لُكِ 18:14-42

¹⁴«ﭑ شَ عَ قَلَ وٌ بّ، يِ مِشِ قِرِن تٌ فبِلٍن عٍ شْنيِ، نَ دُوتِ مَشِلِ نَن نُ تِنشِنشِ عَلَ يَ عِ، بَرِ مَ مِشِ يٌ عَ يّتّ عِفبٌ، عَ كَنيِ قَمَ نّ عِفٌرٌدٍ. كْنْ مِشِ نَشَن عَ يّتّ مَفٌرٌ مَ، عَ شَ قٍ عِتٍمَ نّ.»

¹⁵مِشِيٍ نُ قَقٍ دِ مّدِيٍ رَ عِسَ شْن، عَلَكٌ عَ شَ عَ بّلّشّ سَ عٍ مَ. عَ قْشِرَبِرّيٍ تٌ نَ تٌ، عٍ نَشَ وْيّن نَ مِشِيٍ مَ.

¹⁶كْنْ عِسَ نَشَ عٍ شِلِ، عَ عَ مَسٍن عٍ بّ، «وٌ عَ لُ دِ مّدِيٍ شَ قَ ﭑ يِرٍ. وٌ نَشَ تْنيِ دْشْ عٍ مَ، بَرِ مَ نَشٍيٍ مَنِيَشِ عٍ رَ، عٍ تَن نَن سٌمَ عَلَ شَ مَنفّيَ نِينِ بُن مَ.

¹⁷ﭑ شَ نْندِ قَلَ وٌ بّ، مِشِ نَشَن مُ تِنمَ عَلَ شَ مَنفّيَ نِينِ رَ عَلْ دِ مّدِ، نَ كَنيِ مُ سٌمَ عَلَ شَ مَنفّيَ نِينِ بُن مَ قٍوٌ!»

¹⁸مَنفّ ندٍ نَشَ عِسَ مَشْرِن، «كَرَ مْشْ قَنيِ، عَ لَن ﭑ شَ مُنسٍ رَبَ عَلَكٌ ﭑ شَ عَبَدَن كِسِ سْتْ كّ رَ؟»

¹⁹عِسَ نَشَ عَ مَسٍن عَ بّ، «مُنقٍ رَ عِ ﭑ شِلِمَ كَرَ مْشْ قَنيِ؟ مِشِ يٌ مُ قَن. عَلَ كٍرٍن ثٍتِ نَن قَن.

²⁰عِ سّرِيّ كٌلٌن؛ ‹عِ نَشَ يّنّ رَبَ. عِ نَشَ قَشّ تِ. عِ نَشَ مُحّ تِ. عِ نَشَ مِشِ تْوحّفّ. عِ بَبَ نُن عِ نفَ بِنيَ.›»

²¹مَنفّ نَشَ عِسَ يَابِ، «ﭑ بَرَ نَ بِرِن نَبَتُ كَقِ ﭑ دِ مّدِ تّمُي.»

²²عِسَ تٌ نَ مّ، عَ نَشَ عَ قَلَ عَ بّ، «قٍ كٍرٍن نَن قَ لُشِ عِ شَ قٍ. سِفَ، سٍ نَشَن بِرِن نَ عِ يِ رَ، سَ عَ مَتِ، عِ عَ كْبِرِ قِ سٍتَرٍيٍ مَ. نَ كُي، عِ قَمَ بَننَيَ سْتْدٍ عَرِيَننَ. عِ نَ نَ رَبَ، قَ، عِ بِرَ ﭑ قْشْ رَ.»

²³كْنْ عَ تٌ نَ مّ، عَ نَشَ سُننُن، بَرِ مَ عَ نُ بَننَشِ كِ قَنيِ.

²⁴عِسَ تٌ عَ سُننُنشِ تٌ، عَ نَشَ عَ مَسٍن عَ بّ، «سٌقٍ عَلَ شَ مَنفّيَ نِينِ بُن مَ، عَ شْرْشْ نَاقُلِ كَنيِيٍ بّ كِ قَنيِ!

²⁵حْشْمّ سٌ حْشُن سّنبّ يَلٍ رَ، دِنّ بَننَمِشِ سٌقٍ رَ عَلَ شَ مَنفّيَ نِينِ بُن مَ.»

²⁶مِشِ نَشٍيٍ عَ شُي مّ، عٍ نَشَ عَ مَشْرِن، «ندٍ قَ نْمَ كِسِدٍ؟»

²⁷عِسَ نَشَ عٍ يَابِ، «مِشِيٍ مُ نْمَ نَشَن نَ، عَلَ تَن نْمَ نَ رَ.»

²⁸ثِيّرِ نَشَ عَ قَلَ عِسَ بّ، «عَ مَتٌ، مُشُ بَرَ كٍلِ مُشُ شَ سٍ بِرِن شُن مَ، مُشُ بِرَ عِ قْشْ رَ.»

²⁹عِسَ نَشَ عَ مَسٍن عٍ بّ، «ﭑ شَ نْندِ قَلَ وٌ بّ، مِشِ يٌ نَشَن نَ كٍلِ عَ شَ سٍ ندٍ شُن مَ عَلَ شَ مَنفّيَ نِينِ شَ قٍ رَ، عَ قِندِ بَنشِ رَ بَ، فِنّ بَ، نفَشَكٍرٍنيِيٍ بَ، بَرِ مَيٍ بَ، دِيٍ بَ،

³⁰نَ كَنيِ عَ حْشْي وُيَشِ سْتْمَ نّ يِ دُنِحَ مَ، عَ مَن قَ عَبَدَن كِسِ سْتْ عَلِفِيَمَ.»

³¹عِسَ نَشَ عَ شَ شّيرَ قُ نُن قِرِنيِيٍ شُن لَن، عَ عَ قَلَ عٍ بّ، «وٌ عَ مَتٌ، وٌن نَ تٍقٍ دَرِ سَلَمُ نّ يِ كِ. نَمِحْنمّيٍ قٍ نَشٍيٍ سّبّشِ عَدَ مَ شَ دِ شَ قٍ رَ، عَ بِرِن قَمَ نّ كَمَلِدٍ نَا.

³²عَ سَمَ نّ كَاقِرِيٍ بّلّشّ، عٍ عَ مَيٍلٍ، عٍ عَ كٌنبِ، عٍ دّيٍ بْشُن عَ مَ.

³³عٍ نَ فّ عَ بْنبْدٍ سّبّرّ رَ، عٍ عَ قَشَمَ نّ، كْنْ عَ شَ قَشّ شِ سَشَن ندٍ، عَ مَن كٍلِمَ نّ قَشّ مَ.»

³⁴كْنْ عِسَ قْشِرَبِرّيٍ مُ نَ سٍسٍ قَهَامُ. نَ مَسٍنيِ بَرَ قِندِ وْيّنيِ نْشُنشِ رَ عٍ بّ، عٍ مُ نَشَن كُي كٌلٌن.

³⁵عِسَ تٌ مَكْرّ يٍرِكٌ رَ، دْنشُي ندٍ نُ دْشْشِ كِرَ دّ رَ كُلّ مَتِدٍ.

³⁶عَ تٌ حَمَ شُي مّ كِرَ رَ، عَ نَشَ مَشْرِنيِ تِ، «مُنسٍ رَبَشِ؟»

³⁷عٍ نَشَ عَ قَلَ عَ بّ، «عِسَ نَسَرّتِكَ نَن دَنفِقٍ.»

³⁸نَ كُي، عَ نَشَ فبٍلٍفبٍلٍ، «عِسَ، دَوُدَ شَ دِ، كِنِكِنِ ﭑ مَ!»

³⁹مِشِ نَشٍيٍ نُ يَرٍ، عٍ نَشَ وْيّن عَ مَ عَ عَ شَ سَبَرِ، كْنْ عَ تَن حَن نَشَ سٌ عَ شُي عِتٍقٍ دَنفِ سِنفٍ رَ، «دَوُدَ شَ دِ، كِنِكِنِ ﭑ مَ!»

⁴⁰عِسَ نَشَ تِ، عَ عَ قَلَ مِشِيٍ بّ عٍ شَ قَ دْنشُي رَ عَ شْن. دْنشُي تٌ عَ مَسٌ عَ رَ، عِسَ نَشَ عَ مَشْرِن،

⁴¹«عِ وَ مَ ﭑ شَ مُنسٍ رَبَ عِ بّ؟» عَ نَشَ عَ يَابِ، «مَرِفِ، ﭑ وَ مَ ﭑ يَ شَ سٍ تٌ.»

⁴²عِسَ نَشَ عَ مَسٍن عَ بّ، «سٍ تٌ. عِ شَ دَنشَنِيَ بَرَ عِ رَيَلَن.»