IOBU 34:18-34

¹⁸Ia ese pavapava e hamaoroamu, e tomu “Oi na kara kava taumu”, bona lohia na e hamaorodiamu, e tomu “Oi na kara dika taumu”.

¹⁹Ia na pavapava ediai se taomu; taḡa taudia se lalodia badamu bona ogoḡami taudia se lalodia maraḡimu, badina be iboudiai na ia imana ese e karadia. Ia ba revaia a?

²⁰Idia na e mase takumu; malokihi ai taunimanima na e marere-mareremu bona e pukimu, bona goada taudia na e heabi ohomu, dia taunimanima imadia amo.

²¹Badina be ia ese taunimanima ta ena dala e itadia taomu, ia aena daḡadia iboudiai e itadiamu.

²²Asi gabu vaburana eiava diburana ta mia, kara dika taudia na bae komu;

²³badina be tau ta ena nega se gwauraia guna, Dirava vairanai hahemaoro baine abia.

²⁴Ia ese goada taudia na e huaridiamu, se tahudia gunamu; ma haida na gabudia ai e atodiamu.

²⁵Taunabunai, edia kara dibana dainai ia ese hanuaboi ai e haheḡiḡidia dobi; bena idia na e hemoi patapatamu.

²⁶Edia kara dika daidiai ia ese e rahudia masemu taunimanima vairadiai;

²⁷badina be ia iḡavana amo e raka siri, bona ena dala ta se laloa;

²⁸bena idia daidiai ogoḡami taudia edia taitai na ienai e kau, bona hisi-ani taudia edia taitai na e kamonai.

²⁹Asi reḡereḡena negana ai, daika ese baine revaia? Vairana e huniamu negana ai, daika ese baine itaia? Bese ta eiava tau ta danu unuheto.

³⁰Taunabunai, Dirava se matauraiamu tauna na basine pavapava; ia ese taunimanima na basine idoadia.

³¹Tau ta ese Dirava bema hamaoroa, bema toma: Kerere davana vada na abia, basina kerere lou;

³²asina itamu ḡaudia na ba hadibagu; bema na kara dika, vada basina kara lou;

³³bena dava baine ha-idaua oiemu ura heḡereḡerena badina be o dadaraia dainai a? Badina be oi ese bavabia hidi, dia lau; taunabunai dibamu ḡauna ba gwauraia hedinarai.

³⁴Lalo-parara taudia ese bae hereva henigu, bona mai aonegana ida e kamonai henigumu tauna na baineto: