SUENCUEK 36

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Tahae kah he Esau Edom te kah rhuirhong rhoek ni.

²Esau loh Kanaan nu khuikah, Khitti Elon canu Adah neh Khivee hoel Zibeon kah a ca Anah canu Oholibamah,

³Ishmael nu Basemath, Nebaioth ngannu te a yuu la a loh.

⁴Te vaengah Esau ham Adah loh Eliphaz a sak pah tih Basemath loh Reuel te a sak.

⁵Oholibamah long khaw Jeush, Jalam, neh Korah te a sak. Amih he tah Kanaan kho ah a cun Esau ca rhoek ni.

⁶Te phoeiah Esau loh a yuu rhoek khaw, a ca tongpa rhoek khaw, a ca huta rhoek khaw, a im kah hinglu boeih neh boiva khaw, rhamsa boeih khaw, Kanaan kho ah a dang hnopai boeih khaw a khuen tih a mana Jakob mikhmuh lamloh kho tloe la cet.

⁷Amih kah khuehtawn aka om te a yet hang atah tun khosak ham khaw, a lampahnah khohmuen loh amih kah boiva hman ah amih te khuut ham a noeng moenih.

⁸Te dongah Esau loh Seir tlang ah kho a sak. Esau te tah Edom ni.

⁹Tahae kah rhoek he Seir tlang kah Edom napa Esau kah rhuirhong rhoek ni.

¹⁰Esau ca rhoek kah a ming he, a yuu Adah capa te Eliphaz, a yuu Basemath capa te Reuel tih,

¹¹Eliphaz ca rhoek la Teman, Omar, Zepho, Gatam neh Kenaz tila om uh.

¹²Timna khaw Esau capa Eliphaz kah a yula la om tih Eliphaz ham Amalek a sak pah. Amih te Esau yuu Adah koca rhoek ni.

¹³Te phoeiah Reuel ca rhoek he Nahath, Zerah, Shammah, Mizzah om tih, amih he Esau yuu Basemath ko la om uh.

¹⁴Esau yuu, Zibeon nu Anah canu Oholibamah ca rhoek he khaw om uh tih, Esau ham Jeush, Jalam, Korah a sak pah.

¹⁵Esau cadil khuikah khoboei rhoek he tah, Esau caming Eliphaz koca ah khoboei Teman, khoboei Omar, khoboei Zepho, khoboei Kenaz,

¹⁶khoboei Korah, khoboei Gatam, khoboei Amalek om tih amih te tah Edom kho kah Eliphaz khoboei, Adah ko rhoek ni.

¹⁷Esau capa Reuel koca rhoek he khaw, khoboei Nahath, khoboei Zerah, khoboei Shammah, khoboei Mizzah om tih amih he Edom kho kah Esau yuu Basemath ko Reuel khoboei rhoek ni.

¹⁸Esau yuu Oholibamah kah ca rhoek khaw khoboei Jeush, khoboei Jalam, khoboei Korah om tih amih he Esau yuu, Anah nu, Oholibamah ko kah khoboei rhoek ni.

¹⁹He rhoek he tah Esau Edom ca rhoek neh amamih kah khoboei rhoek ni.

²⁰Hekah rhoek he tah Lotan, Shobal, Zibeon, Anah,

²¹Dishon, Ezer, Dishan paengpang kah kho aka sa Khori hoel Seir ca rhoek tih Edom kho kah Seir koca, Khori khoboei rhoek ni.

²²Lotan ca rhoi khaw Khori neh Hemam om tih Timna he Lotan ngannu ni.

²³Shobal ca rhoek he khaw Alvan, Manahath, Ebal, Shepho, Onam om.

²⁴Zibeon ca rhoek khaw Aiah neh Anah om tih Anah loh he a napa Zibeon kah laak a luem vaengah khosoek ah tuibae sih a hmuh.

²⁵Anah ca rhoek khaw Dishon neh Anah canu Oholibamah te om.

²⁶Te phoeiah Dishon koca rhoek he Hemdan, Eshban, Ithran neh Keran om.

²⁷Ezer koca rhoek he Bilhan, Zaavan neh Akan om.

²⁸Dishan koca he Uz neh Aran.

²⁹Khori khoboei rhoek la khoboei Lotan, khoboei Shobal, khoboei Zibeon, khoboei Anah.

³⁰khoboei Dishon, khoboei Ezer, khoboei Dishan om tih amih he tah Seir kho ah khoboei la aka om Khori khoboei rhoek ni.

³¹Tedae phoeiah Israel ca khuikah manghai la pakhat khaw a manghai uh hlanah Edom kho ah manghai la aka ngol manghai rhoek te tah Esau ko rhoek ni.

³²Beor capa Bela loh Edom ah a manghai vaengkah a khopuei ming te tah Dinnabah ni.

³³Bela a duek phoeiah anih hnukthoi la Bozrah kah Zerah capa Jobab te pahoi manghai van.

³⁴Jobab a duek phoeiah a yuengla Temani kho kah Husham te manghai la om.

³⁵Husham a duek phoeiah anih yuengla Moab kho kah Midian aka tloek Bedad capa Hadad te manghai la om. Te vaengkah a khopuei ming te Avith ni.

³⁶Hadad a duek phoeiah anih yuengla Masrekah lamkah Samlah te manghai la om.

³⁷Samlah a duek phoeiah anih yuengla tuiva kaeng, Rehoboth lamkah Saul loh manghai a bi.

³⁸Saul a duek phoeiah anih yuengla Akbor capa Baalhanan loh manghai a bi.

³⁹Akbor capa Baalhanan a duek phoeiah anih yuengla Hadad te manghai. Te vaengkah a khopuei ming te Pau ni. Te phoeiah a yuu ming te tah Mehetebel, Mezahab nu Matred canu ni.

⁴⁰Te phoeiah amah hmuen ah amah huiko, amah ming neh aka boei Esau ko kah khoboei rhoek ming te tah, khoboei Timna, khoboei Alva, khoboei Jetheth,

⁴¹khoboei Oholibamah, khoboei Elah, khoboei Pinon,

⁴²khoboei Kenaz, khoboei Teman, khoboei Mibzar,

⁴³khoboei Magdiel, khoboei Iram om. Amih he amamih kah a khohut khohmuen kah a tolrhum ah aka boei Edom khoboei rhoek ni. Esau he Edom kah a napa ni.