Yuba 17

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Yuba mɔn yi a fala, a naxa, “N yengin dasama, n ma siimayaan yi ɲan, gaburun dɔxi n yɛɛ ra.

²Magele tiine n nabilinni yati, e fa fuma n ma, n mi nɔɛ xiyɛ.”

³“Ala, i bata tolimaan naxan maxɔdin n ma, i yɛtɛɛn xa na so n yii. Xa i tan mi a ra, nde gbɛtɛ n ma donla goronna tongɛ?

⁴Bayo i bata xaxinla birin ba n xɔyine yi, na ma, i nama tin e xa nɔɔn sɔtɔ.

⁵E luxi nɛn alo muxun naxan yanfan soma a xɔyine xili ma, na yi findi tɔrɔn na a diine xa.”

⁶“Muxune n magelema e sigine yi, e dɛgen namini n yɛtagi.

⁷N yɛɛne bata yidimi sununi, n fati bɛndɛn bata yelefu ayi alo a nininna.

⁸Muxu faɲine na n to, n kiin yi e ratɛrɛna, sɔntarene xɔlɔma n ma, e yi n yatɛ Ala kolontaren na.

⁹Koni, tinxin muxune xa lu e kiraan xɔn, naxanye sariɲan, ne sɛnbɛn sɔtɔma nɛn.

¹⁰Koni ɛ tan, ɛ xɛtɛ, ɛ mɔn xa fa. N mi fekolon toma ɛ yɛ.

¹¹N ma siimayaan bata ɲan, n ma wanle bata kala, n waxɔn feene bata kala.

¹²N xɔyine a falama, e naxa, a kɔɛɛn findima nɛn a yanyin na, fitirin na so, e fala a subaxan na a ra.

¹³N xa n yigi sa laxira yi tun ba, n na n sama dimini dɛnaxan yi?

¹⁴N falan tima nɛn n gaburun xa alo a tan nan n fafe ra. N falan ti kunle xa alo e tan nan nga nun n magilɛn na.

¹⁵Nayi, n yigin minɛn? Nde n yigin toɛ?

¹⁶Yigin laxira yi ba, nxu birin na siga nxu sa nxu sa burunburunni?”