Dəkəcop 36

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Dokombəra da Esay dɔ dandɛ, nwɛ aŋwe sɔ Edɔm mɔ.

²Kɔ Esay ɛlɛk aran ɔn, aran a Kanahan dacɔ: Ada, wan wəran ka Elon wəHewy, Oholibama wan wəran ka Ana, wan wəran ka Cibehɔŋ wəHewi,

³Basmat wan wəran ka Səmayila, wəkirɛ ka Nebayɔt.

⁴Kɔ Ada oŋkomɛ Esay Elifas, kɔ Basmat oŋkom Rehuwɛl.

⁵Kɔ Oholibama oŋkom Yehus, Yahelam, kɔ Korah. Awut a Esay ŋɔ akakɔ aŋɛ anakomɛ kɔ Kanahan mɔ.

⁶Kɔ Esay ɛlɛk aran ɔn, awut ɔn arkun kɔ aran, afum ɔn aka kəlɔ kɔn, yɔcɔl yɔn kɔ ca yɔkɔ ɛnasɔtɔ atɔf ŋa Kanahan mɔ fəp, k'ɔŋkɔ atɔf ŋɔlɔma. K'ɔmbɔlɛ wɛŋc Yakuba,

⁷bawo yɔcɔl yɛnalar ŋa, ta ŋantam kəyi tofo tin-ɛ. Atɔf nŋɛ ŋanayi mɔ ŋɛnafɛtər ŋa teta yɔcɔl yaŋan yɛlarəm.

⁸Kɔ Esay ɛndɛ nde tɔrɔ ta Sehir. Esay, nkɔn aŋc-we sɔ Edɔm.

⁹Dokombəra da Esay, dɔ dandɛ wətem ka yuruya nyɛ aŋwe Edɔm mɔ, nde tɔrɔ ta Sehir kəroŋ.

¹⁰Mewe ma awut a Esay mɔ mamɛ: Elifas wan ka Ada wəran ka Esay, Rehuwɛl wan ka Basmat wəran ka Esay.

¹¹Awut a Elifas ŋanayɔnɛ: Temaŋ, Omar, Sefo, Kahetam, kɔ Kenas.

¹²Timna wəlakɔ ka Elifas ɛnayi wan ka Esay. K'oŋkomɛ Elifas Amalɛk. Awut a Ada ŋɔ akakɔ wəran ka Esay.

¹³Mewe ma awut a Rehuwɛl mɔ mamɛ: Nahat, Serah, Sama, kɔ Misa. Awut a Basmat ŋɔ akakɔ wəran ka Esay.

¹⁴Mewe ma awut a Oholibama wan wəran ka Ana, wan-sɔ ka Cibehɔŋ, wəran ka Esay: K'oŋkomɛ Esay Yehus, Yahelam, kɔ Korah.

¹⁵Mewe ma abɛ a yuruya ya Esay mɛmɛ: Awut abɛ a Elifas, coco ca Esay: Wəbɛ Teman, wəbɛ Omar, wəbɛ Sefo, wəbɛ Kenas,

¹⁶wəbɛ Korah, wəbɛ Kahetam, kɔ wəbɛ Amalɛk. Abɛ a Elifas ŋɔ akakɔ, atɔf ŋa Edɔm. Awut a Ada ŋɔ akakɔ.

¹⁷Awut a Rehuwɛl, wan ka Esay ŋɔ akaŋɛ: Wəbɛ Nahat, wəbɛ Serah, wəbɛ Sama, kɔ wəbɛ Misa. Abɛ a Rehuwɛl ŋɔ akakɔ atɔf ŋa Edɔm. Awut a Basmat ŋɔ akakɔ, wəran ka Esay.

¹⁸Awut a Oholibama ŋɔ akaŋɛ, wəran ka Esay: Wəbɛ Yehus, wəbɛ Yahelam, kɔ wəbɛ Korah. Abɛ a Oholibama ŋɔ akaŋɛ wan wəran ka Ana, wəran ka Esay.

¹⁹Awut a Esay ŋɔ akakɔ, kɔ abɛ aŋan. Esay nwɛ aŋc-we sɔ «Edɔm» mɔ.

²⁰Awut a Sehir wəHori ŋɔ akaŋɛ: Lotaŋ, Sobal, Cibehɔŋ, Ana,

²¹Disɔŋ, Esɛr, kɔ Disaŋ. Abɛ aHori ŋɔ akakɔ, awut a Sehir nde atɔf ŋa Edɔm.

²²Awut a Lotaŋ ŋanayɔnɛ Hori kɔ Hemam. Wəkirɛ ka Lotaŋ ɛnayɔnɛ Timna.

²³Awut a Sobal ŋanayɔnɛ Alwaŋ, Manahat, Ebal, Sefo, kɔ Onam.

²⁴Awut a Cibehɔŋ ŋanayɔnɛ Awa kɔ Ana. Ana wəkakɔ ɛnafir kələmp nde dətɛgbɛrɛ, pəkɔ dəŋkɛk sɔfale sa papa kɔn Cibehɔŋ.

²⁵Awut a Ana ŋanayɔnɛ Disɔŋ kɔ Oholibama, wan ka Ana wəran.

²⁶Awut a Disaŋ ŋanayɔnɛ: Hemdaŋ, Esbaŋ, Yitran, kɔ Keran.

²⁷Awut a Etsɛr ŋanayɔnɛ: Bilaŋ, Sawaŋ, kɔ Akaŋ.

²⁸Awut a Disaŋ ŋanayɔnɛ Huc kɔ Araŋ.

²⁹Abɛ a Hori ŋɔ akaŋɛ: Wəbɛ Lotaŋ, wəbɛ Sobal, wəbɛ Cibehɔŋ, wəbɛ Ana,

³⁰wəbɛ Disɔŋ, wəbɛ Ecɛr, wəbɛ Disaŋ. Abɛ a Hori ŋa akakɔ, abɛ aŋan atɔf ŋa Sehir.

³¹Tɛm tatɔkɔ abɛ ŋanatɔmpər fɛ kərɛsna dɛbɛ nde atɔf ŋa Yisrayel. Mewe ma abɛ aŋɛ ŋanacepər atɔf ŋa Edɔm mɔ, mɔ mamɛ:

³²Bela, wan ka Behor, ɛnayɔnɛ wəbɛ Edɔm, tewe ta dare dɔn tɛnayɔnɛ Dinaba.

³³Kɔ Bela efi. Kɔ Yobabu wan ka Serah wəka Bɔcəra ɛlɛk dɛbɛ dɔn.

³⁴Kɔ Yobabu efi. Kɔ Hucam wəka atɔf ŋa Temani ɛlɛk dɛbɛ dɔn.

³⁵Kɔ Hucam efi. Kɔ Hadadu wan ka Bedadu ɛlɛk dɛbɛ dɔn. Nkɔn ɛnacəmbər Madiyaŋ nde kulum ka Mohabu. Tewe ta dare dɔn tɛnayɔnɛ Awit.

³⁶Kɔ Hadadu efi. Kɔ Samla wəka Masreka ɛlɛk dɛbɛ dɔn.

³⁷Kɔ Samla efi. Kɔ Sawul wəka dare da Rehobɔt Dəŋgbɔkɔ ɛlɛk dɛbɛ dɔn.

³⁸Kɔ Sawul efi. Kɔ Bahal-Hanan, wan ka Akbɔr, ɛlɛk dɛbɛ dɔn.

³⁹Kɔ Bahal-Hanan wan ka Akbɔr efi. Kɔ Hadar ɛlɛk dɛbɛ dɔn. Tewe ta dare dɔn tɛnayɔnɛ Pawu, kɔ tewe ta wəran kɔn tɛnayɔnɛ Mehetabɛl, wan ka Matrɛdu wəran, wan ka Mesahabu wəran.

⁴⁰Mewe ma abɛ a Esay mɔ mamɔkɔ, dəcor dəcor, dətɔf tɔf. Pəmɔ tatɔkɔ mewe maŋan moloku ti mɔ: Wəbɛ Timna, wəbɛ Alwa, wəbɛ Yetet,

⁴¹wəbɛ Oholibama, wəbɛ Ela, wəbɛ Pinɔŋ,

⁴²wəbɛ Kenas, wəbɛ Teman, wəbɛ Mibcar,

⁴³wəbɛ Makdiyɛl, wəbɛ Iram. Akaŋɛ ŋanayɔnɛ abɛ a Edɔm, kɔ dəkəndɛ daŋan atɔf ŋɔkɔ ŋanayɔnɛ abɛ mɔ. Esay ɛnayɔnɛ wətem ka aka Edɔm.