Yuba 34:18-34

¹⁸Ala nan keden pe nɔɛ susɛ a falɛ mangan xa, a naxa, ‘Fuyantenna!’ Ala nan tun a falɛ kuntigine xa, a naxa, ‘Ɲaxudene!’

¹⁹Ala mi kuntigine rafisama e bode xa, a mi yiigelitɔɔn nun nafulu kanna tagi rasaxi, amasɔtɔ a tan nan e birin daxi.

²⁰E birin faxama nɛn. Kɔɛ tagini, Ala na e yigisan, e raxɔri, sɛnbɛmane fe yi godo. Na mi fatama muxu yo ra.”

²¹“Ala yɛɛn tixi muxune sigati kiin birin na, a e san funfune birin yatɛma.

²²Dimi yo mi fa na, fe ɲaxi rabane nɔɛ e luxunɲɛ naxan yi.

²³Ala mako mi fa muxune kɛɲaan fɛsɛfɛsɛn ma, benun a xa e xali kiti sadeni.

²⁴A hayu mi fa sɛnbɛmane fenna ma, benun a xa e kala, a mɔn yi muxu gbɛtɛ dɔxɔ e funfuni.

²⁵Ɲɔndin nan na ra, a e kɛwanle kolon. Kɔɛ kedenna ra, a yi e ba, a yi e faxa.

²⁶A e ɲaxankatama nɛn yamaan yɛtagi alo fe ɲaxi rabane,

²⁷bayo e bata xɛtɛ Ala fɔxɔ ra, e yi a sariyane birin beɲin.

²⁸E yi yiigelitɔne ɲaxankata han e yi e xuini te Ala ma. Nayi, Ala yi tɔrɔ muxune wuga xuiin namɛ.”

²⁹“Koni, xa Ala lu dunduxi, nde a yalagɛ? Xa a a yɛtagin luxun, nde nɔɛ a toɛ? Anu, a mɔn luma muxune nun siyane birin xun na nɛn

³⁰alogo Ala kolontaren nama dɔxɔ mangayani, naxan findima kalan na yamaan xa.”

³¹“A nɔɛ ligɛ nɛn, muxuna nde yi a fala Ala xa, a naxa, ‘N bata kalan ti, koni n mi fa fe ɲaxin ligama sɔnɔn.

³²N mi naxan toma, na yita n na. Xa n bata tinxintareyaan liga, n mi fa a ligama sɔnɔn.’

³³Ala lan a xa na kanna ratɔrɔn fata i miriyaan na ba? I tan naxan Ala rasɔtɔma, i tan naxan tondixi Ala ra. I tan nan lan i yi a yɛba, n tan mi a ra, i miriyaan fala.”

³⁴“Xaxilimane a falama nɛn n xa, e nun fekolonna naxanye n xuiin namɛma, e naxa,