1Ma go ra vuna tarai kai Esau, nina di ga vatang ia bula ba Edom:
2Esau dia ga taulai ma ra umana vavina ta ra vaden Kanaan: Ada natu i Elon ra te Ket, ma Olibama natu i Ana natu i Sibeon ra te Kivi,
3ma Basemat natu i Ismael, dir taina ma Nebaiot.
4Ma Ada i ga kava tar Elipas tai Esau, ma Basemat i ga kava Reuel;
5ma Olibama i ga kava Ieus, ma Ialam, ma Kora; go diat ra umana natu i Esau, di ga kava diat ta ra gunan Kanaan.
6Ma Esau diat ma kana umana vavina, ma ra umana natuna, a umana tutana ma ra umana vavina, ma diat par ta ra kubana, ma kana lavur vavaguai, ma kana lavur tabarikik, nina i ga vung guve ta ra gunan Kanaan, dia ga vana ta ra enana gunan, upi dir a ki varbaiai ma turana Iakob.
7Tago kadir lavur vavaguai i ga manga ngala, ma i ga dekdek upi dir a ki varurung mulai; ma pa i ga tale mule nam ra gunan dir ga ki na vaira tana, tago i ga mangoro kadir vavaguai.
8Ma Esau i ga ki ta ra lualuana Seir; Esau ia nam Edom.
9Ma go diat a lavur vuna tarai kai Esau, tama i ra tarai Edom, ta ra lualuana Seir.
10Go ra iang i diat ra umana natu i Esau: Elipas, natu i Ada a taulai kai Esau; Reuel, natu i Basemat a taulai kai Esau.
11Ma ra umana natu i Elipas go: Teman, Omar, Sepo, Gatam ma Kenas.
12Ma Timna, tika na vavina kai Elipas natu i Esau; ma i ga kava Amalek tai Elipas; go diat ra umana natu i Ada, a taulai kai Esau.
13Ma go diat a umana natu i Reuel: Nakat, Sera, Sama ma Misa; go ra umana natu i Basemat, a vavina kai Esau.
14Ma go diat a umana natu i Olibama natu i Ana natu i Sibeon, a taulai kai Esau, i ga kava tar diat tai Esau: Ieus, ma Ialam ma Kora.
15Go diat ra umana luluai ta ra umana natu i Elipas nina ra luaina bul kai Esau: a luluai Teman, a luluai Omar, a luluai Sepo, a luluai Kenas,
16a luluai Kora, a luluai Gatam, a luluai Amalek; go diat ra umana luluai dia vana rikai tai Elipas ta ra gunan Edom; go diat ra umana natu i Ada.
17Ma go diat ra umana natu i Reuel natu i Esau: a luluai Nakat, a luluai Sera, a luluai Sama, a luluai Misa; go diat ra umana luluai dia ga vana rikai tai Reuel ta ra gunan Edom; go diat ra umana natu i Basemat a vavina kai Esau.
18Ma go diat ra umana natu i Olibama, a taulai kai Esau: a luluai Ieus, a luluai Ialam, a luluai Kora; go diat ra umana luluai dia ga vana rikai tai Olibama natu i Ana, a taulai kai Esau.
19Go ra lavur natu i Esau nina ba Edom, ma kadia lavur luluai.
20Go diat ra umana natu i Seir, a te Kori, a tarai ta nam ra gunan: Lotan, ma Sobal, ma Sibeon, ma Ana,
21ma Dison, ma Eser, ma Disan; go diat ra umana luluai dia ga vana rikai tai ra umana te Kori, a umana natu i Seir, ta ra gunan Edom.
22Ma ra umana natu i Lotan: Kori ma Keman; ma Lotan dir taina ma Timna.
23Ma go ra umana natu i Sobal: Alvan, ma Manakat, ma Ebal, Sepo ma Onam.
24Ma go ra ura natu i Sibeon: Aia ma Ana; nina ra Ana ba i ga tadav ra mata na tava i malamalapang ara ra pupui, ba i ga tabatabar ra umana as kai tamana Sibeon.
25Ma go ra ura natu i Ana: Dison ma Olibama, natu i Ana.
26Ma go ra umana natu i Dison: Kemdan, ma Esban, ma Itran, ma Keran.
27Ma go ra utul a natu i Eser: Bilan, ma Savan, ma Akan.
28Go ra ura natu i Disan: Us ma Aran.
29Go ra umana luluai kai ra umana te Kori: a luluai Lotan, a luluai Sobal, a luluai Sibeon, a luluai Ana,
30a luluai Dison, a luluai Eser, a luluai Disan; go diat ra umana luluai kai ra umana Kori, varogop ma kadia kini ta ra gunan Seir.
31Ma go diat a umana king nina dia ga varkurai ta ra gunan Edom, ma pata boko ra king i ga kure ra tarai Israel:
32Bela natu i Beor i ga varkurai aro Edom; ma ra iang i kana pia na pal Dinaba.
33Ma Bela i ga mat, ma Iobab natu i Sera maro Bosra i ga kia vue.
34Ma Iobab i ga mat, ma Kusam maro ra gunan kai ra tarai Teman i ga kia vue.
35Ma Kusam i ga mat, ma Kadad natu i Bedad i ga kia vue, nina i ga kita Midian ta ra gunan kai Moab; a iang i kana pia na pal ba Avit.
36Ma Kadad i ga mat, ma Samla maro Masreka i ga kia vue.
37Ma Samla i ga mat, ma Saul maro Rekobot pire ra tava alir i ga kia vue.
38Ma Saul i ga mat, ma Baal-Kanan natu i Akbor i ga kia vue.
39Ma Baal-Kanan natu i Akbor i ga mat, ma Kadar i ga kia vue; ma ra iang i kana pia na pal Pau; ma ra iang i kana taulai Metabel natu i Matred natu i Mesakab.
40Ma go ra iang i ra umana luluai tai Esau, kadia vuna tarai, ma kadia gunan, ma ra iang i diat: a luluai Timna, a luluai Alva, a luluai Ietet;
41a luluai Olibama, a luluai Ela, a luluai Pinon;
42a luluai Kenas, a luluai Teman, a luluai Mibsar;
43a luluai Magdiel, a luluai Iram; go ra umana luluai Edom, da kadia kiki ta ra gunan kadiat. Ma go Esau tama i ra tarai Edom.
