Yuba 37

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹“Nanara, n bɔɲɛn xuruxurunma, a keli a sadeni.

²Ɛ tuli mati, ɛ tuli mati kuye sarinna ra naxan findixi Ala xuiin na, a sɔnxɔ xuiin naxan minima a dɛ.

³Ala a galanna ragodoma keli kore, a yi a ragodo dunuɲa birin xun xɔn.

⁴Na xanbi ra, a sɔnxɔ, a yi a xui gbeen namini alo kuye sarinna, a mi fa galanni tima a na a xui ramini.

⁵A kabanako feene rabama a sɔnxɔ xuiin xɔn, en mi nɔɛ naxanye famunɲɛ.”

⁶“Ala yi balabalan kɛsɛne yamari, a naxa, ‘Ɛ godo bɔxɔni,’ a yi tulen nagodo, tule gbeen yati.

⁷A yi muxune wanle ratima na kii nin alogo ne birin xa a wanla kolon.

⁸Hali burunna subene soma nɛn faranne kui, e lu e yinle ra.

⁹Kala ti foyen yi keli sogeteden yiifanna ma, xunbenla yi keli kɔmɛn fɔxɔni.

¹⁰Ala niiraxinla nan ige xundin naminima, igen xunmaan yi xɔdɔxɔ alo wurena.

¹¹A yi kundane rafe tule igen na, e nun kuye ɲin masɔxɔnna, a yi e raxuya ayi yiren birin yi.

¹²A tan nan e rasigama alo a ragidixi kii naxan yi alogo e xa a yamarin birin nakamali, dunuɲa birin yi.

¹³Nayi, Ala a waxɔnna nan ligama bɔxɔn fari, a yi muxune ratɔrɔn hanma a yi hinan e ra.”

¹⁴“Yuba, i tuli mati ito ra. Ti, i maɲɔxɔn Alaa kabanako feene ma!

¹⁵I a kolon ba Ala e yamarima kii naxan yi? I a kolon ba a galanna ragodoma kii naxan yi kundani?

¹⁶I a kolon ba e singanxi kii naxan yi foyeni? Kabanako feni itoe findixi fekolon kamalixina wanla nan na.

¹⁷Koni i tan, i luma kuye wolonxini i ya dugine yi, foyen nɛma bɔxɔn ganɲɛ waxatin naxan yi.

¹⁸I nɔɛ Ala maliyɛ kuyen dadeni ba naxan xɔdɔxɔ alo wure kikena?

¹⁹Yuba, a yita nxu ra nxu nɔɛ naxan falɛ Ala xa. Sese mi makɛnɛnxi nxu xa, nxu dimin nin.

²⁰N mi waxi n xa falan ti Ala xa. Muxu mundun waxi Ala xa a raxɔri?

²¹Muxu yo mi nɔɛ a yɛɛn tiyɛ sogen na, a na te kore, foyen na kundaan ba a yɛɛ ma.

²²Na ki kedenni, Alaa kɛnɛnna fama sa keli sogeteden kɔmɛn fɔxɔni naxan luxi alo xɛmana, nɔrɔn gbeen yi Ala rabilin.

²³Ala Sɛnbɛ Kanna nan a ra, en mi nɔɛ en masoɛ naxan na, a sɛnbɛn gbo, a kiti kɛndɛne gbo, a mi muxu tinxinxine ɲaxankatama.

²⁴Nanara, muxune gaxuma a yɛɛ ra, koni a tan yɛtɛɛn mi na muxune yatɛxi naxanye e yɛtɛ yatɛxi xaxilimane ra.”