Yuba 13

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Yuba mɔn yi a fala, a naxa, “A mato, n yɛɛn bata na birin to, n tunla bata na birin mɛ, n yi a famu.

²Ɛ naxan kolon, n fan na kolon, ɛ mi dangu n na.

³Koni, n tan waxi falan ti feni Ala Sɛnbɛ Kanna nan xa, n waxi n xa n mawuga Ala xa.

⁴Koni ɛ tan wulen nan tun sama ɲɔndin yɛ ma, ɛ birin findixi dandan ti fuyanne nan na.

⁵Xa ɛ yi ɛ dundɛ nun, na yi findɛ ɛ fekolonna ra nɛn.

⁶Ɛ n ma mawugan namɛ, ɛ tuli mati n ma mawuga xuiin na.

⁷Ala makoon luyɛ ɛ tinxintareyaan ma ba, ɛ wulene fala Ala mali feen na?

⁸Ɛ waxi ɛ sa feni Ala nan fari n xili ma ba? Ɛ Ala nan xun mafalama ba?

⁹A na ɛ miriyane yatɛ, na fanɲɛ ɛ ra ba? Ɛ nɔɛ a yanfɛ ba alo muxuna?

¹⁰Ɲɔndin naxan na, ɛ na kitin sa yɛtagin ma hali wundoni, Ala falan tima nɛn ɛ xili ma.

¹¹Ɛ mi gaxuma a binyen yɛɛ ra ba? A magaxun mi ɛ suxɛ ba?

¹²Ɛ sandane luxi nɛn alo xubena, ɛ xun mafala falane kalama nɛn alo bɛndɛna.”

¹³“Ɛ dundu, ɛ n lu! N xa falan ti hali sese n sɔtɔ.

¹⁴Nanfera n nan n fati bɛndɛn xinɲɛ n ɲinne ra, nanfera n tinɲɛ sayaan ma?

¹⁵Xa Ala wa, a xa n faxa, n yengi mi fa sese ma koni n waxi n sigati kiin xɔnba feni a tan nan yɛtagi.

¹⁶Na yɛtɛɛn findima n ma kisin nan na, bayo Ala kolontare yo mi tima a yɛtagi.

¹⁷Ɛ tuli mati n ma falan na a faɲin na, n ma fe yɛ xaranna xa so ɛ tunla ma.

¹⁸N bata n xun mafala feni tɔn, n na a kolon a ɲɔndina n tan nan xa.

¹⁹Nde waxi n xun maxidi feni? Nayi, xa ɲɔndi mi n xa, n tinxi n yi n dundu, n faxa.”

²⁰“N ma Ala, fe firin gbansan masiga n na, nayi, n mi luxunɲɛ i ma:

²¹I ya xɔlɔn masiga n na, i ya magaxun nama fa n suxu sɔnɔn.

²²Na xanbi ra, falan ti n xa, n ni i yabɛ, hanma n yi falan ti, i yi n yabi.

²³Yoli n hakɛne nun n yulubine yatɛn na? N ma murutɛ feene nun n ma yulubine yita n na.

²⁴Nanfera i yɛtagin luxunma n ma, i yi n yatɛ i yaxun na?

²⁵I n tan nan magaxuma ba, n tan naxan luxi alo ɲɔxɔndena foyen sigan naxan na? I n tan nan sagatanma ba, n tan naxan luxi alo malo dagi xarena?

²⁶I fe xɔlɛne sɛbɛma n xili ma, i n ma dii ɲɔrɛyaan hakɛn goronna dɔxɔ n xun ma.

²⁷I n sanne sama kutun na, i yɛɛn tixi n sigati kiin birin na, hali n san funfune, i e birin nakɔrɔsima.

²⁸Koni, adamadiine kunma alo wudi kalaxi, alo xiine dugin kala kii naxan yi.”