Yoobu 11

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Sofɑɑ Nɑɑmɑɡii u Yoobu wisɑ u nɛɛ,

²ɑ tɑmɑɑ wunɛn ɡɑri dɑbi nini kpuro nu ǹ koo wisibu wɑ? A tɑmɑɑ tɔnu u ko n sɑ̃ɑ ɡemɡii win ɡɑri yɛ̃run sɔ̃?

³Wunɛn ɡɑri sɑɑri nini nu koo de tɔmbɑ kun nun ɡɑ̃ɑnu wisɑ? Kɑɑ yɑɑko ɡɑri ɡere ɡoo u kun nun tɑɑrɛ wɛ̃?

⁴A ɡeruɑ ɑ nɛɛ, ye ɑ ɡeruɑ kpuro yɑ rɑ n sɑ̃ɑwɑ ɡem, ɑ mɑɑ dɛɛre Gusunɔn wuswɑɑɔ.

⁵Nɑ rɑ n kĩwɑ Gusunɔ u nɔɔ wukiɑ, kpɑ u nun wisi.

⁶U nun win bwisi bɛkɛn ɑsiri sɔ̃ɔsi, kpɑ ɑ ɡiɑ mɑ u ku rɑ nun sɛɛyɑsie nɡe mɛ̀n nɔɔ wunɛn torɑnu nɛ.

⁷A tɑmɑɑ kɑɑ kpĩ ɑ Gusunɔn bwisikunu tubu? A tɑmɑɑ kɑɑ kpĩ ɑ wi, Dɑm kpuroɡii ɡiɑ mɑm mɑm?

⁸Win yɛ̃ru tɑ wɔllu ɡunum kere. Ǹ n mɛn nɑ, mbɑ kɑɑ ko. Tɑ mɑɑ ɡɔribun wɑ̃ɑ yeru dukum kere. Ǹ n mɛn nɑ, mbɑ kɑɑ tubu mi.

⁹Tɑ tem kpɑ̃ɑru kere, tɑ mɑɑ nim wɔ̃ku yɑsum kere.

¹⁰Gusunɔ ù n sɑrɔ, mɑ u tɔn kɔ̃so mwɑ u kɑ dɑ siri yerɔ, wɑrɑ u koo nùn ye yinɑri.

¹¹Domi u tɔnu kɑm yɛ̃. U rɑ mɑɑ tɔn kɔ̃sobu tubu mii mii.

¹²Adɑmɑ tɔnu u rɑ bwisikuwɑ nɡe ɡɑri bɔkɔ, domi bɑ nùn mɑrɑwɑ nɡe kɛtɛku ɡbeekun buu.

¹³Yen sɔ̃, wunɛ, ɑ wunɛn ɡɔ̃ru wesio Yinni Gusunɔn mi ɡiɑ. Kpɑ ɑ nɔmɑ yiiyɑ ɑ nùn kɑnɑ.

¹⁴A kɔ̃sɑ derio, kpɑ yɑ kun mɑɑ wɑ̃ɑ wunɛn yɛnuɔ.

¹⁵Sɑɑ ye sɔɔrɑ kɑɑ wiru seeyɑ ɑ n dɛɛre. Kɑɑ n tɑ̃sɑ, kpɑ ɑ kun mɑɑ ɡɑ̃ɑnun bɛrum mɔ.

¹⁶A ǹ mɑɑ wunɛn wɑhɑlɑ yeni yɑɑyɑmɔ, yɑ koo doonɑwɑ nɡe nim mɛ mu kokɑ.

¹⁷Wunɛn wɑ̃ɑrɑ koo wurɑmɑwɑ nɡe sɔ̃ɔ wii wɔllun sɔ̃ɔ. Kpɑ yɑm wɔ̃ku te tɑ rɑɑ nun wɑ̃ɑsi, tu ɡɔsiɑ yɑm bururɑm.

¹⁸Kɑɑ n sɔ̃ kɑ toro sindu domi kɑɑ n yĩiyɔbu mɔ. Kpuro koo nun koorɑ dee dee kpɑ ɑ wɛ̃rɑ bɔri yɛndu sɔɔ.

¹⁹À n kpĩ, ɡoo kun nun bɑɑsimɔ. Tɔmbu kpuro bɑ koo wunɛn nɔnu ɡeu kɑsu.

²⁰Adɑmɑ tɔn kɔ̃sobu bɑ koo nɔni swɑ̃ɑru wɑ. Bɑ ǹ kuku yeru wɑsi. Gɔɔ bɑɑsi, bɑ ǹ ko n mɑɑ ɡɑ̃ɑnu ɡɑnu yĩiyɔ.