Génesis 36

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Esaú, Edomʼye nugbalid. Esaú e-anagan nikusad.

²Esaú Canaán-yargined-omegan-nikusadi, wemalad: Gebesailagine, Ada-nikusad. Adaʼde Elón-e-sisgwad, Het-duled. Esaú, Aholibama-nikusbalid. Aholibamaʼde Aná-e-sisgwad, Zibeón-e-wagwad. Zibeónʼde Heveo-duled.

³Degine, Esaú, Basemat-nikusbalid. Basematʼde Ismael-e-sisgwad, Nebaiot-e-bunad.

⁴Esaú Canaán-yargi-maigu, machimala-nikusadi, wemalad: Adaʼbo baksadid, Elifaz. Basematʼbo baksadid, Reuel,

⁵Aholibamaʼbo baksadid Jeús, Jaalam, degi, Coré.

⁶Esaú, e-omemar, e-masmala, e-bunamala, degi, bela eba-gudidimalad yar-baidse sesa gusad. Deyob, e-urba-Jacob-idu bangud gusad. Bela e-ibmar-durgan, degi, bela e-ibmar-Canaán-yargi-nikusad sesa gusad.

⁷Ar Esaú, Jacob-ebo bela ibmar-durgan-ichesur-nikamarsoggu, geg ebo walikaa-gudii gumalad. Ar e-mamaidgine, ibmar-durgan mas-mamalaga napa unniguarsulid.

⁸A-ulale, Esaú Seir-yalaganba megnad gusad. Esaúʼde, Edomʼye nugbalid.

⁹Edom-dulemar-e-dadgan Seir-yalaganba bukwagusmalad. Wemala, Esaú-wagan gumalad.

¹⁰Esaú-e-masmala weyob nugmalad: Ada-e-machi-Elifaz.

¹¹Wemardi, Elifaz-e-masmala gumarmogad: Temán, Omar, Zefo, Gatam, degi, Cenaz.

¹²Esaú-machi-Elifaz, ome-dikarbalid nikagusad, Timnaʼye nugad. Elifaz Timnaʼbo machi-nikusad, Amalecʼye nugad. Wemar, Ada-e-wagan-gumalad.

¹³Reuel-e-masmaladi, wemalad: Nahat, Zera, Sama, degi, Miza. Wemar, Esaú-ome-Basemat-e-wagan-gumalad.

¹⁴Aholibama, Esaú-ome-baid gubalid. Aholibamaʼde Aná-e-sisgwad, Zibeón-e-wagwad. A-ome Esaúʼbo masmala-baksadi, wemalad: Jeús, Jaalam, degi, Coré.

¹⁵Esaú-e-wagan dule-idumaladga-gusmaladi, wemalad: Esaú-machi-gebesailagined, Elifaz. Elifaz-e-masmala dule-idumaladga-gusmarmogadi, wemalad: Temán, Omar, Zefo, Cenaz,

¹⁶Coré, Gatam, degi, Amalec. Wemar, Elifaz-e-masmala, Edom-yalagangi dule-idumaladga gusmalad. Bela wemar. Esaú-e-ome-Ada-wagan gumalad.

¹⁷Esaú-machi-Reuel-e-masmala, dule-idumaladga-gusmarmogadi, wemalad: Nahat, Zera, Sama, degi, Miza. Wemar, Reuelʼsik, Edom-yalagangi dule-idumaladga gusmarmogad. Wemala, Basemat-wagan gumalad. Basematʼde Esaú-e-ome-baid gued.

¹⁸Esaú-ome-Aholibamaʼdi Aná-sisgwad. Aholibama-e-masmala dule-idumaladga-gusmaladi, wemalad: Jeús, Jaalam, degi, Coré.

¹⁹Bela wemala, Esaú-e-wagan gumalad. Esaúʼde, Edomʼye nugbalid. Bela wemala, e-dulemar-idumaladga gusmalad.

²⁰Seir-e-masmala amba Edom-yalagi bukwa gusmarmogad. Seirʼde, Horí-duled. Seir-e-masmaladi, wemalad: Lotán, Sobal, Zibeón, Aná,

²¹Disón, Ezer, degi, Disán. Wemala, Seir-e-wagan, Edom-yalaganba Horí-dulemar-e-idumaladga gusmalad.

²²Lotán-e-masmala, wemalad: Hori, Hemam. Lotán-e-bundi, Timnaʼye nugad.

²³Sobal-e-masmaladi, wemalad: Alván, Manahat, Ebal, Sefo, degi, Onam.

²⁴Zibeón-e-masmaladi, wemalad: Aja, degi, Aná. We-Aná e-bab-Zibeónʼga nega-dulesulidganba moli-uayasuid-edarbedigu, dian-diopisulid amisad.

²⁵Aná mimmigan-warbo-nikusadi, wemalad: Machigwa nugad, Disón. Bunagwa nugad, Aholibama.

²⁶Disón-e-masmaladi, wemalad: Hemdán, Esbán, Itrán, degi, Querán.

²⁷Ezer-e-masmaladi, wemalad: Bilhán, Zaaván, degi, Acán.

²⁸Disán-e-masmaladi, wemalad: Uz, degi, Arán.

²⁹Horí-dulemar-e-dummaganga gusmaladi, wemalad: Lotán, Sobal, Zibeón, Aná,

³⁰Disón, Ezer, degi, Disán. Wemala, Seir-yalaganba Horí-dulemar-idumaladga e-gwenadgan-e-gwenadganba gusmalad.

³¹Israel-dulemar amba yoo rey-nikumargu, deun we-reymar Edom-yargi negsemai gusmalad.

³²Beor-machi-Belaʼye-nugadi, Edom-yargi reyga megisad. E-neggweburga-gusadi, Dinabaʼye nugad.

³³Rey-Bela burgwisgua, a-sorba, Jobab negdaknonikid. Jobabʼde, Zera-e-machid, Bosra-neggweburginedid.

³⁴Jobab burgwisgua, a-sorba, Husam negdaknonikid, Husamʼde, Temán-yalaginedid.

³⁵Husam burgwisgua, a-sorba, Hadad negdaknonimogad. Hadadʼde, Bedad-e-machid. Hadad, Moab-yargi Madián-dulemargi nakwisad. Hadad-e-neggweburga-gusadi, Avitʼye nugad.

³⁶Hadad burgwisgua, a-sorba, Samla negdaknonikid. Samlaʼde, Masreca-neggweburginedid.

³⁷Samla burgwisgua, a-sorba, Saúl negdaknonikid. Saúlʼde, Rehobotʼginedid. Rehobot-neggweburde, Éufrates-diwar-gakaba siid.

³⁸Saúl burgwisgua, a-sorba, Baal-Hanán negdaknonikid. Baal-Hanánʼde, Acbor-e-machid.

³⁹Acbor-machi-Baal-Hanán burgwisgua, a-sorba, Hadar negdaknonikid. Hadar-e-omedi, Mehetabelʼye nugad. Mehetabelʼde, Matred-e-sisgwad, Mezaab-e-wagwad. Hadar-e-neggweburga-gusadi, Pauʼye nugad.

⁴⁰We-dulemar, Esaú-e-wagan-dummaganga gumalad. E-gwenadganmarba ilemakar danikid, e-yarmarba ilemakar danikid, degi, e-negmar-megismaladba ilemakar danikid. We, e-nugmalad: Timna, Alva, Jetet,

⁴¹Aholibama, Ela, Pinón,

⁴²Cenaz, Temán, Mibzar,

⁴³Magdiel, degi, Iram. Wemala e-yargi bia-megismaladgi, Edom-dulemar-idumaladga gusmalad. Esaúʼdi, Edom-dulemar-e-dad-sailad. Esaúʼde, Edomʼye nugbalid.