Fufua 36

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Ʒi Esau, Edom hâcne, ere ɋâricfâc jaŋere ʒâŋe biri.

²Esau e Kanaaŋ naru jaŋeraonec ŋonâŋ jahec â moc rocjopawec, moc Ada, Hitiŋic Eloŋ ere otâ, â moc Hiwiŋic Zibeoŋ ŋokâ‐ticne Ana ere otâ, ʒâŋene Oholibama,

³erâ moc ine Isimaere otâ, ʒâŋene Basemata, Nebajotire seŋ.

⁴Eme Adazi Elifaʒi rowec, Basematazi Reguele rowec

⁵â Oholibama eki ine Jeusi, Jalam â Kora rocjopawec. Esaure ŋokâfâc iŋuc hâcne Kanaaŋ mâreŋko fuambiŋ.

⁶Eme Esau e ŋonâŋfâcne mecne, naru motecfâcne mecne â ŋic ŋokac gâcne ficticnao jumbiŋ jaŋe mecne, erâ mafa wiac â lama bulimakao sasawa â wâcwiac‐ticne Kanaaŋ mâreŋko juhuc hure‐fârewec i rocjopa‐fârerâ ɋaticne Jakobo beherâ Seiri mâreŋko rawec.

⁷Mafa wiac‐jekic bocjahare mâmâc jaha ŋec juc enicte manapire quŋkewec, erâ bulimakaofâc‐jekic guru sâkore mâreŋ jaba jupic izi mi sâcjopawec.

⁸Esau, Edom hâcne, e iŋuc ehuc Seiri tiki mâreŋko ŋec juc ewec.

⁹Ʒi ine Edomŋic Seiri tiki mâreŋko jurambiŋ jaŋere apa Esau ere ɋâricfâc.

¹⁰Esau ŋokâfâcne jaŋere ʒâŋe biri ʒine hâcne: Elifaʒi e Esaure ŋonâŋ Ada ere ŋokâ, Reguele e Esaure ŋonâŋ Basemata ere ŋokâ.

¹¹Elifaʒire ŋokâfâc ine ʒiŋuc: Temaŋ, Omare, Ʒefo, Gatam â Kenaʒi.

¹²Eme Elifaʒi, Esaure ŋokâ hâcne, ere ŋonâŋoc Timina eki Amaleke rowec. Esau ŋonâŋ‐ticne Ada ere ɋâricfâc ine hâcne.

¹³Reguele ere ŋokâfâc ine ʒiŋuc: Nahati, Sera, Sama â Misa. I jaŋe hâcne Esaure ŋonâŋ Basematare ɋâricfâc.

¹⁴Eme Zibeoŋte ŋokâ Ana ere otâ Oholibama e Esaure ŋonâŋ juweczi ŋokâ‐fâcne ʒiŋuc rocjopawec: Jeusi, Jalam â Kora.

¹⁵Ʒi ine Esau ŋokâfâcne jaŋere ŋicwofuŋ. Esau mârâc ŋokâ‐ticne Elifaʒi ere ŋokâfâc hâcne: Temaŋnec ŋicwofuŋ, Omarenec ŋicwofuŋ, Ʒefonec ŋicwofuŋ, Kenaʒinec ŋicwofuŋ,

¹⁶Koranec ŋicwofuŋ, Gatamnec ŋicwofuŋ erâ Amalekenec ŋicwofuŋ. Elifaʒiraonec ŋic izi hâcne Edom mâreŋko ŋicwofuŋ jumbiŋ. Erâ ŋic izia Ada ere ɋâricfâc.

¹⁷Ʒi ine Esaure ŋokâ Reguele ere ŋokâfâc: Nahati ŋicwofuŋ, Sera ŋicwofuŋ, Sama ŋicwofuŋ, Misa ŋicwofuŋ. Reguele eraonec ŋic izi hâcne Edom mâreŋko ŋicwofuŋ jumbiŋ, erâ ŋic izia wâc Basemata ere ɋâricfâc.

¹⁸Ʒi Esaure ŋonâŋ Oholibama ere ŋokâfâc: Jeusi ŋicwofuŋ, Jalam ŋicwofuŋ, Kora ŋicwofuŋ. Ŋic izi hâcne Esaure ŋonâŋ Oholibama, Anare otâ, eraonec fuarâ ŋicwofuŋ jumbiŋ.

¹⁹Ŋic izi Esau, Edom hâcne, ere ŋokâfâc erâ jaŋere ŋicwofuŋ.

²⁰Ʒi ine Horiŋic, ʒâŋene Seiri ere ŋokâfâc â mâreŋ irec rune jâmbâŋ jaŋere ʒâŋe: Lotaŋ, Sobali, Zibeoŋ, Ana,

²¹Disoŋ, Eʒere â Disaŋ. Ŋic izi hâcne Horiŋic jaŋere ŋicwofuŋ â Seiri ere ŋokâfâc Edom mâreŋko jumbiŋ.

²²Lotaŋ ŋokâ jahec‐ticne Hori â Hemaŋ, Lotaŋ seŋticne ine Timina.

²³Sobali ere ŋokâfâc ine ʒiŋuc: Aliwaŋ, Manahati, Ebali, Sefo â Onam.

²⁴Zibeoŋte ŋokâ jahec ine kecʒiŋuc: Aja â Ana. Ana ere fuŋne ine ʒiŋuc: E mamac‐ticne Zibeoŋ ere doŋgi soŋaŋ‐jopahuc mâreŋ tuhuo opâ ʒâŋe fârone moc bâfuawec.

²⁵Anare naru motec ine ʒiŋuc: Disoŋ â otâ‐ticne ʒâŋene Oholibama.

²⁶Disoŋte ŋokâfâc ine ʒiŋuc jumbiŋ: Hemidaŋ, Esibaŋ, Itiraŋ â Keraŋ.

²⁷Eʒere ere ŋokâfâc jumbiŋ ine kecʒiŋuc: Bilihaŋ, Sawaŋ â Akaŋ.

²⁸Disaŋ ŋokâ jahec‐ticne ʒiŋuc jupic: Uzi â Araŋ.

²⁹Horiŋic jaŋere ŋicwofuŋ ʒiŋuc hâcne jumbiŋ: Lotaŋnec ŋicwofuŋ, Sobalinec ŋicwofuŋ, Zibeoŋnec ŋicwofuŋ, Ananec ŋicwofuŋ.

³⁰Disaŋnec ŋicwofuŋ. Ŋic izi hâcne Horiŋic jaŋere ŋicwofuŋ mâreŋ ruckembiŋ sâc Seiri mâreŋko jumbiŋ.

³¹Israe ŋic jaŋere ŋicwofuŋ moc mi fuarâ juha Edom mâreŋko ŋic kecʒiŋuc jaŋe ŋicwofuŋ gie bahuc jumbiŋ:

³²Beoro ere ŋokâ ʒâŋene Bela e Edomko ŋicwofuŋ juwec, hae qizec‐ticne ʒâŋene Diŋhaba.

³³Bela hâmome Sera, Bozera haeonec, ere ŋokâ Jobabezi tucticne qawec.

³⁴Jobabezi hâmome Husam, Temaŋ mâreŋkonec eki tucticne qawec.

³⁵Husamzi hâmome Hadadi, Bedadi ŋokâ‐ticne, eki tucticne qawec. Eki ine Midiaŋ ŋic Moabi mâreŋko jopawec. Hadadi hae qizec‐ticne ine Awiti.

³⁶Hadadizi hâmome Samala, Masarekaonec, eki tucticne qawec.

³⁷Samalazi hâmome Saulu, Rehoboti hae Eufrata opâo ŋewec, e irec runezi tucticne qawec.

³⁸Sauluzi hâmome Baali‐Hanaŋ, Akaboro ere ŋokâzi tucticne qawec.

³⁹Baali‐Hanaŋ, Akaboro ere ŋokâzi hâmome Hadarizi tucticne qawec. E hae qizec‐ticne ʒâŋene Pahu â ŋonâŋ‐ticne ʒâŋene Mehetabe. Mehetabe e ine Matirede ere otâ â Meʒahabare ŋosa.

⁴⁰Esaure ɋâricfâc ŋicwofuŋ jumbiŋ jaŋere ʒâŋe biri ine fufua â hae â ʒâŋe‐jeŋicte sâcko kecʒiŋuc fokac: Timina irec ŋicwofuŋ, Aliwanec ŋicwofuŋ, Jeteti irec ŋicwofuŋ,

⁴¹Oholibamanec ŋicwofuŋ, Elanec ŋicwofuŋ, Pinoŋ irec ŋicwofuŋ,

⁴²Kenaʒi irec ŋicwofuŋ, Temaŋnec ŋicwofuŋ, Mibezare irec ŋicwofuŋ,

⁴³Magadeilenec ŋicwofuŋ erâ Iramnec ŋicwofuŋ. Ŋic i jaŋe hâcne mâreŋ rauckembiŋko jurambiŋ sâc Edom ŋicwofuŋ erâ jumbiŋ. Edomŋic jaŋere apa Esau, ere ɋâricfâc hâcne.