin, Qayğıma qalmağınla ruhumu hifz etdin.

¹³Amma bunları qəlbində gizlətdin. Mən isə bilirəm, fikrində bu şeylər var:

¹⁴Günah işlətsəydim, mənə nəzarət edərdin, Təqsirlərimi cəzasız qoymazdın.

¹⁵Əgər günahkar olsaydım, vay halıma! Günahsız olsam belə, yenə başımı qaldıra bilmərəm, Çünki xəcalət içindəyəm, necə də biçarəyəm.

¹⁶Əgər başımı qaldırsam, məni aslan kimi ovlarsan, Yenə heyrətamiz qüvvəni mənə göstərərsən.

¹⁷Əleyhimə yeni şahidlər çıxararsan, Mənə qarşı qəzəbini artırarsan, Orduların üstümə dayanmadan hücum çəkər.

¹⁸Niyə məni doğulmağa qoydun? Kimsənin gözü məni görmədən kaş öləydim.

¹⁹Kaş ki heç yaranmayaydım, Bətndən məzara düşəydim.

²⁰Məgər ömrümə bir neçə gün qalmayıbmı? Mənə bir qədər sərbəstlik ver ki, bir az ürəyim açılsın

²¹Gedər-gəlməz yerə, Zülmət və ölüm kölgəsi diyarına,

²²Qatı qaranlıq diyarına, Ölüm kölgəsi, qarışıqlıq diyarına, İşığı qaranlıq olan diyara getməzdən əvvəl”».