Sumbaogha 36

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Esau si nhon Edom.

²Esauri Kanaan kelabo phende topsiog. Selekne Hetne Elon elmangkel Ada tobog, phendepne Hewinge Ana elmangkel Oholibama tobog. Ana ili Sibeon. Nen nhon ma'aro wilindipne tobogne Ismael elmangkel Nebayot ilipsa'el Basmat tobog.

⁴Adari Elifas Esau sembe mangkarogpa, Basmatti Rehuel mangkarog.

⁵Oholibamari Esau sembe mangkarognena: Yeus, Yaelam apna Korahap. Esau Kanaan wamogha el kelabori mabo lambare ane mangkahiek.

⁶Esauri ilipsae Yakub laplobiagha mog so'o nhon weag palamogti, Kanaan wamogti, saeag taoghaap, eldi kelaboap, eldi maboap, eldi kelmaboap, eldi aeag wamek nimiap, eldi phamap piek.

⁷Esauri ilipsae laploa piognena, sindinge saeagha pham maikno wamogpa, sin ilipsaeap nhon nikag wamnep kom. Ane sembe eldori ilipsae laploa piog.

⁸Ane sembe Esau, si nhon Edom, Seir yimag ko'oro piog.

⁹Piogti, Esauri nimi likto Edom nimi yina liksiogne ane.

¹⁰Esau, si nhon Edom, elmabona: Esauri kel Adari Elifas mangkaog. Esauri kel Basmatti Rehuel mangkaog.

¹¹Ada ela'ange Esau. Esauri me Elifas. Elifasti mabona: Teman, Omar, Sepho, Gaetam, apna Kenasap.

¹²Elifasti kel Timna tognoro torop keldi mena Amalek. Si lepsiap nang ini sikinisag sikinauna Esauap Adaap.

¹³Basmat ela'ange Esau. Esauri me Rehuel. Rehuelti mabona: Nahat, Serah, Siama apna Misaap. Anena Esau elkel Basmat elau yabo.

¹⁴Esauri kel Oholibama ilisag Sibeon. Sibeon elme Ana. Oholibamana Ana elmangkel agha Esauri tobog. Oholibamari Esau sembe mangkahiogne: Yeus, Yaelam apna Korahap.

¹⁵Esauri mangahirobari sikini yabo tangto piek sisana ane. Elifas Esauri me yandonge. Elifas pone sikini taog. Nimi sisa taeknena: Teman, Omar, Sefo, Kenas, Korah, Gaetam, apna Amalek nimi sisa sikini taek. Esauri kel Adari Elifas mangkaogpa, Elifasti liksiogne undo wamek.

¹⁷Rehuel ponekona, Esau elkel Basmatti mangkarogne. Nimi sisa sikini yabo taek nimina: Nahat, Serah, Siama, apna Misaap nimi sisa sikini taek. Esauri kel Basmatti Rehuel mangkaogpa, Rehueldi liksiogne undo wamek.

¹⁸Esauri kel Oholibama. Oholibama ilisag Sibeon. Oholibama ili Ana. Esauap Oholibamaapti liksirekne sindi mabo Yeus, Yaelam, apna Korah nimi sisa sikini taek.

¹⁹Si lepsiap nang ini Esauri mabo sindam nimi si ahaem uro sikini yabo tangtang piek.

²⁰Esau ko'oro Seir pioghag aneko Hori nimi wamekag piog. Horingena Seir poneko elmabo ane: Lotan, Siobal, Sibeon, Ana,

²¹Dision, Eser, apna Disianap. Edom so'oag Seir elmabo sikini yabo taek.

²²Lotan elmabona: Hori, apna Hemanap. Lotan ilipsa'elna Timna.

²³Siobal elmabona: Alwan, Manhat, Ebal, Siepho apna Onamap.

²⁴Sibeon elmabona: Aya apna Anaap. Ana poneri iliringe pham yae ua ulamsiogti, aldesag mag lu pobonge ibog.

²⁵Ana elmabona Dision apna elmangkel Oholibamaap.

²⁶Dision elmabona: Hemdan, Esiban, Yitran apna Keranap.

²⁷Eser elmabona: Bilhan, Saawan apna Akanap.

²⁸Disian elmabona: Us apna Aranap.

²⁹Ane wamlange nenena Hori nimi sikini yabo sisa taek nimi. Sikini yabo sisa taek nimi endana: Lotan nimi sikini, Siobal nimi sikini, Sibeon nimi sikini, Ana nimi sikini,

³⁰Dision nimi sikini, Eser nimi sikini, apna Disian nimi sikiniap. Hori nimi sikini yabo sisa ene Hori as mog so'o taneag likto piog.

³¹Anam Israel yubu sia lerop nang raja wamna komag, Edom samenag yubu sia lerop nang wamek nangna: Beor elme Bela yubu sia leropne Edom mog so'oag wamek nimi sembe wamog. Eldi as Dinhaba.

³³Bela tebaogpa, Serah elme Yobab as Bosrange agha Bela lunumna waelbaog.

³⁴Yobab tebaogpa, lunumna Husiam waelbaogne Teman nimi sisa agha waelbaog.

³⁵Husiam tebaogpa, Bedad elme Hadad lunumna as Awitne agha waelbaog. Hadad poneri Midian nimiap Moab asag agha mal talamekti, oro luknubahiogne.

³⁶Hadad tebaogpa, Hadad lunumna as Masrekange Samla waelbaog.

³⁷Samla tebaogpa, Samla lunumna Rehobot mag abolagne Syaul waelbaog.

³⁸Syaul tebaogpa, Syaul lunumna Akhbor elme Baal-Hanan waelbaog.

³⁹Baal-Hanan tebaogpa, Baal-Hanan lunumna Hadar waelbaog. Hadarti asna Pahu. Eldi kel sina Mhetabe'el ili Matred. Mhetabe'el ilisag Mesa'ab.

⁴⁰Edom nimi sikinisang taognena Esau. Nimi sisana: Timna, Alwi, Yetet, Oholibama, Ela, Pinon, Kenas, Teman, Mibsar, Magdiel, apna Iram nimi sisaap. Sin si lepsiap nimi sisa ene ahaem uro, as mog so'o wameka ane babe, nimi si wamla ane saog uro engero piog.