Joba 11

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Naamathi Zophar loh a doo tih,

²“Ol cungkuem te a doo moenih a? Hlang he a hmuilai ngawn tah tang dae ta.

³Na olsai te hlang loh ngam vetih, na tamdaeng vaengah a hmaithae mahpawt nim?

⁴Te vaengah, “Ka rhingtuknah he cil tih na mikhmuh ah a caih la ka om,” na ti.

⁵Khat bueng koinih Pathen loh thui hamla a paek vetih nang taengah a hmuilai a ong pawn ko.

⁶Lungming cueihnah he rhaepnit a lo dongah cueihnah olhuep te nang taengah a thui pawn ko. Namah kah thaesainah lamloh Pathen loh nang n'hnilh te ming.

⁷Pathen kah khenah na hmuh tih, Tlungthang kah a khuetnah hil na hmuh a?

⁸Vaan la a sang te metlam na saii eh? Saelkhui lakah a dung te metlam na ming eh?

⁹A himbaidok loh diklai lakah a puet tih tuitunli lakah dangka ngai.

¹⁰A hil tih a tlaeng tih a tingtun sak phoeiah tah u long anih a mael sak.

¹¹Amah loh a poeyoek hlang rhoek khaw a ming ngawn dae boethae a hmuh vaengah yakming pawh.

¹²Tedae tuihong hlang loh hloih koinih kohong marhang neh laak te hlang la a sak khaming.

¹³Na lungbuei na cikngae tih a taengla na kut na phuel koinih,

¹⁴Na kut dongkah boethae te na lakhla tak tih na dap ah dumlai na khueh pawt atah,

¹⁵A lolhmaih kolla na maelhmai na ludoeng van bitni. Na om vaengah khaw tluektluek na long vetih na rhih om mahpawh.

¹⁶Nang ham tah thakthaenah te na hnilh vetih tui aka long voelh bangla na poek bitni.

¹⁷Na khosak khaw khothun lakah sae vetih, a hmuep khaw mincang bangla om ni.

¹⁸Ngaiuepnah a om dongah na pangtung vetih ngaikhuek la na too phoeiah na yalh bitni.

¹⁹Na kol vaengah na lakueng neh na maelhmai muep thae voel mahpawh.

²⁰Tedae halang kah mik tah kha vetih thuhaelnah khaw amih lamloh bing ni, a ngaiuepnah khaw hinglu polpainah la om ni,” a ti nah.