1Ane gova vreme avile nesave manuša thaj vačarde e Isusese kaj o Pilat o rimsko upravniko bičhalda te mudaren nesave Galilejcuren. Thaj mudarde len dok prinosisade kurbanen ano jerusalemsko Hram.
2Thaj o Isus vačarda lenđe: “Tumen li den gođi kaj gola Galilejcura so sesa mudarde si po grešna tare avera Galilejcura?
3Na! Phenav tumenđe, i tumen gija ka mudardon ako ni irin tumen e Devlese.
4Il okola dešohto so peli pe lende i kula i Siloamsko thaj mudarda len, tumen li den gođi kaj von sesa po grešna tare avera Jerusalimcura?
5Na! Phenav tumenđe, i tumen gija ka mudardon ako ni irin tumen e Devlese.”
6Thaj o Isus vačarda lenđe kaja paramič: “Jekhe manuše sasa smokva sadime an po vinograd. Thaj avilo te dičhol dal anda bijandipe, al ni arakhlja pe late khanči.
7Tegani vačarda e manušese savo čerda buči ko vinograd: “Ak trito berš sar avav thaj rodav bijandipe pi kaja smokva, thaj ni arakhav. Čhin la! Sose te šučarol i phuv?
8A o manuš so čerol bući ko vinograd vačarda lese: “Barutneja! Ačhav la vađi kava berš te honav paše late thaj te čhudav gunoj paše late.
9Šaj ka bijanol aver berš. Ako na, ka čhine la.”
10Thaj kana o Isus sikavola ani jekh sinagoga ko savato,
11thaj dik, sasa gothe jekh đuvli savi sasa banđardi ko dumo thaj sasa nasvali taro bilačho duxo dešohto berš, thaj naštine te ačhol šukar.
12Thaj kana dikhlja la, dija la vika o Isus thaj phenda lače: “Đuvlije! Oslobodimi san tar ćo nasvalipe!”
13Thaj čuta pe late pe vasta. Thaj i đuvli sigate ispravisajli thaj hvalisada e Devle.
14A o vođa tari sinagoga holajlo but sose o Isus sastarda ko savato, thaj vačarda e narodose: “Isi šov đive ano kurko ke save šaj čerol pe buči! Aven ke gola đive te sastardon, a na ko savato!”
15A o Rajo o Isus tegani vačarda lenđe: “Dujemujenđe! I tumen čeren buči ko savato. Tumen li ni putren tumare guruve il e here tari balija, thaj ni inđaren le te pijol paj?
16A kala čheja tare Avraamesi kuštik sava o Sotona phanglja ak dešohto berš, sose te na oslobodil pe ano savatoso đive?”
17A kana kava šunde lađajle savore save sesa protiv leste, a avera maškaro narodo sesa raduime paše sa o Isus so čerda.
18A o Isus vačarda lenđe: “Savo si o carstvo e Devleso? Thaj sosa te uporediv le?
19Vov si sar seme e gorušicako, savo lol o manuš thaj čhudol le ano po vrt. Thaj barol thaj čerdol baro kaš, thaj e čiriklja avena te čeren pese thana kaj ka bešen pe leste.”
20Thaj pale vačarda: “Savo si o carstvo e Devleso? Thaj sosa te uporediv le?
21Vov si sar kvasaco savo i đuvli dospil ani bari vangla aresa, sa đi kaj ni šukljol.
22Thaj o Isus, dok phirda pe dromesa ano Jerusalim, nakhlo maškare forura thaj e gava thaj sikavola e manušen.
23Thaj khoni pučlja le: “Dal samo zala ka aven spasime Rajo?” Thaj o Isus vačarda lenđe:
24“Trudin tumen te den ko tesno vudar e neboso, golese kaj but đene ka manđen te den, al nakašti.
25Kana o čherutno phandol e vudara tar po čher, ka avol tumenđe but kasno. Ka ačhen avral, ka čalaven ko vudar thaj ka phenen: 'Rajo! Puthar amenđe e vudara!' Thaj vov ka vačarol tumenđe: “Ni pinđarav tumen kotar sen.
26Tegani ka vačaren: “Amen xaljam thaj piljam tusa, thaj pe amare droma sikadan!”
27A vov ka vačarol lenđe: “Vačarav tumenđe: “Ni pinđarav tumen kotar sen. Crden tumen mandar save bilačhipe čeren.
28Gothe ka roven thaj ka aven but holjame, kana ka dičhen e Avraame e Isako thaj e Jakove thaj sa e prorokuren ano carstvo e Devleso, a tumen ka aven ikalde avral.
29Thaj but đene ka aven taro istok, thaj taro zapad thaj taro sever thaj taro jug thaj ka bešen ko astali ano carstvo e Devleso.
30Thaj dik, kola sosi akana anglal odori ka aven empalal, a okola save si empalal odori ka aven embare.”
31Ane gova đive avile nesave fariseja te phenen e Isusese: “Iklji thaj đa akatar, golese so o caro o Irod manđol te mudarol tut!”
32Thaj o Isus vačarda lenđe: “Đan thaj vačaren gole lisicaće: “Ak ikalav e bengen thaj sastarav avđive thaj theara, a trito đive ka završiv.
33Avđive thaj theara thaj prektheara trubul te đav, golese kaj o proroko našti mudardol avral taro Jerusalim.
34Jerusalime, Jerusalime, tu savo mudare e prorokuren thaj gađi barencar okolen manušen saven o Dol bičhalda! Kozom droma mangljem te garavav e čhavoren ćiren sar i khanji pe pujoren tari pi phak, thaj ni mangljen!
35Ak, ka avol tumaro čher pusto, a me vačarav tumenđe: “Ni ka dičhen ma sa dok ni vačaren: “Blagoslovimo si kova savo avol ano alav e Rajoso.” “
