Job 34:18-34

¹⁸Ijeh inem itile aman leng ho jah anang hi migilou nahin chuleh milenmilal pa komah nanghi langnei nahitin aseije.

¹⁹Aman mihem chu itobanginloupi jongle iman agelpon chulehmivaichapa sangin mihausa pa chuakhohsah chompoi, aboncha amakhutsem ahi cheh e.

²⁰Mitphet kah louvin athi theijin, jankim lai teng jongle amangthahjiuvin, mithat hatpa jong chu mihemkhat pang louvin akisumang jitai.

²¹Ijeh inem itile Pathen in mihemtehi iti hin ham ti ave jingin, athilbolu amusoh keije.

²²Migiloupa kiselna ding chun muthim jong ama mitmun kiselna din alhing joupoi.

²³Pathen thutanna a itih le idin diuham ti eihon, gonsan ikoi pouve.

²⁴Aman mihat pa chu koimachadong louhel in asumang jin, chuleama munna chu adang khat atung doh jie.

²⁵Aman ipi abol u ahet ahin, chuleh jan tengle alehkhup inchuleh asumang jitai.

²⁶Aman agitlou jeh uvin ajeplhujin mijouse mu thei dingle imajousen amu theidin abol jie.

²⁷Ijeh inem itile, ama nung ajuinauva konin akihei mangun alampijeng jong donlouvin akoi tauve.

²⁸Amahon mivaichate chu akasah un, akanau chu Pathen komaalhunge. Pathen in mi gentheitekana ho ajahpeh jin ahi.

²⁹Ahinlah ama chun thipbeh a umding chu lheng jo tahen lang hilehkon amachu themmo achan theiding ham? Aman amai aselmangteng mikhat ham ahiloule namkhathijeng jongle koiman aholdoh joupoi.

³⁰Mihemte thanga a o louna diuvinaman Pathen neiloute vaihominapansah jipoi.

³¹Kachonse tai, ahin chonsetbolkit taponge tia mihem ten ipidinga Pathen koma aseikit jilou u ham?

³²Ahiloule ipi thilse kabol kahekhapoi neisei peh in thilse kabol aumkhah leh tutah hin ngai jeng inge.

³³Nathum najeh a chu Pathen inathudih nachu asemphat ding ham? Ijeh inem itile nangin ama chunapaidoh sa ahin, akilhen ding chu nang nahin, kei kahipoi, sei jomin lang nachihna chu keiho kommaphong doh in.

³⁴Hicheng jou nungin milungvalhon eiseipeh untin chuleh michinghon kathusei ngai uvinte.