Njàlbéen ga 36

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Askanu Esawu, mi ñuy wax Edom, mooy lii.

²Esawu jël na janqi Kanaaneen jabar. Ñooñoo di: Ada doomu Elon, Etteen ba, ak Olibama doomu Ana, miy doomu Sibeyon, Eween ba,

³ak Basmat doomu Ismayla, di jigéenub Nebayot.

⁴Ada am ak Esawu Elifas; Basmat am ca Rewel.

⁵Olibama am ca Yewus, Yalam ak Kora. Ñooñu ñooy doomi Esawu, te mu am leen ca réewu Kanaan.

⁶Ba loolu amee Esawu ànd aki soxnaam, aki doomam yu góor ak yu jigéen, ak waa këram ñépp, jiital géttam ak juram gépp, yóbbaale mboolem alal ju mu amoon ca réewu Kanaan, daldi sanci meneen réew ngir sore rakkam Yanqóoba.

⁷Li ko waral mooy, seen alal dafa bare woon lool, ba manuñoo dëkk ñoom ñaar, te réew, mi ñu daloon, àttanu leen ndax seen gétt yu bare.

⁸Esawu nag dëkk ca tundu Seyir: Esawu moomu mooy Edom.

⁹Askanu Esawu, di maami Edomeen ña ca tundi Seyir, mooy lii.

¹⁰Doomi Esawu yu góor ñooy: Elifas, mi mu am ak soxnaam Ada ak Rewel, mi mu am ak Basmat.

¹¹Doomi Elifas yu góor yi di: Teman ak Omar ak Sefo ak Gatam ak Kenas.

¹²Timna it nekkaaleb Elifas. Mu am caak moom Amaleg. Ñooñoo xeetoo ci Ada, soxnas Esawu.

¹³Doomi Rewel yu góor yi ñoo di: Naxat ak Sera ak Saama ak Misa. Ñooñoo xeetoo ca Basmat, soxnas Esawu.

¹⁴Soxnas Esawu, si ñu naa Olibama, tey doomu Ana miy doomu Sibeyon, moo am ak Esawu doom yu góor yii: Yewus, Yalam ak Kora.

¹⁵Làngi doomi Esawu yu góor nag, ñooy ñii. Ñi askanoo ci Elifas taawub Esawu, ñuy Teman ak Omar ak Sefo ak Kenas

¹⁶ak Kora ak Gatam ak Amaleg, ku ci nekk ak làngam. Làngi Elifas, ya ca réewum Edom a ngi noonu; ñooy sëti Ada.

¹⁷Ñi askanoo ci Rewel doomu Esawu, ñooy Naxat ak Sera ak Saama ak Misa, ku ci nekk ak làngam. Làngi Rewel, ya ca réewum Edom a ngi noonu; ñooy sëti Basmat, soxnas Esawu.

¹⁸Ñi xeetoo ci Olibama soxnas Esawu, ñooy Yewus, Yalam ak Kora, ku ci nekk ak làngam. Ñooñooy làngi Olibama, soxnas Esawu siy doomu Ana.

¹⁹Ñooñooy doomi Esawu, mi ñuy wax Edom, ñooñooy doomam yu góor, ñook seeni làng.

²⁰Doomi Seyir, ya bokk ca waa Or te sancoon ca réew ma, ñooy Lotan ak Sobal ak Sibeyon ak Ana

²¹ak Dison ak Eser ak Disan. Ñooñooy làngi waa Or, di sëti Seyir ya ca réewum Edom.

²²Doomi Lotan yu góor ya nag ñooy Ori ak Emam. Jigéenub Lotan di Timna.

²³Doomi Sobal yu góor ya di Alwan ak Manaat ak Ebal ak Sefo ak Onam.

²⁴Doomi Sibeyon yu góor di Aya ak Ana. Te Ana moomu moo feeñal bëti ndox yu tàng ya ca màndiŋ ma, ba muy sàmm mbaami baayam Sibeyon.

²⁵Doomi Ana ñooy Dison ak Olibama, doomam ju jigéen.

²⁶Doomi Dison di Emdan ak Esban ak Yitran ak Keran.

²⁷Doomi Eser di Bilan, Saawan ak Akan.

²⁸Doomi Disan di Uus ak Aran.

²⁹Làngi waa Or ñooy ñi askanoo ci Lotan ak Sobal ak Sibeyon ak Ana

³⁰ak Dison ak Eser ak Disan, ku ci nekk ak làngam. Ñooñooy làngi waa Or, na ñu xàjjalikoo kenn-kenn ca réewu Seyir.

³¹Buur, yi falu ca réewum Edom, lu jiitu kenn ci waa Israyil di fa falu, ñooy ñii.

³²Bela doomu Beyor falu na ca Edom. Dinaba moo doon péeyam.

³³Ba Bela faatoo, Yobab doomu Sera, ma dëkk Boccra, wuutu ko.

³⁴Ba Yobab faatoo, Usam mu diiwaanu waa Teman wuutu ko.

³⁵Ba Usam faatoo, Adàdd, ma dàqoon waa Majan ca réewu Mowab, tey doomu Bedàdd, moo falu, wuutu ko. Awit a doon péeyam.

³⁶Ba Adàdd faatoo, Samla, ma dëkk Masreka, falu, wuutu ko.

³⁷Ba Samla faatoo, Sawul ma woon ca Reyobot Efraat, falu, wuutu ko.

³⁸Ba Sawul faatoo, Baal Anan doomu Agbor falu, wuutu ko.

³⁹Ba Baal Anan doomu Agbor faatoo, Adar falu, wuutu ko. Pawu moo doon péeyam, soxnaam di Metabeel, mi Mataredd doomu Me Saab di yaayam.

⁴⁰Làng yi sosoo ci Esawu nag, làng gu ci nekk ak turam ak njaboot, ya mu ëmb, ak gox, ba mu dëkke, ñoo di ñii: ñi askanoo ci Timna ak Alwa ak Yetet

⁴¹ak Olibama ak Ela ak Pinon

⁴²ak Kenas ak Teman ak Mibsar

⁴³ak Magdiyel ak Iram, ku ci nekk ak làngam. Ñooñu ñooy làngi Edom, ma ñu naa Esawu, moom ma giir Edomeen ñi, làng gu ci nekk ak gox, ba nga dëkke te moom ko.