Lia Uluk Fohon 36

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Neꞌe mak Esau husar-binan sia. Esau niakaan naran seluk, Edom.

²Nia nola feto Kanaꞌan naꞌin rua nalo baa feen. Feto ida, naran Ada. Ada nia, ema Het ida naran Elon oan. Esau feen ida tenik, ema Hewi, naran Oholibama. Oholibama aman, naran Anah. Bein, naran Sibeon.

³Esau moos nola noo Ismael oan feto ida, naran Basmat. Basmat maun, naran Nebayot.

⁴Esau feen Ada nahoris Elifas. Basmat nahoris Rehuel.

⁵Oholibama nahoris Yeus, Yalam no Kora. Esau feen sia nahoris oan neꞌe sia hotu-hotu iha rai Kanaꞌan.

⁶Dala ida, Esau lori baa rai seluk, dook nosi Yakob. Nodi feen-oan, ema serwisu, bibi no karau no naha hotu-hotu.

⁷Esau sasa aan nosi Yakob, tan bibi no karau no sasoin seluk sia waꞌin liu resik toꞌo sia moris seti malu iha rai nia.

⁸Tan lia nia, Esau (mak Edom), baa tuur iha rai foho iha Seir.

⁹Neꞌe, Esau husar-binan, mak ema temi naꞌak, ‘ema Edom’. Sia tuur iha rai foho iha Seir.

¹⁰Esau feen Ada nahoris oan mane ida, naran Elifas. Elifas netan oan mane naꞌin lima mak: Teman, Omar, Sefo, Gatam no Kenas. Elifas feen kiꞌik, naran Timna. Nia nahoris oan mane ida naran Amalek. Esau feen Basmat nahoris oan mane ida naran Rehuel. Hotu, Rehuel netan oan mane naꞌin haat mak: Nahat, Sera, Syama no Misa.

¹⁴Esau feen Oholibama, Anah oan, mak Sibeon oa bein nia. Nahoris oan mane naꞌin tolu, mak: Yeus, Yalam no Kora.

¹⁵Esau oan no bein oan sia sasa faꞌe malu, dadi ema hunun waꞌin, ida-idak no duꞌuk fukun. Esau oan ulun, Elifas oan sia, dadi baa fukun Teman, fukun Omar, fukun Sefo, fukun Kenas, fukun Kora, fukun Gatam no fukun Amalek. Sia hotu-hotu nia, mak Esau no feen Ada husar-binan.

¹⁷Esau oan Rehuel oan sia, dadi fukun Nahat, fukun Sera, fukun Syama no fukun Misa. Sia hotu-hotu nia, mak Esau no feen Basmat husar-binan.

¹⁸Esau no feen Oholibama oan sia, dadi fukun Yeus, fukun Yalam no fukun Kora.

¹⁹Ema hunun nia sia hotu-hotu, mak Esau husar-binan.

²⁰Iha fatin nia moos noo ema Hori ida, naran Seir. Niakaan oan sia sasa faꞌe malu, dadi baa ema hunun waꞌin, ida-idak no duꞌuk fukun. Oan sia dadi baa fukun Lotan, fukun Sobal, fukun Sibeon, fukun Anah, fukun Dison, fukun Eser no fukun Disan.

²²Lotan oan sia mak Hori no Heman. (Lotan feton mak Timna).

²³Sobal oan sia mak Alwan, Manahat, Ebal, Sefo no Onam.

²⁴Sibeon oan sia mak Aya no Anah. Anah nia mak netan nola wee matan manas iha raihenek raat, oras naliku aman kuda keledai sia.

²⁵Anah oan feto mak Oholibama. No oan mane mak Dison. Dison oan mak Hemdan, Esban, Yitran no Keran.

²⁷Eser oan mak Bilhan, Saꞌawan, no Akan.

²⁸Disan oan mak Us no Aran.

²⁹Fukun ema hunun Hori sia mak neꞌe: Lotan, Sobal, Sibeon, Anah, Dison, Eser no Disan. Sia hotu-hotu nein iha rai Seir.

³¹Rai Israꞌel sei dauk no naꞌin, rai Edom no naꞌin tiꞌan. Naran sia tuir malu, nuneꞌe:

³²Sia foti Beor oan Bela, dadi naꞌin kota Dinhaba.

³³Bela mate, Yobab seluk nia. Yobab aman, naran Sera nosi leo Bosra.

³⁴Yobab mate, Husam seluk. Husam nia, nosi ema Teman rain.

³⁵Husam mate, Hadad seluk. Hadad aman, naran Bedad, nosi leo Awit. (Hadad neꞌe, mak natoba nola ema Midian, baa oras sia natuda iha Moab).

³⁶Hadad mate, Samla seluk. Samla nia, nosi leo Masreka.

³⁷Samla mate, Saul seluk. Saul nia, nosi leo Rehobot iha mota diꞌin.

³⁸Saul mate, Baꞌal-Hanan seluk. Baꞌal-Hanan aman, Akbor.

³⁹Baꞌal-Hanan mate, Hadar seluk. Hadar nia, nosi leo Pahu. Niakaan feen naran Mehetabel. Mehetabel aman, naran Matret. Bein, naran Mesahab.

⁴⁰Fukun nosi Esau sia, mak neꞌe: Timna, Alwa, Yetet, Oholibama, Ela, Pinon, Kenas, Teman, Mibsar, Magdiel no Iram. Sia ida-idak nanaran rai, tuir siakaan naran duꞌuk. Nunia dei, Esau husar-binan mak ema Edom.