Job 11

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Na Zophar el fahk,

²“Mea, wanginna mwet ac topuk kas lusrongten inge? Ya mwet se fin kaskas pusla, na ac oru in pwaye sel?

³Job, ya kom nunku mu kut tia ku in topuk kom? Ya kom nunku mu kas in aksruksruk lom ingan ac oru in wanginla ma kut ku in fahk?

⁴Kom fahk mu ma kom fahk an pwayena; Kom sifacna fahk mu kom nasnas ye mutun God.

⁵Seyal nga ke God Elan topuk kom!

⁶El lukun fahkot nu sum lah oasr kain in lalmwetmet pus; Ac oasr kutu ma su arulana loalla nu ke ma mwet uh ku in kalem kac. Akkeok lun God nu sum uh srikla liki ma fal kom in keok kac.

⁷“Ku kom ku in sifacna konauk lupa ac saflaiyen Ku ac fulat lun God uh?

⁸Lupan ku lun God uh tia safla na yen engyeng uh, A srakna oan loes liki lusen acn ma kom ku in sun uh. God El oayapa etu facl sin mwet misa uh, A kom tia etu.

⁹Fulat lun God uh sralap liki faclu Ac yohk liki meoa uh.

¹⁰God El fin sruokkomi ac uskomyak nu ke nununku, Su ac ku in kutongilya?

¹¹God El etu lah su mwet ma wangin sripa uh; El liye ma koluk nukewa ma elos oru uh.

¹²Mwet sulalkung uh ac ekla lalmwetmet Ke pacl se ma donkey uh ac isusla tuh mwet.

¹³“Job, wo kom in tari auliyak, ac asroela poum in pre nu sin God.

¹⁴Sisla ma koluk ac ma sutuu liki in lohm sum.

¹⁵Na kom ac fah pulaik ac fwacfa ye mutun mwet.

¹⁶Fin ouinge, na kom ac fah tia sifil esam mwe keok lom nukewa, Oana sie sronot su somla ac tia sifil esamyuk.

¹⁷Na moul lom uh ac fah kalem liki kalmen faht ke infulwen len, Ac lohsr lulap lun moul uh ac fah kalemla oana kalem ke lotutang uh.

¹⁸Kom ac fah moul in misla ac sessesla ke finsrak; God El ac fah karingin kom ac sot mongla nu sum.

¹⁹Kom ac fah tia sangeng sin mwet lokoalok lom; Ac mwet puspis ac fah siyuk kom in kasrelos.

²⁰Tusruktu mwet koluk uh fah ngetot ngetma ke fohsak lalos Ac konauk lah elos tia ku in kaingla. Mwe finsrak sefanna lalos pa elos in sa misa.”