Job 6

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Job loh a doo tih,

²Ka konoinah ka thuek, ka thuek vetih ka talnah he cooi dongah ka tloeng rhenten koinih.

³Tuitunli kah laivin lakah n'nan ngawn coeng. Te dongah ka ol he lawn coeng.

⁴Tlungthang thaltang dongah a sue te ka khuiah ka mueihla loh a mam. Pathen kah hihhamnah loh kai taengah rhong a pai.

⁵Kohong marhang khaw baelhing soah pang tih, vaito te a kamvuelh soah rhung bal nim?

⁶Lungkaeh om kolla ankak a caak tih aiduei dakda dongah a hlihlim om aya?

⁷Amih te ka hinglu loh ben ham a aal tih ka buh khaw kolet la om.

⁸Ka huithuinah he ulong m'paek vetih a thoeng eh? Tedae ka ngaiuepnah he Pathen long ni m'paek eh?

⁹Pathen he mulmet vetih kai he m'phop, a kut a hlam vetih kai m'mueluem mako.

¹⁰Te vaengah kai ham hloephloeinah om dae lah sue. Te vaengah bungtloh khuiah ka uem mako. Hlangcim te ka phah pawt bangla n'lungma sak pawt mako.

¹¹Ka ngaiuep ham ka thadueng khaw menim? Ka hinglu ka hlawt ham ka hmailong khaw menim?

¹²Ka thadueng he lungto thadueng nim? Ka saa he rhohumsen a?

¹³Kai ham he kamah kah bomnah om ngawn pawt tih lungming cueihnah khaw kai lamloh a heh coeng.

¹⁴Ngaidaeng loh tlungthang hinyahnah a hnoo vaengah pataeng a baerhoep taengkah sitlohnah a dang van.

¹⁵Ka manuca rhoek khaw soklong bangla la hnukpoh tih sokca soklong bangla kak.

¹⁶Amih te vueltling loh a nu sak tih vuelsong a yut pah.

¹⁷Kho a awlh vaengah a bae neh huu tih amah hmuen lamloh kak uh.

¹⁸A caehlong longpuei a hoi uh tih laipuem la a caeh dongah milh uh.

¹⁹Tema caehlong kah rhoek loh a paelki uh tih, Sheba lambong amih ham a lamtawn uh.

²⁰A pangtung uh dongah yak uh tih a taengla a pawk uh akhaw a hmai tal.

²¹A taengah a hong la na om uh van coeng dongah rhihkoi na hmuh vaengah na rhih uh.

²²“Kai taengah m'pae uh lamtah na thadueng lamloh kai hamla kapbaih pae uh.

²³Rhal kut lamloh kai n'loeih sak lamtah hlanghaeng kut lamloh kai n'lat uh,” ka ti noek a?

²⁴Kai n'thuinuet lamtah ka ngam bitni. Metla ka palang khaw kai he m'ming sak uh.

²⁵Balae tih hlang dueng ol rhap rhap a cal? Nangmih lamloh a tluung ham khaw balae a tluung?

²⁶Olthui te tluung hamla na moeh uh nama? Ol khaw khohli bangla talsae mai pawn ni.

²⁷Cadah ham aisat hmulung na naan vetih na hui hamla na tael pah nim?

²⁸Tedae mulmet uh laeh, kai taengla mael uh. Nangmih maelhmai ah ka laithae nim?

²⁹Mael uh laeh, dumlai la om uh boeh, mael uh laeh, koep mael uh laeh. Ka duengnah he a khuiah om.

³⁰Ka lai dongah dumlai om nim? Ka dang loh talnah yakming pawt maco.