1عَيُبَ نَشَ عَ يَابِ،
2«شَ ﭑ مَ تْورّ سَ مَنِيَمَ نُ، شَ عَ سَ سَمَ سِكٍيلِ مَ نُ،
3عَ بِنيّ دَنفِمَ نّ بَا مّيّنيِ رَ. نَ نَن عَ تٌشِ يُسِ يٌ مُ نَ ﭑ مَ وْيّنيِيٍ مَ.
4عَلَ سّنبّ كَنيِ شَ تَنبّ بَرَ ﭑ سْشْ، نَ شْنّ بَرَ تٍ ﭑ شَشِلِ رَ. عَلَ نَ ﭑ فٍرٍقٍ عَ حَاشِ رَ.
5حٌوفٍ قَنشِ دّننَشّ، سٌقَلٍ وَ مَ مّننِ؟ نِنفٍ وَ شُي مّيمَ عَ شَ دٌنسٍ يَ عِ؟
6بَندٍ دٌنمَ قْشّ شَنبِ؟ تْشّلّ حِنتَرٍ حْشُن؟
7ﭑ مُ نُ وَ مَ نَشَن شْن، نَ بَرَ قِندِ ﭑ بَلٌي رَ هَلِ نَ قَ كَنَشِ.
8عَلَ شَ ﭑ مَ دُبّ سُشُ ﭑ بّ، عَ شَ ﭑ وَشْنقٍ رَكَمَلِ.
9عَلَ شَ ﭑ شُن نَكَنَ، عَ شَ ﭑ قَشَ.
10نَ كُي، ﭑ مَدُندُي سْتْمَ نّ، هَلِ ﭑ تٌ يِ تْورّ بِرِن كٌلٌنشِ، ﭑ سّيوَ ﭑ تٌ مُ فبِلٍن عَلَ سّنِيّنتْي شَ يَامَرِ قْشْ رَ.
11ﭑ نَن ﭑ شَشِلِ تِمَ سّنبّ مُندُن نَ قَ؟ ﭑ مَ دِحّ مُنسٍ قَنمَ ﭑ مَ سْنْن؟
12ﭑ سّنبّ فبٌ عَلْ قَنيٍ؟ ﭑ قَتٍ شْرْشْ عَلْ وُرٍ؟
13ندٍ نْمَ ﭑ مَلِدٍ؟ سّنبّ مُندُن لُشِ ﭑ مَ؟»
14«تْورْ مِشِ هَيِ نَ عَ دُفُتّفّ شَ مَلِ مَ، هَلِ نَ مُ سَ فَاشُمَ عَلَ سّنبّ كَنيِ يَ رَ.
15ﭑ نفَشَكٍرٍنيِيٍ بَرَ ﭑ يَنقَ، عَلْ شُرٍ نَشَن شْرِ مَ.
16حّمّ تّمُي، يٍ بَنبَرَن يّ، عَ رَدُندَ،
17كْنْ سٌفٌقُرٍ رَ، يٍ بِرِن شْرِ.
18بِيَاسِلَيٍ كِرَ بَمَ عَ مَ يٍ قٍنقٍ رَ، عٍ قَ لْي فبٍنفبٍرٍن يِرٍ.
19تٍمَ بِيَاسِلَيٍ عٍ شُن تِمَ يٍ يِرٍ رَ. سٍيبَكَيٍ قَن عٍ شَشِلِ تِمَ نَ شُرٍ رَ،
20كْنْ عٍ نَ مّننِ لِ، عٍ شُرٍ شْرِشِ نَن تٌمَ. نَ كُي لِمَنِيَ بَمَ نّ عٍ يِ رَ.
21وٌ لُشِ نَ كِ نّ ﭑ بّ. وٌ بَرَ فَاشُ ﭑ مَ تْورّ يَ رَ.
22ﭑ شٌرٌ نُ، ﭑ نُ وٌ مَكُلَ نّ، وٌ شَ ﭑ شُن سَرَ وٌ شَ نَاقُلِ ندٍ رَ؟
23ﭑ وٌ مَكُلَ نّ، وٌ شَ ﭑ شُن سَرَ ﭑ يَشُي فبٍيلِ ندٍ مَ؟
24وٌ ﭑ شَرَن. وٌ ﭑ مَ تَنتَنيِ مَسٍن ﭑ بّ، عَلَكٌ ﭑ شَ ﭑ سَبَرِ.
25نْندِ تَن مُ مِشِ يٌ تْورْ مَ. كْنْ وٌ شَ مَسٍنيِيٍ تَن قَلَ شُن؟
26وٌ بَرَ كِيتِ سَ، وٌ مُ وٌ تُلِ مَتِشِ تْورْ مِشِ تَن شَ وْيّنيِ رَ.
27وٌ قَتَ كِيتِ حَاشِ سَدٍ كِرِدِيٍ مَ. وٌ مُ يَنقَنتٍيَ بَ وٌ بٌورٍ يّتّ يَتِ رَ.
28كْسِ قَ يَندِ، وٌ وٌ يَ تِ ﭑ نَ. ﭑ مُ وُلٍ قَلَمَ وٌ بّ.
29وٌ شَ كِيتِ تِنشِنشِ سَ، عَلَكٌ ﭑ شِلِ قَنيِ نَشَ كَنَ.
30وٌ قٍ قَلّ حَاشِ مّمَ ﭑ نَ؟ ﭑ مُ قَتَ قٍ قَنيِ نُن قٍ حَاشِ تَفِ رَ سَدٍ؟»
