Dehet deng Apan-kloma ki in Dadi ka 36

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Esau ngaal didang nga Edom. Un in hua-koet tas ngalan nas elia:

²Esau saap nol bihaat Kanaꞌan at dua. Mesan na atuil Het, na Elon ana bihata la, ngala Ada. Mesan na pait, atuil Hewi ngala Oholibama. Un ama ka ngala Anah, nol un upu ka ngala Sibeon.

³Esau kon saap nol Ismael ana bihata la, ngala Basmat. Basmat blanen hmunan na ngala Nebayot.

⁴Esau sapa hmunan Ada la hua Elifas. Basmat hua Rehuel.

⁵Hidim Oholibama hua Yeus, Yalam nol Kora. Esau anan nas totoang huas se dale Kanaꞌan.

⁶Oe mesan na, Esau lako daad seda se dale mes didang pait, katang deng Yakob. Un kil nol sapa-anan nas, un atulin in dake ngas, un hmukit tas, nol un hmuki-nalan nas totoang.

⁷Esau bakisan nol Yakob, undeng oen hmukit tas, nol hmukin nas mamo isi. Tiata oen nuli ka tep isi son se dale na.

⁸Kon Esau (man atuli noken noan Edom) lako daad seda se leten-leten deng dale Seir.

⁹Esau in hua-koet tas, man oen noken noan ‘atuil Edom’. Oen daad se dale leten nas, se Seir.

¹⁰Esau sapa Ada ana bikloeb in ngaal Elifas sa haup ana biklobe at lima, oen ngalan nas elia: Teman, Omar, Sefo, Gatam nol Kenas. Elifas bee hmudin na, ngala Timna. Un hua ana biklobe mesa, ngala Amalek. Esau sapa Basmat hua ana biklobe mesa, ngala Rehuel. Rehuel haup ana biklobe at aat. Oen ngalan nas elia: Nahat, Sera, Syama nol Misa.

¹⁴Esau sapa Oholibama, na mo Anah ana, un nam kon Sibeon upu. Un hua ana biklobe at tilu. Oen ngalans Yeus, Yalam nol Kora.

¹⁵Esau ana-upun nas his-hoeng daid ngala mamo. Mesa-mesam nonool un kaka-ama. Esau ana hmunan Elifas sa anan nas, daid kaka-aam deng ngaal Teman, ngaal Omar, ngaal Sefo, ngaal Kenas, ngaal Kora, ngaal Gatam, nol deng ngaal Amalek. Oen totoang nam Esau nol un sapa Ada in hua-koet.

¹⁷Esau ana Rehuel anan nas, daid kaka-aam deng ngaal Nahat, ngaal Sera, ngaal Syama, nol deng ngaal Misa. Oen totoang nam, Esau nol un sapa Basmat in hua-koet.

¹⁸Esau nol un sapa Oholibama anan nas daid kaka-aam deng ngaal Yeus, ngaal Yalam, nol deng ngaal Kora.

¹⁹Ngala-ngaal nas totoang, Esau in hua-koet.

²⁰Se leten Seir ra, muik atuil Hori mesa, ngala Seir. Un anan nas kon his-hoeng le daid ngala mamo. Mesa-mesam nol un kaka-ama. Un ana nas daid kaka-aam deng ngaal Lotan, ngaal Sobal, ngaal Sibeon, ngaal Anah, ngaal Dison, ngaal Eser, nol deng ngaal Disan.

²²Lotan anan nas, Hori nol Heman. (Lotan bata ka, Timna).

²³Sobal anan nas, Alwan, Manahat, Ebal, Sefo, nol Onam.

²⁴Sibeon anan nas, Aya nol Anah. Anah man laok net ui mata in otot ta se epe hlaen mesa, se dedeng un in lolo-poa un ama ka keledai las sa.

²⁵Anah ana bihata la Oholibama. Nol un ana biklobe la, Dison. Dison anan nas, Hemdan, Esban, Yitran, nol Keran.

²⁷Eser anan nas, Bilhan, Saꞌawan nol Akan.

²⁸Disan anan nas, Us nol Aran.

²⁹Tiata, kaka-aam deng ngaal atuil Hori las, Lotan, Sobal, Sibeon, Anah, Dison, Eser nol Disan. Oen totoang daad se dale Seir.

³¹Dedeng dale Israel muik laih lo bii kam, se dale Edom muik un lahin son. Oen ngalan nas mudi-muid apa elia:

³²Oen nikit Beor ana ka, ngala Bela, le daid laih se kota Dinhaba.

³³Nikit Bela mate kon, Yobab sake daid lahi, le seda una. Un ama ka ngala Sera, deng iung Bosra.

³⁴Nikit Yobab mate kon, Husam sake daid lahi, le seda una. Husam na mo deng dale atuil Teman nas.

³⁵Nikit Husam mate kon, Hadad sake daid lahi, le seda una. Un ama ka ngala Bedad deng iung Awit. (Un man tao tehen atuil Midian nas se dedeng oen hote-dait labang apa se Moab pa).

³⁶Nikit Hadad mate kon, Samla sake daid lahi, le seda una. Samla na mo, deng iung Masreka.

³⁷Nikit Samla mate kon, Saul sake daid lahi, le seda una. Saul na mo, deng iung Rehobot ne palun suut.

³⁸Nikit Saul mate kon, Baal-Hanan sake daid lahi, le seda una. Un ama ka ngala Akbor.

³⁹Nol nikit Baal-Hanan mate kon, Hadar sake daid lahi, le seda una. Hadar na mo, deng iung Pau. Un sapa ka ngala Mehetabel. Mehetabel ama ka, ngala Matret. Nol un upu ka, ngala Mesahab.

⁴⁰Tiata kaka-aam in puit deng Esau ngas ngalan nas elia: kaka-aam Timna, Alwa, Yetet, Oholibama, Ela, Pinon, Kenas, Teman, Mibsar, Magdiel nol Iram. Oen mesa-mesam ngali oen dale kas, muid oen ngalan nas. Dehet deng Esau in hua-koet tas ela, oen nam atuil Edom mas upu kia-kaons.