1Kana o Isus molisajlo thaj kana ačhilo e molitvasa, jekh tar lese sikade vačarda lese: “Rajo, sikav amen te moli amen, sar o Jovane o Krstitelji so sikade pire sikaden.”
2O Isus vačarda lenđe: “Kana molin tumen, vačaren: 'Dade amareja ko nebo, te svetilpe ćo alav, te avol ćo carstvo, te avol ćiro manđipe ki phuv sar ko nebo,
3Hamase so trubul amen de amen svako đive,
4Thaj oprosti amare grehura, sar amen so oprosti okolenđe so čeren grehura premal amende! Thaj crde amen taro iskušenje.'”
5Thaj o Isus vačarda: ”Den gođi sar bi avola kana bi khoni tumendar đala ke po amal ki opaši rat, thaj te roden mangro lestar, thaj te vačaren lese: 'Amala, dema trin mangre, pa ka iriv tuće.
6Golese kaj avilo taro drom mo amal ke mande, thaj naj so te čhuvav angle leste.'
7A vov andral te phenol: 'Ačhav ma ko miro! Mo vudar si phanglo thaj me čhave si manca ano than e pašljimaso, thaj našti uštav te dav tut!'
8Vačarav tumenđe: Ako ni uštilo golese kaj si leso amal, ka uštol te dol le golese so si bilađutno thaj uporno.”
9Vačarav tumenđe: “Manđen thaj ka dolpe tumenđe! Roden thaj ka aračhen! Maren thaj ka putavol tumenđe!
10Golese kaj savore save manđen, dolpe lenđe, save roden aračhen, save maren, putardol lenđe.
11Savo dad tumendar: kana bi o čhavo rodola mačhe, o dad dol le ke gova than sape?
12Il te manglja angro te dol le škorpija?
13Kana tumen, bišukar manuša, đanen šukar buča te den tumare čhaven, kobor pobut tumaro Dad taro nebo ka dol tumen Duxo Sveto kolenđe save molin le?”
14Jekh drom o Isus tradija e benge taro manuš savo naštine te vačarol. Kana iklilo o beng lestar vov lija te vačarol, thaj zadivime e manuša sesa.
15A nesave lendar vačarde: “E Veelzevulese e demonurenđe šerutnese zorasa, tradol e demonen.
16A avera iskušisade e Isuse gija so rodije znako te dičhen dal si bićhaldo taro Dol.
17Thaj o Isus đanglja so den gođi thaj phenda lenđe: “Đi jekh carstvo savo si ulado ka properol. Čher an savo naj sloga ka properol.
18Gija i o beng te uladape korkoro pestar, sar ka ačhol leso carstvo? Vačaren kaj e Veelzevulesa tradav e bengen.
19Ako me e Veelzevulese zorasa tradav e bengen, save zorasa traden len tumare sikade? Thaj von korkore ka osudin tumen.
20Thaj ako me e Devlese zorasa tradav e bengen, onda avilo tumende o carstvo e Devleso.”
21Thaj o Isus vačarda: “Kana okova savo si zuralo manuš naoružilpe, thaj aračhol po čher, leso barvalipe si šukar arakhado.
22Al kana avol po zuralo lestar, pobedil le thaj lol sa leso oružije ane savo pačaja, thaj ulavol pirencar so lija taro slabo manuš.
23Savo naj manca, protiv mande si, thaj ko manca ni čidol, vov onda čhorol.”
24Kana o bilačho duxo ikljol andaro manuš, đal ke thana kaj naj khančhi te rodol than kaj šaj odmoril pe, thaj kana ni aračhol vačarol: “Te irima ano mo manuš kotar ikliljem.”
25Thaj kana iril pe o melalo dux aračhol kaj si gova manuš sar čučo čher savo si šulado thaj namestimo andral.
26Teg đal thaj aračhol efta averen duhuren pobilačhe pestar, thaj aven andre te bešen, thaj avol e manušese po bilačhe nego angleder.”
27A kana gova vačarda o Isus, jekh đuvli savi šunda le vačarda zurale: “Blagoslovimi i dej savi inđarda tut an po vođi, thaj dijatu čuči!”
28A o Isus vačarda: “Vađi po blagoslovime si kola save šunen o Lafi e Devleso thaj čeren le.”
29Po but manuša lije te čiden pe, a o Isus lija te vačarol lenđe: “Tumen e manuša so živin ke kava vreme sen bilačhe. Tumen roden o znako, thaj ni ka dolpe tumenđe znako sem e čudura so čerde pe e Jonase e prorokose.
30Gova so sasa e Jonase, sasa znako kaj o Dol bičhalda le e manušenđe save živisade ani Niniva. Gija mancar so ka avol, ka avol znako kaj me o Čhavo e Manušeso, o Dol bičhalda man kale manušenđe.
31Ko đive kana ka avol e Devleso sudo, i carica so angleder vladisada e južnone phuvasa ka uštol thaj ka osudil manušen tar kava bijandipe, golese kaj odural avili tare empalune phuva te šunol e caro e Solomone savo sasa but mudro, a ake, kate si khoni po baro taro Solomon, a tumen ni manđen te šunen le.
32Ko đive kana ka avol e Devleso sudo, e manuša so bešle ano purano foro Niniva ka ušten i ka osudin kale manušen tar kava bijandipe, golese kaj kajisajle kana o Jona sikada len, a ake kate si khoni po baro taro Jona, a tumen ni pokajisaljen!”
33“Khoni ni phabarol i svetiljka pa te čhuvol la talo garado than, ni tali korpa, nego čhuvol la ko than e svetiljkako te šaj dičhen o svetlost okola so den ano čher.
34Ćiri jakh si sar svetiljka e telose. Ako gija ćiri jakh si sasti, sa ćo telo ka avol osvetlimo. Ako si ćiri jakh bilačhi, ćo telo ka avol ani tama.
35Golese vodi redo ma gova svetlost sosi ane tute te avol tama.
36Golese ako si sa ćo telo osvetlimo thaj naj nisavo deo ani tama, ka avol sa osvetlimo sar kana i svetiljka osvetlil tut.”
37Thaj kana o Isus vačarola, jekh tare fariseja akharda le te hal mangro ke leste. Thaj o Isus đelo ke leste thaj bešlo ki sinija.
38A o farisej čudisajlo kana dikhlja so o Isus bešlo a angleder golestar ni thoda pe vasta anglo hape.
39A o Rajo o Isus vačarda lese: “Akana tumen e fariseja thoven od avral o tahtaj thaj o čaro, a andral si pherde pohlepa em bilačhipe.
40Bigođače! Naj li o Dol kova savo čerda e manuše od andral thaj od avral?
41A kava si po šukar: den e čororenđe okova so isi tumen andre, so halaneste garaven ane tahtaja em ane čare, thaj ka aven thode od andral em odavral.
42Pharo tumenđe e farisejenđe so den dešto kotor tare začinura thaj taro sa o povrće, a ni marin te čeren averenđe okova so si šukar em te manđen e Devle. Trubul te den dešto kotor e Devlese, al ma te bistren te čeren okova so pobut trubul.
43Pharo tumenđe e farisejenđe! So volin te bešen ke anglune thana ane sinagoge em kana dičhen tumen e manuša, pherde poštujipe premal tumende, te pozdravin tumen ke trgura.
44Pharo tumenđe! Tumen sen opasnost sar e neprimetna limora pe save e manuša uštaven a ni đanen.”
45Phenda e Isusese nesavo učitelji tare Mojsijaso zakono: “Učitelju, kava so phene i amen lađare!”
46A o Isus vačarda lenđe: “Pharo i tumenđe e učitelja tare Mojsijaso zakono! So čhuven pharipe but phare inđarimase, a tumen tumaro naj ni manđen te crden te pomožin nekase.
47Pharo tumenđe! So čeren limora e prorokurenđe, saven tumare kuštika mudarde.
48Golesa sikaven kaj odobrin gova so čerde tumare kuštika: von mudarde len, a tumen vazden lenđe limora.
49Golese so o Dol an po mudrost vačarol tumendar: “Ka bičhalav lenđe prorokuren thaj apostolen, a khonik lendar ka mudarol len, a e dujtonen ka progonin.
50Tumari generacija ka avol banđi zako rat e prorokurengo savo thavdija taro čeripe o sveto,
51taro Aveljeso rat đi e Zaharijaso rat, savo mudardo maškaro žrtveniko thaj o sveto than e Hrameso. Va, phenav tumenđe, ka rodol pe tari tumari generacija.”
52Pharo tumenđe učiteljuralen tare Mojsijaso zakono! Golese so garaden i klidi taro đanglipe e Devlese carstvose. Korkore ni den andre ano carstvo, a save manglje te den andre, a tumen ni dijen len.”
53A kana o Isus iklilo gothar, lije e učitelja tare Mojsijaso zakono thaj e fariseja te holjavon thaj te pučen le but khanči,
54thaj rodije sar te phenol khanči sosa bi banđarena le posle.
