1(Esau ene e pule laka Itom.) Pe na tete mur te lohot ngaria aria nananga koi nei.
2Esau lei ke hehei nai nge Kenan pe leia Ata nenge Elon tuna. Elon lohot nga mata nenge Hitae mur. Pe leia Olipama nenge Ana tuna. Ana i Sipeon nette ia pe Sipeon lohot nga mata nenge Hiuae mur.
3Pe pule Esau leia Pasemat nenge Ismael tuna pe Pasemat liuna laka Nepaiot.
4Iok, Esau nehei Ata hoe Elipas pe Pasemat hoe Reuel,
5pe Olipama hoe Ieus pe Ialam pe Kora. Ke Esau tutuna nemur, tataria mur te hoe iri nga te tu ngaria nge Kanan.
6Iok, Esau mene nehei mur pe tutuna mur nenge tatamanna pe heheina pe hehei pe hana lochloch nenge tetu luluch nge i pe nena sipsip mur pe pulumakau mur pe nena huros mur hel pule pe nena ure lochloch ngana nenge mene iri nge Kanan pe loloun ke la tu ke kangkanga nge tina Iakop nga ich e pule.
7Esau loloun iange ich nenge iri nai tina Iakop te are ia neu, palaungana ero mana. Pe pule iri nai reria sipsip mur pe pulumakau mur halang sakilil pe muria ero.
8Ke pomalam Esau la ke tu nga kileng nenge ana sasana halang, nga kileng nenge Seir. (Esau ene e pule laka Itom).
9Iok, Itom mur reette palaungana laka Esau pe iri te are nga kileng nenge ana sasana halang, nga kileng nenge Seir. Pe nananga nenga te lohot ngaria ngana koi nei.
10Esau tutuna nemur nenge tatamanna eria mur koi nei: Esau nehei nenge ene Ata tuna laka Elipas pe nehei nenge ene Pasemat tuna laka Reuel.
11Pe Elipas tutuna nemur nenge tatamanna eria mur koi nei: Teman pe Omar pe Sepo pe Katam pe Kanas.
12Pe Esau tuna Elipas, nehei e pule ene laka Timna. Ana hei hoe tuna e nge ene Amalek. Ke Esau nehei nenge ene Ata, nena tete mur koi nei.
13Iok, Reuel tutuna nemur nenge tatamanna eria mur koi nei: Nahat pe Sera pe Sama pe Misa. Ke Esau nehei nenge ene Pasemat nena tete mur ia iri.
14Pe Esau nehei nenge ene Olipama tana laka Ana pe nette laka Sipeon. Ana hei tutuna mur laka: Ieus pe Ialam pe Kora.
15Iok, Esau nena tete mur hel te lohot ke iri hana papalauna mur ia iri: Ke Esau tuna tengene ana i tamane pe ene Elipas. Anon tutuna mur laka: Teman pe Omar pe Sepo pe Kanas
16pe Kora pe Katam pe Amalek. Hana papalauna nemur te lohot nge Elipas pe te nauelele reria hana mur nga tuele kina nenge Itom. Pe Esau nehei nge ene Ata nena tete mur ia iri.
17Pe nga hoena Esau tuna tamane ngana nenge ene Reuel tutuna nemur nenge tatamanna te lohot ke iri hana papalunga. Ke eria mur koi nei: Nahat pe Sera pe Sama pe Misa. Hana papalauna nemur te lohot nge Reuel pe te nauelele reria hana mur nga tuele kina nenge Itom. Pe Esau nehei nenge ene Pasemat nena tete mur ia iri.
18Pe Esau nehei nenge ene Olipama tutuna nemur nenge tatamanna te lohot ke iri hana papalauna mur ai iri pule. Pe eria mur koi nei: Ieus pe Ialam pe Kora. Hana papalauna nemur, Esau nehei nenge ene Olipama nena tete mur ia iri. Pe ana hei tana laka Ana.
19Ke mata nemur nge Itom aria papalauna mur koi nei pe iri te lohot nge Esau (nenge ene e pule Itom).
20Iok non nenge ene Seir nena nge Hor pe Hor mur tetu tala ia kileng palaungana nenge Itom. Pe Seir tutuna nemur nenge tatamanna eria mur koi nei: Lotan pe Sopal pe Sipeon pe Anah,
21pe Tison pe Esa pe Tishan. Ke hana nemur Seir tutuna mur nenge tatamanna pe iri hana papalauna ke te nauele reria hana pe hehei mur nenge Hor. Pe iri laka nenge tetu tala nga ich palaungana nenge Itom.
22Pe Lotan tutuna nemur nenge tatamanna eria mur koi nei: Hori pe Homam. Pe Lotan liuna laka he Timna.
23Pe Sopal tutuna nemur nenge tatamanna eria mur koi nei: Aluan pe Manahat pe Epal pe Sepo pe Onam.
24Pe Sipeon tutuna nemur nenge tatamanna eria mur koi nei: Aiah pe Anah. Pe Anah i non nenge hottaua ech milanglang ngana pach haka ngana mur nga ich sana lomona, nga etue nenge nauelele temene ne Sipeon nena tongki mur.
25Pe Anah tutuna mur laka: Tison pe tuna hei ngana nenge ene Olipama.
26Pe Tison tutuna nemur nenge tatamanna eria mur koi nei: Hemtan pe Espan pe Itran pe Keran.
27Pe Eser tutuna nemur nenge tatamanna eria mur koi nei: Pilan pe Sauan pe Akan.
28Pe Tisan tutuna nemur nenge tatamanna eria mur koi nei: Us pe Aran.
29Hana papalauna nenge te nauele reria hana pe hehei nge Hor, eria mur koi nei: Lotan pe Sopal pe Sipeon pe Anah
30pe Tison pe Eser pe Tisan. Hana nemur te mes haka ke te nauele mata elle pe elle nge hana pe hehei nenge Hor, nga kileng palaungana nenge Seir.
31Nga etue nenge naunga-ala ana non e mes haka ke nauele kileng nenge Israel ero kura, naunga-ala ana hana nemur te nauele hehei pe hana nga ich nenge Itom:
32Ke Pela nenge Beor tuna lohot ke i naunga-ala ana non nenge nauele kileng nenge Itom. Pe nena kileng ene laka Tinapa.
33Pe nga etue nenge Pela mete, Iopap nenge Serah tuna nga kileng nenge Posra, mene munna ke i naunga-ala ana non.
34Pe nga etue nenge Iopap mete, Husam nenga ich nenge Teman mene munna ke i naunga-ala ana non.
35Pe nga etue nenge Husham mete, Atat nenge Petat tuna mene munna ke i naunga-ala ana non. Pe Atat nena nge Auit. Ana non iri ul Mitian mur te palhel pe hekou sue iri nga tuele kina palaungana nenge Moap.
36Pe nga etue nenge Atat mete, Samla nenge nena nge Masreka, mene munna ke i naunga-ala ana non.
37Pe nga etue nenge Samla mete, Saul nenge nena nge Reopot mene munna ke i naunga-ala ana non. Kileng Reopot tu rochroi nga ech tana palaungana nenge Uprates.
38Pe nga etue nenge Saul mete, Pal-Hanan nenge Akpor tuna mene munna ke i naunga-ala ana non.
39Pe nga etue nenge Pal-Hanan nenge Akpor tuna mete, Atar nenge nena nge Pau mene munna ke i naunga-ala ana non. Pe nehei ene laka Mehetapel. Mehetapel i he Matret tuna hei ngana ia pe he Matret i he Mesahap tuna hei ngana ia.
40Iok, hana papalauna nemur te lohot nge Esau pe te mes ke te nauele aria mata mur nga iri siporia reria ich mur. Hana nemur eria mur koi nei: Timna pe Alua pe Ietet
41pe Olipama pe Ela pe Pinon
42pe Kenas pe Teman pe Mipsar
43pe Maktiel pe Iram. Hana papalauna nemur te nauele aria mata mur nga iri siporia reria ich mur pe reria kileng mur nga kileng nenge Itom. Ke Itom mur re-ette palaungana laka Esau pe aria nananga koi nei.
