Yuba 39

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹“I a kolon ba bolen diin xalima waxatin naxan yi? I xɛnle toma ba, e nɛma diin xalɛ?

²I e kuiin maxali waxatin yatɛma ba? I e dii xali waxatin kolon ba,

³e na e felen e dii xalin tɔrɔni, e yi e diin xali?

⁴E diine sɛnbɛn sɔtɔma, e gbo xunnabani. Na xanbi ra, e keli e ngane fɛma, e mi fa fama sɔnɔn.”

⁵“Nde burunna sofanla xunnabaxi? Nde a fulunxi?

⁶N bata tonbonna findi a dɔxɔden na, fɔxɔ bɔxɔn yi findi a konna ra.

⁷A na sɔnxɔ sɔnxɔ xuiin mɛ taane yi, a gele, a mi soo ragiin xuiin mɛ mumɛ!

⁸A sigama a dɛgɛdeni geyane nan fari, dɛnaxan xinde, a yi mɛn fen.”

⁹“Burunna ɲingen tinɲɛ findɛ i ya walikɛɛn na ba? A xiyɛ i ya xuruseene balon sa seen dɛxɔn ba?

¹⁰I nɔɛ a xidɛ alogo a xa i ya xɛɛn bi ba? A xɛɛ rabɔnbɔ seen bandunɲɛ i fɔxɔ ra mɛrɛmɛrɛne yi ba?

¹¹I yigin sɛ a yi ba, bayo a sɛnbɛn gbo? I ya wali xɔdɛxɛne luyɛ a ma ba?

¹²I yengi sɛ a ma ba? A fɛ i ya se xabaxine ra i xa, a fa e sa i ya lonna ma?

¹³Dangaranfulene gabutɛne yitema sɛwani, koni e mi nɔɛ tuganɲɛ alo xɔliin bodene.

¹⁴A xɛlɛne luma biraxi bɔxɔn nan ma, a yi e lu burunburun wolonni.

¹⁵A mi mirixi a ma fa fala e nɔɛ yibɔɛ nɛn, a burunna subena nde tiyɛ e yi nɛn.

¹⁶A ɲaxu a diine ra alo a tan xa mi e xalixi, a mi gaxuma fa fala a bata tɔrɔ fuuni e xalideni.

¹⁷Ala bata a kuma fe kolonna ra, a mi xaxili fixi a ma.

¹⁸Koni, a na keli a gideni, a gelema nɛn soon nun soo ragiin ma.”

¹⁹“I tan nan sɛnbɛn fima soon ma ba? I tan nan a kɔɛ ma xabene saxi ba?

²⁰I nɔɛ a ratuganɲɛ alo suɲɛna? A gbelegbele xuiin magaxun nan tima.

²¹A bɔxɔni sɔxɔnma a torone ra lanbanni, a sɛwaxi a fangan na, a sigama ganla yɛɛ ra yɛngɛni.

²²Gaxun bɔtɛ mi a xa, a mi kuisanna kolon, a mi xɛtɛma a xanbi ra silanfanna yɛɛ ra.

²³Xalimakuli sa seen nun tanban gbeen nun a xurin naxan xidixi a fari, ne xuiin minima a nɛma a giyɛ.

²⁴A kunfaxin tuganma, a siga. Xɔtaan na fe, a mi fa nɔɛ tiyɛ yɛngɛni.

²⁵Xɔta xuiin na mini, a gbelegbele sɛwani, a yɛngɛn xirin mɛma hali a nɛma sa wulani, e nun kuntigine gbelegbele xuiin nun yɛngɛ so xuina.”

²⁶“Sɛgɛn tuganma i ya xaxilimayaan nan xɔn ba, a yi a gabutɛne yibandun sogeteden yiifanna binni?

²⁷Singbinna tuganma i ya yamarin nan bun ba, a yi a tɛɛn sa geya matexine fari?

²⁸A yigiyaxi gɛmɛ yirene nin, a yire makantanxine nin geyane xuntagi.

²⁹A a donseen fenma mɛnna nin a nɛma dɔxi, a yi sa a to yire makuyeni.

³⁰Binbine dɛnaxan yi, a mɛnna nin, a diine baloma wunla nan na.”