Luka 18:14-42

¹⁴Vačarav tumenđe: o cariniko đelo čhere opravdimo anglo Dol, a na kava o farisejo. Golese savo pes vazdol, ka peravol pe, a e perade ka aven vazdime.”

¹⁵Ande anglo Isus čak i em cikne čhavoren te astarol len thaj te blagoslovil len. A kana dikhlje gova e sikade, čhinade gova.

¹⁶A o Isus vačarda pe sikadenđe: “Mučhen e čhavoren ke mande thaj ma ačhaven len, golese so gasavenđe perol o carstvo e Devleso!

¹⁷Čače vačarav tumenđe, savo ni primil o carstvo e Devleso sar čhavoro, ni ka dol ane leste!”

¹⁸Thaj pučlja e Isuse jekh šerutno: “Učitelju šukareja, so te čerav te avol ma đuvdipe bizo meripe?”

¹⁹A o Isus phenda lese: “Sose akharema šukareja? Khoni naj šukar samo o Dol.

²⁰E Devlese zapovestura đane: 'Ma čher averčumidipe', 'Ma mudar', 'Ma čor', 'Ma svedoči hohavne', 'Poštuji će dade thaj će da!”

²¹A o šerutno vačarda: “Sa kava čerdem taro mo ternipe.”

²²A kana šunda kava o Isus vačarda lese: “Vađi jekh trubul tut: bičin sa so isi tut thaj de e čororen, thaj ka avol tu blago ko nebo. Thaj posle ava pale mande!”

²³A kana gova šunda sasa bibahtalo, golese kaj sasa but barvalo i ni manglja te bičinol sa.

²⁴A kana dikhlja le o Isus kaj sasa bibahtalo, vačarda: “Kobor si pharo te đal pe ano carstvo e Devleso kolenđe so si barvale!

²⁵Poločhe e kamilače te načhol maškare kana e suvače nego o barvalo te dol ano carstvo e Devleso!”

²⁶A kola save šunde le, pučhlje le: “A ko šaj te spasil pe?”

²⁷A o Isus vačarda: “So o manuš dol gođi kaj našti čerol, o Dol šaj čerol.”

²⁸Thaj o Petar phenda: “Ak, amen sa ačhadam amaro thaj pale tute đa.”

²⁹A o Isus vačarda lenđe: “Čače vačarav tumenđe: 'Naj ni jekh savo bi ačhavola po čher, il e romnja, il e phralen, il e dade thaj e deja, il e čhaven pašo carstvo e Devleso

³⁰ka primil po but ke akava sveto okolestar so ačhada thaj ka primil đuvdipe bizo meripe ko sveto savo avol.”

³¹Čidija o Isus e dešudujen apostoluren thaj vačarda lenđe: “Ake đa upre ano Jerusalim. Odori ka čerdol sa okova so e prorokura pisisade ano Sveto lil mandar taro Čhavo e Manušeso.

³²Kaj ka den ma ke manuša save ni đanen e Devlese, thaj ka maren muj mancar, ka maren man thaj ka čhungaren man.

³³Thaj ka šibin ma thaj ka mudaren ma a o trito đive ka uštav tare mule.”

³⁴Thaj e sikade khanči ni haljarde tar gova so vačarda o Isus. O značenje tar kala lafura sasa lendar garado thaj ni đanglje so sasa lenđe vačardo.

³⁵A kana o Isus reslo pašo foro Jerihon, jekh koro bešola ko drom.

³⁶Thaj kana o koro šunda kaj pherdo manuša načhen, pučlja: “So si gova?”

³⁷Thaj vačarde lese kaj načhol o Isus taro foro Nazaret.

³⁸Thaj o koro dija vika: “Isuse, Čhaveja e Davideso, smilujitu pe mande.”

³⁹Thaj nesave manuša save đele anglo Isus phende lese te na dol vika gači, thaj vov pozurale dija vika: “Čhaveja e Davideso, smilujitu pe mande!”

⁴⁰O Isus šunda le thaj ačhilo thaj vačarda te anen le paše leste. Kana ande le pučlja le:

⁴¹“So manđe te čerav tuče?” A vov vačarda: “Rajo! Mangav te dikhav!”

⁴²A o Isus phenda lese: “Dik, ćo pačaipe sastarda tut.”