1Isau kũ òdi pinɛ dↄ Ɛdↄmu burinↄ yãn dí.
2Isau Kanaa nↄgbɛ̃nↄ sɛ̀, Iti buri Ɛlↄni nɛ́ Ada kũ Ivi buri Ana nɛ́ Ɔↄlibama, Zibɛↄ̃ daikoreo.
3À Sumaila nɛ́ Basɛma, Nɛbayo dãre sɛ̀ dↄ.
4Ada Ɛlifaza ì kãao, akũ Basɛma Ruɛli ì.
5Ɔↄlibama Yeusu kũ Yalamuo kũ Koraoo ì. Isau nɛ́gↄ̃gbɛ̃ kũ ò ń í Kanaanↄ bùsunnↄn gwe.
6Isau a nↄnↄ sɛ̀tɛ kũ a nɛ́gↄ̃gbɛ̃nↄ kũ a nɛ́nↄgbɛ̃nↄ kũ a bedenↄ ń pínki kũ a pↄ́kãdenↄ kũ a aruzɛkɛ kũ à lè Kanaanↄ bùsunnↄ pínki, akũ à gɛ̀ɛ Sei bùsun, à zã̀ kũ a dakũna Yakubuo,
7zaakũ ń aruzɛkɛ zↄ̃kↄ̃ mɛ́ à tò oni fↄ̃ ògↄ̃ kú kũ kↄ̃oro. Bùsu kũ ò kun dí mↄ́ḿmaro kũ ń pↄ́nↄn dasi yãi.
8Isau vùtɛ Sei gusĩsĩden kũ òdi pi tera Ɛdↄmu.
9Isau kũ à de Ɛdↄmunↄ dizi káaku ũ burinↄn dí.
10Isau nɛ́gↄ̃gbɛ̃nↄ tↄ́n dí: Ada nɛ́ Ɛlifaza kũ Basɛma nɛ́ Ruɛlio.
11Ɛlifaza nɛ́gↄ̃gbɛ̃nↄn Temana, Omaa, Zefo, Gatamu kũ Kenazio ũ.
12Ɛlifaza nↄ yìgisaridemɛ Timina ũ. Àkũ mɛ́ à Amalɛki ì kãao. Isau nↄ Ada daikorenↄn gwe.
13Ruɛli nɛ́gↄ̃gbɛ̃nↄn dí: Naata, Zɛra, Sama kũ Mizao. Isau nↄ Basɛma daikorenↄn gwe.
14Isau nↄ Ɔↄlibama nɛ́gↄ̃gbɛ̃nↄn dí: Yeusu, Yalamu kũ Korao.
15Isau buri kínanↄn dí. Isau daudu Ɛlifaza buri kínanↄn Temana, Omaa, Zefo, Kenazi,
16Kora, Gatamu kũ Amalɛkio ũ. Ɛlifaza buri kínanↄ, Ada daikorenↄn gwe. Ò kú Ɛdↄmu bùsun.
17Isau nɛ́ Ruɛli buri kínanↄn dí: Naata, Zɛra, Sama kũ Mizao. Ruɛli buri kínanↄ, Basɛma daikorenↄn gwe. Ò kú Ɛdↄmu bùsun.
18Isau nↄ Ɔↄlibama buri kínanↄn dí: Yeusu, Yalamu kũ Korao. Ana nɛ́ Ɔↄlibama daikorenↄn gwe.
19Isau kũ òdi pinɛ dↄ Ɛdↄmu nɛ́gↄ̃gbɛ̃nↄn gwe, a buri kínanↄn gwe.
20Sei, Ori buri kũ à kú Ɛdↄmu bùsun zaa káaku nɛ́gↄ̃gbɛ̃nↄn dí: Lotana, Sobala, Zibɛↄ̃, Ana,
21Disↄ̃, Ɛza kũ Disão.
22Lotana nɛ́gↄ̃gbɛ̃nↄn dí: Ori kũ Omamuo. Lotana dãren Timina ũ.
23Sobala nɛ́gↄ̃gbɛ̃nↄn dí: Alavã, Manaa, Ebala, Sefo kũ Onamuo.
24Zibɛↄ̃ nɛ́gↄ̃gbɛ̃nↄn dí: Aya kũ Anao. Ana pì mɛ́ à bò ísɛ̃boki wãnaa zaa gbárannan gↄrↄ kũ àtɛni a de zaakinↄ dã.
25Ana nɛ́gↄ̃gbɛ̃n Disↄ̃ ũ, a nɛ́nↄgbɛ̃ sↄ̃ Ɔↄlibama.
26Disↄ̃ nɛ́gↄ̃gbɛ̃nↄn dí: Ɛmɛdã, Ɛsɛbã, Itirana kũ Keranao.
27Ɛza nɛ́gↄ̃gbɛ̃nↄn dí: Bilana, Zavã kũ Akanao.
28Disã nɛ́gↄ̃gbɛ̃nↄn dí: Uzu kũ Aranao.
29Ori buri kínanↄn dí: Lotana, Sobala, Zibɛↄ̃, Ana,
30Disↄ̃, Ɛza kũ Disão. Ori buri kínanↄ kũ ń buri kũ ò kú Sei bùsunnↄn gwe.
31Kína kũ ò kí blè Ɛdↄmu bùsun Isarailanↄ kínanↄ ãnↄn dí.
32Bɛↄ nɛ́ Bɛla, Dinaba gbɛ̃ mɛ́ à kí blè Ɛdↄmu káaku.
33Kũ à gà, akũ Zɛra nɛ́ Yobabu, Bↄzↄra gbɛ̃ kí blè a gɛ̃nɛ ũ.
34Kũ à gà, akũ Temana bùsu gbɛ̃ Usamu kí blè a gɛ̃nɛ ũ.
35Kũ à gà, akũ Bedada nɛ́ Adada, Avi gbɛ̃ kí blè a gɛ̃nɛ ũ. Àkũ mɛ́ à zĩ̀i blè Midiãnↄa Mↄabunↄ bùsun.
36Kũ à gà, akũ Masareka gbɛ̃ Samala kí blè a gɛ̃nɛ ũ.
37Kũ à gà, akũ Reobo kũ à kú Yuflati sarɛ gbɛ̃ Saulu kí blè a gɛ̃nɛ ũ.
38Kũ à gà, akũ Akabo nɛ́ Baali Ana kí blè a gɛ̃nɛ ũ.
39Kũ à gà, akũ Pau gbɛ̃ Adada kí blè a gɛ̃nɛ ũ. A nↄ tↄ́n Mɛtabɛli, Matarɛdi nɛ́mɛ, Mɛzaba daikoremɛ.
40Isau buri kínanↄ tↄ́n dí kũ ń bùsunↄ: Timina, Alava, Yɛtɛ,
41Ɔↄlibama, Ela, Pinↄ,
42Kenazi, Temana, Mibiza,
43Magadiɛli kũ Iramuo. Ɛdↄmu kínanↄ tↄ́n gwe wɛ̃tɛ kũ wɛ̃tɛo bùsu kũ ò vùtɛn. Isau kũ à de Ɛdↄmunↄ dizi ũ burinↄn gwe.
